1 ¹ Kaheka bedeery nihikỹ rybe rare. Davi riòre heka rare iwidỹỹdu. Tii Jerusale Iòlòmy raremyhỹ. ² Bòdỹỹna, bòdỹỹna heka rare. Kamy Bedeery rarybere. Kia heka ibutumy bòdỹỹnale hekỹ rare. ³ Iny mahãdu heka tabededỹỹnana aõmysỹdỹỹmy rahumyhỹre, rexiaõtamyhỹre. Kia tahe ionana rehemynymyhỹreu inyboho ròtamyhỹrenyre? ⁴ Iny mahãdureny rexijuamyhỹrenyre. Iny mahãdureny rurumyhỹrenyre kabede-ki hãwã nihikỹ. ⁵ Txuu ixiyrybuhukỹle ròhònymyhỹre, kia tahe ixybyle talamana-ò ròòsemy rỹimyhỹre, ixybyle rohònymy rariakremy. ⁶ Yhy heka iraru-ò rebonymyhỹre, iraru-di tahe ibòò-ò rebonymyhỹre, kia tahe ixybyle tatytyby-di ròòsemyhỹre ixihetyretyle. ⁷ kia tahe tabutunakile rexihumyhỹre, kia heka ibutumy bero mahãdu bero nihikỹ roimyhỹre-ò rekoamyhỹrenyre, kia ribi tahe bero nihikỹ rỹxiõhyymyhỹre. Kia bee ixybyle ròòsemyhỹre tiribibo bero ròrarunymyhỹre-ò, kia ta ixyby tuu rekoamyhỹrenyre. ⁸ Kia heka ibutumy aõnaõna inyboho deyurese nikikỹmy risỹnymyhỹrenyre deywese inihikỹmy, kia tiu inyboho idi butumy rikirarenyõtyhy. Iny ruereny heka reyweserenyõhyymyhỹre aõnaõna-di itxere-di, kia iny nohõtireny tule reyweseõhyymyhỹre aõnaõnamy ijohona-ò. ⁹ Aõbo komy rutỹỹnyre, kia ixybyle tuu rutỹỹnyre. Aõbo komy rotỹỹnyre, kia ixybyle relekre. ¹⁰ Kia aõbo ijõdire iny aõmy rarybekemy: “Beteheni, kia heka tiu kaki bebe-ki tuu rutỹỹnyõhyyre? Kõre kia ibutumy tuu rutỹỹnyre inykoreny-ki, kia iny boho ruarenyõule tuu rutỹỹnyre. ¹¹ Iny-õ heka itxi tõhõti reaõhyymyhỹre aõbo juhuu rutỹỹnyre-di; mobo irahudi kamakre, kia aõnaõna rõkõnykre tuu bedeu, kia ihãre itxi tõhõti reaõhyyre. ¹² Diarỹ wabedeeryre, diarỹ heka Israel Iòlòmy raremyhỹ Jerusalem bedeki: ¹³ Diarỹ rexiywinyre aõbo kaki hãwa nihikỹ roimyhỹre arienykemy idi aratyritinykremy. Kia heka Deuxu aõmysỹdỹỹ inihikỹmy wadeereny riwahinyre, kia inihikỹmy reywesemyhỹrenyre. ¹⁴ Diarỹ heka ibutumy aõbo kaki hãwa nihikỹ-ki roiremy rabimyhỹre, kia take myy rarybere: kia heka ibutumy raihyyle rare. Kia heka ibutumy iwese yhy kewo-my reomyhỹre wesele. ¹⁵ Kia tiu iny-õ riõbitinyõtyhy aõ ikòemy raimyhỹre-ribi, kia tiu idi rariaõtyhy tiu ijõ rasiranymyhỹre-wana, ¹⁶ Kia take myy rahõtinyre: "Diarỹ heka ixyby kãbu nihikỹ-my relere, ixyby wabedeery nihikỹmy, kia Jerusalem hãwa ridinodunyrenyre ratyre-my rỹimybỹre, aõbo rareymy rỹimyhỹre." ¹⁷ Kawese-my take reijere timybo itxi areakemy arierymy bedeerynana, aõbo ibinamy rỹimyhỹre, kia heka inyle ixidi aõeli rãhõtinyõmyhỹre. Diarỹ heka itxi reamy ramyhỹre, kia heka iwese yhy wihewamy reamyhỹre wesele idi retehemyhỹre. ¹⁸ Kia bede rierywiwimyhỹre-wana, kia heka ixyby iny-my reletyhymyhỹre, ka inywoxi robu robumyhỹre tahe ijodihyyre; Kia bede inihikymy rierymyhỹre-wana, kia aõtxi aõhyymy rutỹỹnylemyhỹre.