¹ kaiboho awimy atxitenyteri Israel hawa-ki! Kaibohoso awimy atxitenyteri Samaria hawa-ki, kaiboho Isarel hawa wedunihkȳmy atxitenyteri, kaiboho adèèrèny tahe ijoi ixiwiòhenadȳȳmy rexitòènykre! ² kaiboho marybèbènykre ijoi mahaduò: ‘betehebenykre Calné hawadi, irahudi boikre Hamare hawaò, irbi boikre Gate hawaò filiseu kia suò. Kua hawa-mahadu, aõbo ityhyrènyreri inyratyrèreny ȳda isurèni aõbo inihkyreri? ³ kaiboho tahe bityhybènyõkre iòholèmy rare aõbinahkȳò, kia tewinytènytèri bièlènybènykre bdèbina koki. ⁴ Kia banquete adèèrèny awireny, tai boimy kia rynana wihkyki tai tule borony budoeni-dè! ⁵ kaiboho wiu tewinymyhytenyte rei Davi wsemy tii tai awimy rahamyhȳre harpa wna rirawyònyhyre. ⁶ Biõbeny kia monaso-hkȳmy, biuhebeny kia delȳnyre òwy-hkȳ, uritrè kia hawaò workekõmy. ⁷ kaiki tahe kaiboho komy madybènykre ròtena hetoò hawa-rbi irehemy, tai ixyby ihoõkre banquete bdèsa. ⁸ Deuxu rurutere-hkȳ tuu rarybere: -Diarȳ Samara hawa ariwahinykre iòdurèny mahaduò, tai tahe butumy riwykre kia itxi reakre. Diarȳ tahe wadònare Israel mahadu rexityhynymyhȳre-ki, ridónanymyhȳre ihètorèny. ⁹ Tai tahe kiamy rutyynykre, dèbò ituèmy rȳikre-wna heto-ki , rurukre butumy. ¹⁰ kaa inyõ rakre itrasamy heto-rbi, kia rȳȳraxikre inyõ aõbo ratxireri irumy: inyõ ratxiõ? Ijo rirawyònykre: ‘ kore, ratxiõre.’ tai tahe rarybekre komy: ‘ rybeõmyke! Deuxu nimy karyberenyõke!’ ¹¹ Tkièmy Deuxu rarybekre, butumy heto inihkȳ rȳira, tule iyja, butumy rykokre. ¹² Ixinamy aõbo awaru rariake mynatyredi? Ȳda boi aõbo ritusinyke arado maò? Tiu tukeho aõkõ! Urile tahe kaiboho aõbo òbiti terahòrèmyhytenyte ibinabinaò. ¹³ kaiboho iximy tawowydymyhȳtènytè Lobebar tehuteki kia iximy taxiwenymyhȳte tarybete: ‘iny rururèny òbiti Carnaim rbi ijoi ròtare. ¹⁴ Deuxu ruruterehkȳ, rarybere: -Israel ijoi mahadu, kia ijoi aritèónykre ritybynykremy kia ahawa, butumy kaiboho kia rbi kdòrarukre Hamate bdè rbi, ibòò rbi roireri, kia Arabá bdèo hkȳlè, iraruki kia roireri.