¹ Kaa heka Levi mahãdu templo ijòtòbòna itxeredumy iaõmysỹdỹỹnareny: Meselemiasi, Koré riòremy, Asabé mahãdu Korásỹ mahãdurenymy roire. ² Meselemiasi heka debò inatxi reuròmy iriòrerenymy roire dela ribi iriòre dỹỹbò-ò: Sakarias, Jejiaeli, Sebadiasi, Jatxinieli, ³ Elaõ, Joanã, Elioenai. ^4-5 Obede-Edõ, debò inatão iriòre sõwe Deuxu riwahinyre. Kaa tahe iriòrereny iriòre dela ribi iriòre dỹỹbò-ò: Semaiasi, Jeosabadé, Joá, Sakaká, Netaneli, Amieli, Isakahá, Beuletaí. ^6-7 Semaiasí, Obede-Edõ riòre dela rare, debò sohoji reuròmy iriòre sõwe roire: Otni, Habaeli, Obede, Eusabadé, Eliú, Semakiasí. Tii boho heka iruru tererenyrenymy roire, imahãdureny awityhymy taireny raharenyre, tahe Eliú, Semakiasi, heka iseriòrereny ribi iruruterereny ratyre. ⁸ Tai dori Obede-Edõ sỹmahãdu ribi heka 62 hãbu ruruduhukỹ templo ijòtòbòna-ki raõmysỹdỹỹrenykremy rexiwahinyrenyre. ⁹ Meselemiasi sỹmahãdu ribi heka 18 hãbu ruruduhukỹ heka templo ijòtòbòna- ki raõmysỹdỹỹrenykremy rexiwahinyrenyre. ¹⁰ Merari sỹmahãdu heka Hosá irióre inaubiòwamy roire: Sῖri iriòre dela aõkõre ihỹre heka imahãdureny wedumy tyby risỹnyre. ¹¹ ijõ Merari riòremy Hiukiasi, Tebaliasi, Sakariasi. Tai dori Hosá mahãdureny heka 13my sõwe imahãdureny Templo, Deuxu heto, ijòtòbòna itxeredumy roire. ¹² Templo, Deuxu heto idi itxeredu tamahãdu tamahãdu heka ritxuarenyre taaõmysỹdỹỹnareny txu-di ijòtòbònarenymy idi reteherenykremy, iwese Levita mahãdu idi raõmysỹdỹỹrenykremy. ¹³ Inyõ mahãdu tasỹmahãdureny ibutumy Deuxu heto Templo ijòtòbòna idi itxeredumy tamahãdu tamahãdureny idi rehumy tai ritamyroiremyhỹ. Iny mahãdu ijoireny sõwe, ijõ tamahãdureny ibutemy ritarenyre dori. Myy: ¹⁴ Selemiasi ijòtòbòna bede-ò idi itxeredumy ritarenyre, iriòre Sakaria heka iraybididu wihikỹmy rare tahe ibòò-ò ijótòbòna itxeredumy ritarenyre. ¹⁵ Obede-Edõ heka ijótòbòna iraru-ò itxeredumy ritarenyre. Obede-Edõ riòrereny heka rỹsỹna idi itxeredurenymy ritarenyre. ¹⁶ Subῖ, Hosá wana heka ijõ bedeò ijòtòbònamy idi itxeredurenymy ritarenyre tule ijõ Saleketé ijòtòbòna ryy ibòò-ki roiremyhỹ idi itxeredurenymy risỹnyrenyre. Kia wese heka itxeredu mahãdu tai idi raõmysỹdỹỹrenykremy myy: ¹⁷ Txuõtxuõlemy heka debò sohoji reurò bede-ò idi itxeredumy ube-ki roimyhỹkremy, ibòò-ki inaubiòwa idi itxeredumy roimyhỹkremy, iraru-ki inaubiòwa idi itxeredumy roimyhỹkremy. ¹⁸ Bede-ò ube-ki ryy iòhòmy heka inaubiòwa idi itxeredumy roimyhỹkremy, templo Deuxu heto ube-ki inatxi idi itxeredumy roimyhỹkremy. ¹⁹ Kia wese heka Merari mahãdureny, Korá mahãdureny iaõmysỹdỹỹnareny ritarenyre. ²⁰ Ijõ Levi mahãdureny heka Deuxu heto, Templo aõnaõna wihikỹle idi itxeredumy ritarenyre, tii boho tule ibutu aõ inyõ mahãdu riwahinyrenyre Deuxu-ò idi itxeredumy roimyhỹrenyre. ²¹ Ladã heka Kesõ riòreõmy roire tii heka sõwe mahãdu labierenymy roire, iriòre Jeieli mahãdu tule ilabiereny rare ladã wahe. ²² Iriòrereny heka Setã, Joeli ijõ, Deuxu heto, Templo aõwihikỹ yrubudỹỹdumy roiremyhỹrenyre. ²³ Âraõ iriokorereny, Isá, Heborõ, Usieli tule iaõmysỹdỹỹnareny ritarenyre. ²⁴ Moisesi riòremy kesõ iriokore mahãdu Sebueli heka rare tii Deuxu heto, Templo aõwihikỹ yrybudỹỹdu wedumy roire. ²⁵ Sebueli heka Selomité sỹmahãdumy rare, Eliesé Kesõ seriòremy imahãdureny rare. Eliesé Heabiasí tyby heka rare, Heabiasí riòre Jesaiasí rare, Jesaiasí heka Joraõ tybymy, Joraõ tahe Sikiri tybymy, Sikiri riòremy Selomité rare. ²⁶ Selomité isỹmahãdureny wana iaõmysỹdỹỹnarenymy roire; ibutumy heka aõwihikỹ iòlò Davi Deuxu-ò riwahinymyroire, ibutumy aõwihikỹ inyõ tamahãdu tamahãdu wedurenymyroire Deuxu-ò riwahinymyroire, ibutumy sodadureny wedumy aõwihikỹ Deuxu-ò riwahinymyroire heka selomité tamahãdureny wana idi yrubudỹỹdurenymy roiremyhỹrenyre. ²⁷ Aõ wihikỹ Deuxu_ó riwyrenymyroire heka iòludureny ribi rimyrenyre Deuxu-ò rihitxinymyroire Deuxu heto, Templo-woki idi riuhekremy. ²⁸ ibutumy aõna õna wihikỹ Deuxu heto, Templo-ò rihitxinyrenyre heka Selomité isỹ mahãdureny wana yrybudỹỹdumy roiremyhỹ. Kia aõna wihikỹ- yki heka Samueli Deuxu rybedumy heka riwahinyre, tule ijõ Salữ iòlòmy heka riwahinyre, Neé riòremy, Abiné heka ijõ riwahinyre, Seruia riòre joabé hekaijõ riwahinyre dori sõwe aõ wihikỹ wahidỹỹdu mahãdu. ²⁹ Kenaniasí, iriòrereny isá riokorerenymy roire heka tii boho ibutu aõhebo rotỹỹnymy roiremyhỹ idi rorytinymyroire kia iaõmysỹdỹỹrenymy roire tule ijõ aõhebo rotỹỹnymy roire Isaeli mahãduy-ki heka tii boho idi riwiòhenanymy roiremyhỹ. ³⁰ Heborõ riokorereny heka Hasabiasí mahãdumy roiremyhỹ, Hasabiasí 1.600 ijoireny sõwere, habu ityhyrenyre tii boho roiremyhỹ. Tii boho heka Isaeli mahãdu ibutumy aõhebo rotỹỹnymy roire heka idi iraybididumy roiremyhỹ. Ibutu idi itxeredumy roiremyhỹ Johodaõ bero-ò, Isaeli mahãdusu-ki heka. ³¹ Jeriasí heka heborõ mahãdu wedumy roiremyhỹ. Davi iòlòna heka 40 beòramy roireu heka, idi itxeremy isaeli su-ki riwinyrenyre heka Heborõ riokorerenymy itxi raharenyre heka Jileadé su-ki tai rasỹnymyroiremyhỹ Jasé hãwã-ki, heka sodadu ruruterehekỹ itxi raharenyre heka Heborõ riokorereny kia sodadu mahãdurenymy roire. ³² kia Jeriasí mahãdureny ribi heka 2.700 hãbu sõwe isỹ mahãdureny wedumy Davi iòlò idireny ritare heka hãbu wihikỹ tyhyrenymy roiremyhỹ. Tii boho heka ibutu aõ idi riywinyrenykremy Isaeli mahãdu-ki Davi idi risỹnyrenyre heka bede-ò isaeli mahãdusu-ki heka Jodaõ bero-ò, kia Hubeῖsu-ò, Manasesisu- ò kia bede-ò ibutu aõhebo rotỹỹnykremy idi riywinyrenykremy kia templo aõmy rotỹỹnykre tule idi riywinyrenykremy risỹnyrenyre.