1
1
جی پولس، سیلاس، و تیموتائوس،
به کلیسایِ شهرِ تِسالونیکی کی اَمی پئر خدا و خداوند عیسایِ مسیحِه شیند.
2
فیض و سلامتی جی اَمی پئر خدا و خداوند عیسی مسیحِ طرفْ بر شومَأن.
شُکرگزاری و دُعا
3
ای برأرأن، اَمَأن وَأستی همیشه خدایَ شیمی وجودِ وَسی شُکر بوکونیم، واقعاً شایسته یه کی اَ کارَ بوکونیم، چون شیمی ایمان هَطو رُشد کودَأن دره و شیمی مُحبت نسبتِ به هم روز به روز زیادترَه بِه.
4
اَمَأن هر کلیسایی کی شیم شیمی وجودَ افتخار کونیم و اوشَأنِ رِه گوئیم کی چوطو شومَأن اَن همه مصیبتُ و اَذیت و آزارَ تحمل کونید ولی شیمی ایمانَ حفظ کونید.
5
اَن اذیت و آزاران نشان دِهه کی خدا راه هان عادلانه یه، چون اَطو شمرَه مُستحقِ خدا ملکوت کونه کی اونِ رِه رنج کشأن درید.
6
ولی خدا عادله، و کسانی کی شمرَه آزار دهدَ جزا دِهه.
7
و شمرَه کی رنج و عذاب دینیدَ اعلام کونم تا بدَأنید روزی کی عیسایِ خداوند خو فرشته هایِ قدرتمندِ اَمرَه شعله هایِ آتشِ دورون اَیه، خدا شمرَه اَمی مرَه آرامش عطا کونه.
8
ولی اوشَأنی کی خدایَ نشناسد و اَمی خداوندْ عیسی مسیحِ انجیلَ ردَ کوندَه جَزا دِهه
9
اوشَأن هلاکتِ جاودانی یَ دوچارَ بود و تا اَبد خدا حضورِ جَه دور مَأند، اوشَأن هیچموقع اونِ شکوه و قدرتِ عظمتَ نیدیند.
10
روزی کی اون بأیه، خو مقدسینِ جَه جلال پیدا کونه و همۀ ایمانداران اونِ دِئِنِ جَه تعجب کوند، او روزِ رِه شومَأنم جُزِ کسانی ایسید کی اونَ ستایش کونید، چون شهادتی کی اَمَأن دربارۀ اون بدَأئیمَ ایمان بأوردید.
11
هَنه وَسی همیشه شمرِه دعا کونیم کی اَمی خدا شمرَه مُستَحقِ اَ دعوت بوکونه و شمرَه به شیمی دیلِ نأجه فَأرسَأنه، و شیمی اعمالَ کی ایمانِ جَه سرچشمه گیره یَ خو قدرتِ اَمرَه کاملَ کونه.
12
تا اَمی خداوند عیسی مسیحِ نامْ شیمی وجودِ دورون جلال پیدا کونه، و شومَأنم جلال پیدا کونید بواسطۀ اَمی خدا و خداوند عیسی مسیحِ فیضْ.