5 ¹ Nne lhta jengelpacnengcasacjo jengenmaicama jenganemacja Moises, Cristo lhta m'a. !Elteta apqueliennactema quetlhengcap, mellangco nquec mocjom eltejec anmaicama jenganemacja! ² ¡Eltacmelcasono apquellailhemo! Co'o Pablo smac'ac aleltennasancoc quetlhengcap ¡Meliaqtemena nque' necjatcoc apquellammelhacja'! Actemacja nac aclheianma jenganemacja, ncanec acjemo ta ncotnec apquelpacnencasecja lhta Cristo anmaicama caselha ngcolatsecama. ³ Alleltennasecjoc jata mocjom cacpota elianwomjoc quetlhengcap alhnacjo nque', apqueliaqtemenanco la quetlhengcap necjatcoc apquellammelhacja, netamen ngcoitec jata mocjom apqueleliejecjo lhamacjo jenganemacja nac. ⁴ Ca apiesecsec anac quetlhengcap moclhem'a meliasqueiacmoc mocjom apquellanemo aimommalhco elleliejecjoc jenganemacja nac Moises cacpota etnancoc apquelpeiwomo napaqte Engiapom Neten ¡Mangcoietoc niecje m'a! Apquelhacjec Cristo quetlhengcap ma'a, cacpota njan apquelhacjec Engiapom Neten apqueltemo lhta ellancoc quetlhengcap metca aquianmoma. ⁵ 5 Ennenco'o coca Engiapom Neten Apualhoc jengellangquec ennenco'o metca altaicama engellualhoc ncanec nengelliawec nengelto negelpeiwomo aniem'o mongeliasqueiam Cristo, jawe aniem'o neliejecjo jenganemacja Moises. ⁶ 6 Ennenco'o negellelto nengelpasmecja Cristo jawe neten anquec aquiaspommalhca m'a nengiaqtemanma nac nengammelhacja necjatcoc, nlho ca la njan metca nengiaqtemanma nac cacpota antancoc nengelpeiwomo, wanlha ngcaimelhquec mongeliascame' Cristo cacpota ngcotalhcac aquietnema nengamelaiam emmo'oc. ⁷ 7 Ntase lhta niecjec apquelieplauquescama quetlhengcap jengetlhecmoscama acpeiwomo, nne lhtoca aliasenco lhma' ¿Se lha enenlhet apqueliaseianco lhma ie? ⁸ 8 Jawe Engiapom Neten, enenlhet coca aniem'o m'a. Engiapom Neten apqueliequiescama quetlhengcap cacpota elleliejecjojo'. ^{9 10} Engiapom Neten jata eiaqmoncasecja aptemacja enenlhet anac apto apqueletsoiam ania'a ncolatsecama jengetlhecmoscama, ngcaqjo enenlhet apto la neten apanque apiaspommap, ncanec ntacmelcasawec actewasecja jengetlhecmoscama actacmanma, malha niecje' ctonac menewque ¹ , lhema actec niecje mpaijacjec coca actewascama aniep. Jai, ascanec co'o ngcollecoc apualho'oc quetlhengcap astacja nac alheianma. ¹¹ Asquetlhecmosquec co'o apquenmac'o la eluoncasacpoc tep quetlhengcap wanlha etnancoc metca apqueliasqueiam Cristo apquetsepmo neten iamet actennescama jenianmoma ennenco'o, mangcaimommalhcac eliaqtemenancoc necjatcoc apquellammelhacja' cacpota enmoc tacja Cristo. Ca ncanec apquellomo nac jelanei'o enenlhet judios aniem'o asquetlhecmoscama nac, ca asieniacjo la'a asquetlhecmoscama nac, ncomascoc jeliasengco lhma' judios anac. ¹² Apqueliaseianquec na lhma' quetlhengcap ma'a apquelleltemo eliaqtemenec necjatcoc apquellammelhacja !Ma nac etnaianco apancawe' enenlhet'awoc anac ma'a eliaqtemenanco lhamacjo nac acnaicamoc apquellammelhacja'! ¹³ Engiapom Neten jengelwongcasac tep lhamacjo aisecsec caselha jengenmaicama lhta, cacpota angelpasmalhcoc engancawec ennenco'o, angeluancasalhco na engancawec tep, jawe angellanac enganque' ncolatsecama. ¹⁴ Neten anquec aquiaspommalhca' jenganemacja' jeng: «Eniamelemma po'oc ca ctonac apcamelammacpo apanque' lheiap» ¹⁵ Coca apquennapecpo la mocapancawec quetlhengcap, actemo nac ma'a apqueltaclhemmap po'oc la'a, elliensacsec po'oc, malha quemjawa' ennapacpoc, ennactewasacpo ta apancawe' quetlhengcap ma'a. ¹⁶ Asmac'ac alleltennacsec quetlhengcap, eleliejecjo ta Engiapom Neten Apualhoc, cacpota ngcomascoc ngcolatsecama alquetansema apualho'oc, ¹⁷ ncanec ngcolatsecama nac alquetansema apualho'oc anmelhmacja Engiapom Neten Apualhoc ma'a ¡Metnamongque quetlhengcap ma'a ngcolatsecama nac! ¹⁸ Apquelleliajacjo la'a Engiapom Neten Apualhoc quetlhengcap, mmasquec anmanco jenganemacja quetlhengcap. ¹⁹ Alhnacjo nquec nengwetai'a enenlhet apto apieplauquescama ngcolatsecama alquetansema apualhoc, aptewascamo mota aptawa', apquenmensanweiam alhma', mantec apquenmaicama caselha ncolatsecama, lhamacjo actemacja caselha ncolatsecama aquietnaicama apaqtec. ²⁰ Aptacnescasecamoc caselha alanemmalhca' aquiocja, cacpota njan acnema apualhoc, aptacnoncoma po'oc, apquennapommap po'oc, apnatjaicama aptawa', cacpota njan acmomjape aploma, apquenmeiauquesammacpo apanquec caselhaja, apquellatemommacpo mota, apquelhpanquescama mota. ²¹ Apiasepquescama po'oc, anmen ato', apasenwaiam apcacnaianquelha' enenlhet ncolatsecama aquiecanweiam aptecamoc cacpota njan apienaicamoc anmen, nlhaniec anquec aptemacja ncolatsecama apquellanai'a. Asquellasquec quetlhengcap mocjom, ca enenlhet aptema nac jeng, metnesquesacpec jata Engiapom Neten apnemolhema. ²² Coca Engiapom Neten Apualhoc jengeltemescasquec nengellamelaiam emmo'oc, alpaijecja enwalho'oc mota, jengeltemescasquec metca acmasca nellanei'o emmo'oc nenlhamacjo, metca acpecjai'a enwalhoc, antancoc anmomjape enwalhoc angellanjoc enmo'oc, antacmelcaso angellanjo enmo'oc, mongeliascamec coca njan Engiapom Neten, ²³ metca nengientalhnesammalhco, enwanca'ac angellanama enganquec ncolatsecama enwalhoc. Engiapom Neten Apualhoc jempasmoma cacpota angellana lhamacjo caselha nac altacmanma. Ca nellano la lhamacjo caselha actacmanma nac, mangcawangquec jenganemacja jengellammelhec. ²⁴ Nengelto nengelieplecama Jesus nengelwatesangque lhta nengeltemacja ncolatsecama aclhenaicama enwalhoc. ²⁵ Colhua coca nengelloca lhemec Engiapom Neten Apualhoc, angellancojo jengelpasmoc jengenmama nengenmanquelha la'a. ²⁶ Metca nellammalhco, mongeluanquesalhquec enmo'oc cacpota angellammelhalhca, metca nengiasepquescama caselhaja apanco'oc enmo'oc ennenco'o.