1 Liri kadugo a ne mɛrikɛ wa ɲa wa tigi na yiri fugwan wege ko sugo ge, na joriye fangfiye ɲe kiri ciyé. 2 A ki dragonge coo, kiri wolɛgɛ kiri ki wa ka konnge , na wo pinnge tanghahi aki wu pɔ. 3 Na le kiri wegewozoinge funge na ki sughi na jɔriye le fou yi kabug no son na kɛ. Koni dragonge ba nugba wa irigi sani ceri ye kabugho son na kɛnge ce noge. Liri kadugo lo se wajini ki ba bugi ki yaghi ki jɛri se. 4 A ne fangfiyɛre kone la ɲa, na li nughi taghali. Fangha kan pere pe ki ŋe sii, bi wo ɲuye ye kon Yesu wone la na Klɛ kayune kungɔro ge a ne pere wo munaghi mu ɲa, na bi pe wa pe ze ge yapege pɛlɛ na ki finbe wa pe la yi ge a pe woguye yiri na na tin Krisa fangfiy,ere kone la, koni pe yihékabohoson na kɛ se. 5 Kuu sanmba yiri wɛ sani ceri yihé kabuhoson na kɛ ce nohi gé. Liriwa kuyiri ziné ban, 6 Bi pe kuu na yiri kuŋe yoziŋe la gé peri wa duba nagohi Klɛ tisile, Kuŋe sonyuŋa sa nɔ peri lahi, nga pe wa Krisa na Klɛ wo sarige tisile wɛ, pe tin na wu fangfiyɛre la na yihé kabogson na kɛ se. 7 Yihé kabohoson na kɛ go la, wo piŋa yahi na fori kasoŋe. 8 Tisili pe wa koŋe jegoye sicɛriŋe la gé, Gog na Magog, wa sa wurigi di pe gwégé yogé joŋe wone la. Pe sa ɲiyɛ di jo dugéɲɔ cincinŋe, 9 Pe pan na yiri koŋe jégoye mu la na Klɛ tisili na kayigi wojengi maghi. Nga ndage tigi na yiri fugwanŋe na pe mu sorigo. 10 Wo pinŋe wu zé pe wurigi gé, a wuri po na wa wégwohé fungo Ndagé na Kribiŋe fungo. Tagé wo pinŋe na tudunbi kafiri ju wa gé pe céra sa wɛri pa la sigi fara canŋa la, fo tɛne mu. 11 Liri kadugo, a ne fangfiyɛre kone woyirine wogwona ɲan. We wu ze tin li fungo gé, a ɲinge na fugwanŋe pa na yiri wu ɲang tan. 12 A ne koge ɲan ɲungfiyi na pe nɔhe ɲe yéré fangfiye kone ɲangtan. A kitabuge ɲumugi, a kitabuge wati nugno mugi, wu ze wo ɲung so vo wo kitabuge. A pe kubi yégé na sagi na kasegi, ceri kasegi ze sɛbɛ na yiri kitabuge fungo 13 Ku pe wa sombe lɔhe fungo gé, a pe peri yigé. A kuŋe na adɛsiŋe mu pe wuli yigé. A yégge se pe ɲungo na sahi na pe kasegi. 14 A kuŋe na adɛsiŋe tigi wégé naagé fungo, a kiri nagé kuŋe sonwuŋe ɲan. 15 We muu wo mage ki wa ke kun kitabuge fungo wa gé, a peri lo na wa wégé ndage fungo