¹ Egilizigne wa efezi gé na le jo piyé na: we cee nyi worigo gwarisongne wa wu sulicengne wu nye nyaan saninyé setilèli sohomo gé wu jo. ² Na wura licen mu son tisipi layi bi pe ba yu na tudumè pe wa na ta pe wa pere yi na mu pe kasiyègi na ta kafiré juuyi pe wa. ³ Na mu munyu, na nyannigé kuu wuri wone la na mu kayan wè. ⁴ Na nga ma kaprazine li wa, na mu ma kadange woziné yaayi ne yiri. ⁵ Tage mu to gé, na ma miyè fung to kri tagé la, mari dèrè ma kakonye la mara ma kenngi woziigi si, ma wa zé mu ma kakoyen yaayi wè na wura ma di ba ma setinagne so ma cee. ⁶ Na liri na li mu,Nicolayitili kasegi ka co pin wure ge na ce kaa tan ma muu wè. ⁷ Le munane ya yu Egilizigne gé, nyiwègifiyé pe ceri logo. Na we ba se ta gé, ticiombe sige ki wa Klè tage ge na wura kri yasere ta kan wuri funnge. ⁸ Egilingno wa simyrine gé na ma le jo kri mèrige na we wa wozigne na wu ta kori wo gé we ze kuu, na nyè gé na wura jo: ⁹ Na wura ma nyaanigé na ma kahambe cen na ta nafo fo ma wa, bi mu pe yu zuwifuli pe wa na ta pe wa peri pi wè nga setanigne peliviyebi pe nyè na wura pe muu wo Klè mekagigne cen. ¹⁰ Nyaanige ko ba ma ta ge na ma ba za kri nyaan wè. Li wi setaninya sa pi le yee kasonye koni di ye nyaana, sii kè fungo na ma se nadari fo di za no kunye ta ma ba liri se na wura ticiombe go ba be nyidoné kan ma. ¹¹ Le munane ya yuEgiligne gé, nyi wè gé fiyé pe li logo. We ba fang ta gé kunye son wonye ya sa no peri layi. ¹² Egiligne wa perigamu gé na ma le joo wu lèrigé na: we wa na nyo nyotan ye son gé, wura joo: ¹³ Na wura ma tatingé gé cen kri nyè setani wo kotinne tèriné wuri sernyé Antipasiya byo ye sohomo setaninye tatingé liri tèriné mu tin nadaré funnyo. ¹⁴ Na nga ma kasene lo pin wure gé na liri nyè na tisagne wa wu ye sohomo na son Balam wo kalinyi la wu we balakikala na wu tovoliyagé ka yaayi Izirayèli sin nyan koni pe kacen karé ka, di kakuré sé. ¹⁵ Na pi mu wa ma sohomo na son Nicolayitili kalinyé la. ¹⁶ Liri wo ne la tèrè ma kumbé la liri ba me na wura ma kaa ka di ba yogé se na peré na wu nyo nyonné. ¹⁷ Le munané ya yu Egiligne gé nyiwégéfeyi pe li logo, na we ba fan tagé na wura ba manènyènwonyonye wa kan wu fungne, na wura kaven gé wo vigé gé nyunyo magé wo wo vonyé k'a sèbè gé, ka kan wu fungne, wa mu wa kri ma gé cenyi na ta kri fonyé bilé yè. ¹⁸ Egilzigne wa thyatire gé, na ma le jo wri mèrigé na: Klèjaa nyèègi ce wa ma jo ndagé nyigé na wu toyé nyè ma jo tonfuré nyigé na wajo. ¹⁹ Na wura ma kasegi cen; na ma kadangé na ma nadaré, na ma baré na ma munyunyé, na ma kasegi sangi ce fanto woziigi la gé. ²⁰ Na nga mu jezabe we cenye yaayi wa, wu we wiye se tudun, na wuri basi kal'a na pe prii, pe kakuré si, na kacen karé ka. ²¹ Na wura tèriné kan win, koni wu tèrè wu kumbé la, nga a wu lise wu kakuré yaanya. ²² Lirala na wura ba wu yaayi yambé fungon, bi pe kakuré se na wun gé peri mu pe sa nyaanyé ta, pe ba ze pe tèrè pe kumbé layi. ²³ Na wura wu nagobi mu gbo, Egilizili mu pe ba li cen na wura wa tisiré mu wo funye na pe fungonye cen voo, na wura ba pe mu wo kasegi tonnyekan pe. ²⁴ Na nga peri thyatire wuli bi pe wa pe taahi wuri kalinye la yi na pe setaninye kenngi cenyi majo dinye piya ba pe yiri ge na wura sa nun tuguré ta tii taayi pe nyunyo wè. ²⁵ Na nga le li wa ye cee ge na ye li yaaye cio, nahina wu pan ge ²⁶ Na we ba fan ta na wuri kenngi cio na sa go ge na wura fan kan wu funnye fiiyé nyunyo. ²⁷ Na wuri funy'a ba pe cio na tobiné, ma jo dinye pure soneya ba gji gé na sa na fanfiyèré wura ta wu tonyé gé. ²⁸ Na wura ba nyikonge nyiworiné kan wu funnye. ²⁹ Le munané ya yu Egilizinye gé na nyiwègifiyé pe li logo.