¹ Na kaan mu ceeŋe mu Klɛ ɲahan bulo ge mu na ma nagobi, yo taan ne kaɲɛne funŋo ge. Li wa ne bile yɛ ² ye taan wɛ ŋa bi mu pe kaɲɛne cɛn ge ye taan pe mu. Ye taan wo kaɲɛne funŋo, liri li wa na wo, na le sa diin na wo tɛne mu ge, ³ wo cɛmbe, ɲiɲare, kaɲɛne, na kadaaŋge funŋo. Na yiri Klɛ tage, wuri wa wo toŋge (kafo) Yezu kirisita, Klɛ jaŋge. ⁴ Ne funŋa nara taan na bɛ na ma nagobi bi pe ɲari kaɲɛne ɲunŋo na bɛ na kodorigi wo ta na yiri Klɛ tage ge. ⁵ Le ne za ma nimiin ge, cee liri li wa na wo wo yɛ taan wo ye. Liwa kayunfono ne yu ma wɛ ŋa le wo ta fo tɛne ɲo sanre la ge. ⁶ Na li se kadaaŋge ko sa wo se wo ɲari cere kodorigi ɲunŋo. Kodorigi ɲunŋo wo ya wo ɲari ge maha jo kana wo li logo ge wozine la ge. ⁷ Seɲɛhɛma pan kɔnŋge la, pe sɔn na Yezu wa kafo yi na cere pure lɔ na pan yi. Li wi liri le pere na kɔnŋge fehi se nigin. ⁸ Ye ye yɛ ganingi sa, kɔni wo ba wo bare se gwazan yi.Wo bamba wori ti toniŋge ta. ⁹ We mun ba wu yɛ tage lii, na wu yɛ wu Yezu kayune la ge, wuri funŋe wa na Klɛ wɛ. We mun ba zɔn Yesu kayune la, na ɲari na sahi na lire, wuri funŋe wa Klɛ na wu ja Yesu wo. ¹⁰ Wa ba ban ye tage na ta wu wa na Yezu wo kayune wɛ, ye ba wu yahi wu je ye sigɛ wɛ. Ye ba wuri funŋe sari yi. ¹¹ Na ta wa ba wuri funŋe sari, wura si ze na wiin wu kapesigi la. ¹² Kayɔngo woɲɛhɛmɛ wa di zɛbɛ ye ŋa ne za di cere sɛbɛ yɛrɛ bile wɛ. Ŋa le bile la ne za ge, na bile wu se ye sohomo di cere jo ye ŋahan la di vara wo fundanŋge. ¹³ Ma seɲiŋe wo to Klɛ bulo ge, wu nagobi a ma sari.