¹ Mɛ Poli ni Timɔti, kirisa yezu bɔriya, e ji so vari so babu vamara la cana la na Filipe, lema yen kirisa yezu san, na ni karan ja samuan cala na ni o wali dari cala. ² E ɲina Vamara na ni E ci yezu kirisa pɛ ni bɛlɛ zura nɛy apa na. ³ Mɛ n de tasi apa ma won lenwere, mɛ n de mɛ vamara la mawali. ⁴ Mɛ bɛlɛ ko ɲɔmɔ na ziri va apa na mɛ vazira la lakala won, ⁵ Naa ce apa ke mɛ jɛ ɲɔgɔn jɔn ɲɔmɔ la ɲama na kabɛni were ɲi muan fo bisaso. ⁶ Mɛ ɲinu o poromu ni vamara mɔn cana len apa powon, na je jinɔ o bɛn o ɲe pɔsɔrɔ fo kirisa yezu were la wura. ⁷ o cana mɛ da tasi apa lakala na naa ce apa ma ɲɔ mɛ na fo o kɔrɔnɛ. o jɔn mɛ kaso won, wala o jɔn mɛ jɔn ɲɔmɔ lafasali la won na ni o wacila yan na won, apa da mɛ jɛ ɲɔgɔn na vamara pɛ la won. ⁸ Vamara ke mɛ sɛrɛ ya napa lege yen mɛ san fo o kɔrɔnɛ o mɔnɔ ni kirisa yezu ɲɔmɔ la na. ⁹ Mɛ ji va ziri napa ɲɔmɔ la ganrɛ o wa cila yan ɲina sɔbɛ la won na ni haciri cira lakala la bɛn, ¹⁰ yele apa ɲini ma cana a bri da wo. Na yɔrɔ apa ji da la poron na zere temele ca fo kirisa were la wura, ¹¹ Apa va kirisa cɛnsa la nian won. Na ji da vamara mawali yile bra na o ce lenbe o yile la bɛn. ¹² Mɛ yoyan apa ɲini so, ɲibio, ni wo ma le da mɛ san, na da jɔn jɔn ɲɔmɔ la vari kun sababu na, na yo ga ba. ¹³ Hala la, kube la la lakala na ni la tɔmala lakala ɲinu ni mɛ kaso ja won kirisa yilena. ¹⁴ A ɲina bio jaani sian E ci na mɛ kaso ja la cere la yilena, ana bɛlɛ cɛma o kɔrɔnɛ a na ɲɛma vamara jɔn na ni ka pan cingele ba. ¹⁵ Can muhan, dari ni ɲimi vamara jɔn na ni wuri na na ni ɲɔkɔrɔ, naa dariya n do ni ɲɔma na. ¹⁶ Naya n do kanuya la yilena, naya ɲinu ni vamara no jɔn ɲɔmɔ la lafasa la karifɔ mɛ san. ¹⁷ Naa ce dariya ni ɲimi kirisa jɔn ni ɲikɔrɔna, naya ta do ni sɔbɛ na ba. Ana n de tasi na ji dari ce mɛ pɛmɛ la bɛn kaso la won. ¹⁸ Ka basi ba! cogco wo cogo, no da ni can mu na, wala ni o ye da ni can mu na ba, kirisa jɔn na ji ɲamɔ . Mɛ da ɲangali na yilena.Mɛ ji tamɔ a da ɲangali, ¹⁹ Ɲaa ce mɛ ɲinu ni na ma la ji da mɛ kirisi la sababu na apa, apa va zira na ni yezu kirisa Nisenu. jɔm na pan won. ²⁰ Mɛ ka lomo sa suma won, jigi yen mɛ yan ni mɛ tan ji da ci ba fiyeu, naa ce mɛ bɛlɛ ji cɛmɛ bisaso na ni lenwere, sayɔya won cɔ ya won, o bɔrɔ kirisa ganra la mɛ ma wo. ²¹ Naa ce mɛ yan, o jɔn mɛ yo, na ke kirisa'a o cɔ na ke tɔnɔ wa. ²² Naa ce o jɔn mɛ yɔ, naa na n veri wali, mɛ cana a tɔsɔ le sa, mɛ gulaa ɲamu na ba. ²³ Mɛ haciri ka gɔgɔ ma ɲii na. Mɛ yoyan a wa jinɛ kirisa yan bran, na juɛ kɔsɛbɛ, ²⁴ naa ce mɛ tamu yara nama la won apa yilena. ²⁵ Mɛ ɲinu o poromu ni wo mɛ je jinɛ te, a jinɛ apa lakala yan, yele apa wa cila yan na ni apa da ɲangali lanaya la won. ²⁶ Apa je se ganra durɔ na mɛ ma won kirsa yezu mɛ jinɔ yilena apa sɛrɛ. ²⁷ Apa veri cogo la da bɛn kirisa jɔn ɲɔmɔ la san o kɔrɔ yii la lakala bɛn, yele mɛ n wara a na pa wo ni mɛ won ba a na pa won mɛ nugɔ apa yile napa ka ziɔn tasi bi ten na, na ni apa n de da jɔmɛ weri la san jɔn ɲɔmɔ la won lanaya la yiena ni bɛlɛ bi ten na. ²⁸ A ba ɲinia zɔgɔa la ce pan cegelen na a san pɔyi na. Na ji da naya ɲɛni tomoso na, naa ji da apa kirisi tomoso na na lurɔ vamara yan. ²⁹ Vamara nian na pɛ apa na napa sian kirisa san kan na dan ma, ni apa pian o wa yilena sema. ³⁰ Apa sa nɔ mɛ tari yen veri le won, napa ɲinu ni mɛ yen veri won hali zɛ, apa mu yen na bɔɲɔn veri won.