¹ Wuiri na ni ɲɔkɔrɔ lema yen apa sɛrɛ, naya ni lurɔ ze? ɲi bisira kɔrɔgɔ ma lema ni cire wuru apa yara nama nɔ na, o te ni lurɔ naya won ba? ² Yii jaani lege yen apa san, na pɔyi to apa lugo ma. Apa ni gulɔ, apa sa ni lurɔ yii jani yan, naa apa ji gulɔ a nɔ na ba, ben yilena apa yen na ziri ba. ³ Apa yen le ya, apa nere na ba, ben yilena a ziri si la yen cana ba, naa ce apa ni ziri yele ana ɲɛni apa lege la yii kɔrɔnɛ ma la won. ⁴ Zaliya la!apa ni ɲinu, ni duɲa durɔba ya ke vamara gɔsɔya wa? Le yoyan o da ni dunuɲa durɔba na, n nde o se ni vamara gɔsɔ na. ⁵ Apa nde tasi ni kitabu nde jɔn beku wa? ni wo:Vampara ce kumara le ena won, naa o nɛ pɛ yii se ɲɔ cusa ca na. ⁶ Naa o ce pɛ yii pɛ yii bɛn, na yilena kitabu ni wo: vamara n ceri wuri se ganra sa san, naa o nɛy pɛ yii se ɲɔ cuse ca na. ⁷ Na yilena a mɔra a sa vamara na. A zanga li suntani cile a ceri weri o san, ni na ni da, o ji sua o jɔan apa bran. ⁸ A daba vamara san, namu de dabɔ apa san. Apa magɔsɔ dari ca, a sama a nɛ. Apa jɔn ɲii ɲama ca, a poromu a bɛlɛ bi. ⁹ A bɛlɛ bi za, apa sa cɛma ciri bri sa mini. apa mari la lamise o dani zii na. ¹⁰ A cuse a sa E ci la sa tan, ni na ni da, na ji apa tan turɔ vɔn. ¹¹ A ɲi bio, a ba da yile gɔsɔ la ɲamu ba. Le ni ɲimi o ɲibi yile gɔsɔ, wala no cire ciri o ɲi bi bɛn , na ɲemi sariya yile o ceri ciri o bɛn. Haya ni n cirɛ ciri sariya bɛn wan ka sariya cen veri ci seba. Fo o ciri cira ci. ¹² Sariya ceri ci na ni ciri cira ci lakala ko biten ya, naa gulɔ o da kirisini na o ɲɛnɛmɛ. Naa wan ke wele, n cɛri ciri n juge bi bɛn? ¹³ A ce a zara mɛ yan, apa lema ni ɲimi ni wo: Zɛ wala zɔmɔ e ja zere dari won a da bele ten bran, a yigi ya bran a na pee, ¹⁴ n ji mɔni na ana ɲini zɔmɔ naa ba! Apa yen dama gulu le yen wati jɛn jɛn o kɔrɔ. ¹⁵ Naa lakala won apa tari cana a ɲama ni wo: Ni E ci la sian, ni epa tama sayɔya won, epa ji so da na ni e ba so. ¹⁶ Naa bisaso apa ni ganra a sa ni se ɲɔ ganra na. Na se ɲɔ ganra si la cana ba. ¹⁷ Nayilena le ɲini ma cana dari sa, ni o dɔrɔ ba na ke ma gɔsɔ wa na ci san.