¹ Mɛ ɲi bio, a ba lo bri lo won ma lenbe ci Eci yezu kirisa lanaya cen veri yilena. ² Ni lo dari zuan apa vazira ja la won, sanu nɛ san kari y'o nɛ san, san durɔ wurɔ cana yo bun san, ni pantan dari mu zuan, wurɔ kuse yo bun san, ³ ni apa ni ciri co san dura wurɔ cana ci la na san a ɲamu na ni wo:jɛn tee tan cana so won, a ɲamɔ pantan la na ni wo: Wan zangali tan tee, wala jin tan mɛ ba tan tee. ⁴ Apa yen la la bri da won ze a da a sa ni ciri cira caa na ba napa tasi gɔsɔ la na ba wa? ⁵ Mɛ ɲibio ɲɔmɔ la, a ca a zara mɛ yan bran. Vamara tɔsɔ so duɲan so won pantan ya sa, yele ana da pama na lanaya la ma won, a zɔn o paya won. o cira o ɲe o se paya na o se ma ɲɔ lema na yilena. ⁶ Naa apa kɔni da pantan yaa jifini! Lema ni ɲesi a pan apa bɛn a wa na pana ciri cira cala sa tan, na ka pama murɛ la ba w? ⁷ Yile cin cana le ciri apa bɛn, na ɲɛna na ba? ⁸ Ni apa ni pusurɔ paya la tɔn na ɲi dama kitabu la ni ɲimi ɲa le ɲɔnɔ ni wo: N ɲi jere ma ɲɔmɔ n na dama wan se, apa nde ma cana siga te le won ma. ⁹ Naa ni apa ni bri lo lo won, apa ni de ma gɔsɔ tɔn na zeri yen apa san, naa ce apa ke tɔn na ɲɛnɛmɛ ca'a. ¹⁰ Lo wo lo ji tɔn na ma lakala da, naa ce ni o ɲɛna tɔn na won biten, o lege o lakala san. ¹¹ Naa ce lo le ni ɲama ni wo: Nba zaliya da ba, ana ɲama sema ni wo: Nba lo gu ba. Haya napa yen zali da ba naa ni gwa lo, nda tɔn na ɲɛnɛmɛ ci na. ¹² Ciri la ji cirɛ ana bɛn o mɛni ni hɔrɔnya tɔn la na, nayilena a jɔn dari ko la napa veri ko la mɛni naa san. ¹³ Lo le da makari dari san ma, makari ja da na ci ciri la ma won ma. Makari na pan ciri la bɛn. ¹⁴ Mɛ ɲi bio, ni lo dari ni ɲamɔ ni lanaya yen wan yan, kasɔrɔ dari wali to yan ba, na veri ben bra? Na lanaya la gulɔ o dɔ o kirisi wa? ¹⁵ Ni ɲina bi balo wala n ɲi bi kanlo ko gwɔ, ni were wo were jiri to yan ma, ¹⁶ ni apa dari ni ɲamɔ ana na ni wo: A wa ni hɛrɛ na, o muan ana yara o va na, na veri ben bra? ¹⁷ Na yɔrɔ, lanaya mu ni dari wali to yan ba, ko cɔwa, o yen o se ten na. ¹⁸ Naa lo dari ji ɲamu ni wo: Ni lanaya y'o wan yan, dari ni wali yen mɛ yan. Nbɔru n lanaya mɛ na ni ka dari wali ba, mɛ ja a lanaya bɔrɔ wan na ni dari wali na. ¹⁹ N sian o tan ni vamara ke biten ya, na cana. Zina yala mu sian na tan, ana sisigiri. ²⁰ Wan lo bɛku, wan yoyan n ɲinu ni lanaya la ke beku ya ni ka dari wali ba? ²¹ E ɲina Ibrahima dɔ o bi balo Isaka ce saraka bri yii la bɛn lenwere, na ye da zati cɛnsa na o dari wali la yilena ba? ²² N nɔn o lanaya la ni o dari wali la wara da yan, o lanaya ɲi pusurɔ o dari wali la yan. ²³ Naa yɔrɔ kitabu jɔn na ɲi pusura ni wo: Ibrahima sian vamara jɔn na tan, na da zati o na ni cɛnsa na. O kome ni Vamara durɔba. ²⁴ Apa nɔ bisaso ni lo da zati cɛnsa na o dari wali la yilena, ka lanaya se mini ma. ²⁵ Zala dari kan Rahab na mu e da baso ba wa? o da zati cɛnsa na o dari wali la yilena, ben yilena o mɔn ton bio la cin cana o ce ana a wa cen buru yan. ²⁶ Yara nama ko cɔ ni kunmara to ma ɲa le ɲɔ, na yɔrɔ lanaya la ko cɔ ni ka dari wali ba.