¹ À só Bə-zhɔ-zhe, ń zhã̌ gə́ nyɛ̌ à cəl ré ǹdə́ à lwə̀lə́ y mó yilə. ² Bə̀ ń nə́ ń pyèrhè ń zhɛ̃̌ ń cili à zɔ̀mà nɛ́ ; ce à m’a j’â n’â byẽ̀ mo dɛ̃ gakó kɔn m’e yí à cu. ³ Cu mú nyə́ná nɛ́ y’à kə́kɛ́lɛ́ à gakó, lú-bɔ̀l mɔ́ ywẽ ré y’à zhe ne ; wu-zhìlù ǹdə́ kɔn rɛ́ rə̀ n’ê yì ni mú, y’à zhe ne rə̀ n’ê jí. ⁴ Sə à y’à zɛ̃̀ à n’â byẽ̀ Bə-zhɔ-zhe yil ré à zhe : Ǎ Bə-zhɔ-zhe, vwǎrh nɛ ! ⁵ Bə-zhɔ-zhe wɔ́ nɔ̀nɔ̀-dǔr ǹdə́ wu-cángá cə́bal, nə́ Yi rí wɔ́ yé-zhìl dǔr cə́bal ; ⁶ Bə-zhɔ-zhe nə́ ń yìlì lyì bí byɛ̀bɛ́ bə̀ yə̀ yírh swǐ mú, à y’à wɔ́ zúzúnú cə́bal, sə ń vwǎrh nɛ. ⁷ Àmyɛ́ m’a k’a vò à shìrhə́ jàà y wa, bə̀ Bə-zhɔ-zhe wɛ̀rhɛ́ nɛ cɛ̀nɛ̀. ⁸ Zhə̀nà, ǹ vwǎrh nɛ cu jɔ̃̀ wa, ǹ pɔ́pɔ̌ à yə́-nàná nɛ́, à yə̀ à nà mà yé. ⁹ ce à m’a vò Bə-zhɔ-zhe yé né, cɛ y kɛ̀bɛ́ lyì-nyìsí ŋwɛ́nɛ́ è yó mó yó. ¹⁰ Nyǐ à y’à zhe bùrì, à gə́ y’à zhe b’à wɔ́ zúzúnú cə́bal mɔ́ yi ní mú ! ¹¹ À y’à n’â zɔ̀m à wu zhìlù w wẽ́ à zhe : Numbyíní gakó wɔ́ yǔyǔ cə́bal. ¹² Wɔ́ etər à nə m’a wɛ̀rhɛ́ nɛ́, a m’a byili Bə-zhɔ-zhe ne cɛ̀nɛ̀ rɛ́ tɛ̀bɛ́ ń wɛ̀rhɛ́ à yil mó ? ¹³ Wɔ́ vwǎrh mɔ́ kǎ-zɔ̌m mɔ́ à m’a zhẽ̌ a ce dɛ̃̌, a zɛ̃̀ a byẽ̀ Bə-zhɔ-zhe yil ré ; ¹⁴ à pyìrh paánsɛ́ à y’à bwəl sə̀ nyí Bə-zhɔ-zhe ne mó, ń dwí rí gakó yé né. ¹⁵ bə̀ lyì bí byɛ̀bɛ́ bə̀ zhí Bə-zhɔ-zhe ne mó, myə̌l ré yò w zù mu dɛ̃́dɛ̃́. ¹⁶ Ǎ Bə-zhɔ-zhe ! cili à zɔ̀mà nɛ́, b’à wɔ́ ǹ tùntùnnə, kɛ̃ mɔ́ ń wɔ́ ǹ tùnnə mó byǐ mú ń wɔ́ ǹ tùntùnnə mó mó, ǹ lwə̌r ne à nyáná nɛ́ wẽ́. ¹⁷ À m’a zwə́l nə̀bán-co vwĩ̀ a pɔ̃́, S’a byẽ̀ Bə-zhɔ-zhe yil ré ! ¹⁸ à pyìrh paánsɛ́ à y’à bwəl sə̀ nyí Bə-zhɔ-zhe ne mó, ń dwí rí gakó yé né, ¹⁹ Bə-zhɔ-zhe jì y kɔ̀nɔ́ w wa, ǹmyɛ́ Zhərəzalɛm cəcəl wə. Zǔl-nə Bə-zhɔ-zhe !