koussoube-marc-lee_1ch_text

Kǝ̀kàl-bwɛ̀lɛ̀ 2

¹ Nyǐ Zhakɔɔbɛ bə̀ n'ê súlí bə̀ byẽ̀ bə̀ Esərayɛl mɔ́ byǎ bɛ́: Orɔbɛn ǹdə́ Shəmənyɔ̃ ǹdə́ Levyi ǹdə́ Zhəda ǹdə́ Yəsakaarɛ ǹdə́ Zabyəlɔ̃ ² ǹdə́ Dan ǹdə́ Zhozefu ǹdə́ Bɛ̃zhamɛ ǹdə́ Nəfətəlyi ǹdə́ Gaadɛ e súlí Asɛɛrɛ. ³ Zhəda byǎ bɛ́ yàl: Erɛ ǹdə́ Onã e súlí Shəla. Ń lùl bə̀myɛ́ bə̀tɔ̀ y ga ǹdə́ Kanaã lyì bə̀kɔ́ Shəwa. Sə Zhəda byì-cɛ Erɛ wɛ̀rhɛ́ lwɛlɛ Cinu Yi yírh wə, Cinu zɛ̃̀ n ce n cì. ⁴ Rə̀myɛ́ kwã nɛ́, Zhəda zə ń byì-cɛ̃ Tamaarɛ n mə n lù Pɛrɛɛsɛ ǹdə́ Zəra. ⁵ Pɛrɛɛsɛ byǎ bɛ́ yàl: Esərɔ̃ ǹdə́ Amuuli. ⁶ Zəra byǎ bɛ́ yàl: Ziməri ǹdə́ Etã ǹdə́ Emã ǹdə́ Kaləkɔl e súlí Dara. Bə̀ gakó yàl bə̀nu. ⁷ Kərəmyi byǎ bɛ́ yàl: Akaarɛ, ń dó kɔn rɛ́ tɛ̀bɛ́ bə̀ y'à mə̌ sə bə cɔ̀ lyə́m lyə́m Cinu Yi yil mú shò kwã nɛ́, n vwɛ̃ lwɛlɛ n pə Esərayɛl nɛ. ⁸ Etã byǐ mú yàl: Azarəya. ⁹ Byǎ bɛ́ byɛ̀bɛ́ Esərɔ̃ lùl mú yàl: Yəraməyəə ǹdə́ Aram ǹdə́ Kalɛɛbɛ, bə̀ súlí bə̀ n'ê byẽ̀ bə̀ Kəlubəyi mú. ¹⁰ Aram lùl Amyənadaabɛ, Amyənadaabɛ zɛ̃̀ n lù Nashɔ̃, Zhəda kwálá y yó-cə́bal mɔ́; ¹¹ Nashɔ̃ lùl Saləma. Saləma zɛ̃̀ n lù Booze. ¹² Booze zɛ̃̀ n lù Obɛɛdɛ. Obɛɛdɛ zɛ̃̀ n lù Zhese. ¹³ Zhese zɛ̃̀ n lù Eləyaabɛ ń byì-cɛ yá, ǹdə́ Abyənadaabɛ bə̀lyè nyǎn mɔ́, ǹdə́ Shama bə̀tɔ̀ nyǎn mɔ́, ¹⁴ ǹdə́ Nətanəyəə bə̀na nyǎn mɔ́, ǹdə́ Arədəyi bə̀nu nyǎn mɔ́ ¹⁵ ǹdə́ Osɛm bwə̀ldù nyǎn mɔ́, e súlí Dəvyidi bwàlpyɛ̀ nyǎn mɔ́. ¹⁶ Bə̀ nəkwá bɛ́ y'à wɔ́ Səruyə ǹdə́ Abyəgala. Səruyə byǎ bɛ́ y'à wɔ́ bə̀tɔ̀: Abyǝshəyi ǹdə́ Zhɔwaabɛ e súlí Asayəə. ¹⁷ Abyəgal lùl Amasa, Amasa da mɔ́ yà ń yíl Yətɛɛrɛ, Yəsəmayəə dwí rí lò. ¹⁸ Esərɔ̃ byǐ Kalɛɛbɛ lùl byǎ bə̀tɔ̀ ǹdə́ ń kana bɛ́ Azəba ǹdə́ Yərəyɔɔtɛ; nyǐ ń byǎ bɛ́ yilə né: Yəshɛɛrɛ ǹdə́ Shɔbaabɛ e súlí Arədɔ̃. ¹⁹ Azəba cu mú kwã nɛ́, Kalɛɛbɛ jú Efərata, sə Efərata lùl Uuri n pɔ̃. ²⁰ Uuri lùl Uri. Uri zɛ̃̀ n lù Bəsalɛl. ²¹ Rə̀myɛ́ kwã nɛ́, Esərɔ̃ zù ǹdə́ Galaadɛ da Məciiri bə̀kɔ́ mɔ́. Məciiri bə̀kɔ́ mɔ́ lù Səguubi n pɔ̃. Esərɔ̃ yà ń zhe byinə shə́-shə̀ldù. ²² Səguubi zɛ̃̀ n lù Yəyiiri. Yəyiiri yà ń zhe cɛmɛ shí-èlyè ǹdə́ nə̀tɔ̀ Galaadɛ tənà y wa. ²³ Sə Gəshuuri ǹdə́ Aram pyǎ bɛ́ zwẽ Yəyiiri kwə̀ə́rhé ǹdə́ Kənaatɛ cɔ w ǹdə́ cɛmɛ nɛ́ ò yala nɛ mɔ́ bə̀ sõ: nə̀ y'à wɔ́ cɛmɛ shə́-shə̀ldù. Bə̀myɛ́ mɔ́ gakó y'à wɔ́ Galaadɛ da Məciiri byǎ. ²⁴ Esərɔ̃ cu mú kwã nɛ́ Kalɛɛbɛ zù ǹdə́ ń da Esərɔ̃ kɛ̃ mɔ́, sə ń da kɛ̃ mɔ́ lùl Təkɔwa da Ashəwuuri n pɔ̃. ²⁵ Esərɔ̃ byì-cɛ Yəraməyəə lùl byǎ nánzhəzhɔ̌: Aram, ń byì-cɛ yá, ǹdə́ Bunə ǹdə́ Orɛn ǹdə́ Osɛm e súlí Ayəya. ²⁶ Yəraməyəə jú kɛ̃ n súlí ń yà ń yil Atara. Ńmyɛ̌ ń yàl Onam ná. ²⁷ Yəraməyəə byì-cɛ Aram byǎ bɛ́ yàl: Maasɛ ǹdə́ Yamɛ̃ e súlí Ekɛɛrɛ. ²⁸ Onam byǎ bɛ́ yàl: Shəmeyi ǹdə́ Yada. Shəmeyi byǎ bɛ́ yàl: Nadaabɛ ǹdə́ Abyəshuuri. ²⁹ Abyəshuuri kɛ̃ mɔ́ yà ń yíl Abyəyəyil, ń lùl Abã ǹdə́ Molyiidi n pɔ̃. ³⁰ Nadaabɛ byǎ bɛ́ yàl: Səlɛɛdɛ ǹdə́ Apəyim. Səlɛɛdɛ cù ǹdə́ ń yə̀ byǐ lùl yé. ³¹ Apəyim lùl Yəshəyi. Yəshəyi zɛ̃̀ n lù Shəshã. Shəshã zɛ̃̀ n lù Aləyi. ³² Shəmeyi da-byǐ Yada byǎ bɛ́ yàl: Yətɛɛrɛ ǹdə́ Yɔnatã. Yətɛɛrɛ cù ǹdə́ ń yə̀ byǐ lùl yé. ³³ Yɔnatã byǎ bɛ́ yàl: Pəlɛɛtɛ ǹdə́ Zaza. Wɔ́ bə̀myɛ́ mɔ́ bə̀ yàl Yəraməyəə byǎ bɛ́. ³⁴ Shəshã yə̀ bala-byǎ lùl yé, kana-byǎ dúdú ń lùlə̀. Ń yà ń zhe yə-bal mə̀dù, Ezhibti lyì bal, ń yà ń yíl Yara. ³⁵ Shəshã kwè ń bə̀kɔ́ n pə ń yə-bal Yara nɛ n jí, ń bə̀kɔ́ mɔ́ lù Atəyi n pə Yara nɛ. ³⁶ Atəyi zɛ̃̀ n lù Natã, Natã zɛ̃̀ n lù Zabaadɛ; ³⁷ Zabaadɛ zɛ̃̀ n lù Efəlaalɛ. Efəlaalɛ zɛ̃̀ n lù Obɛɛdɛ. ³⁸ Obɛɛdɛ zɛ̃̀ n lù Yewu. Yewu zɛ̃̀ n lù Azarəya. ³⁹ Azarəya zɛ̃̀ n lù Elɛɛsɛ. Elɛɛsɛ zɛ̃̀ n lù Elasa. ⁴⁰ Elasa zɛ̃̀ n lù Shəsəməyi. Shəsəməyi zɛ̃̀ n lù Shəlum. ⁴¹ Shəlum zɛ̃̀ n lù Yəkamya. Yəkamya zɛ̃̀ n lù Elyəshama. ⁴² Yəraməyəə da-byǐ Kalɛɛbɛ byǎ bɛ́ yàl: Məsha, ń byì-cɛ yá, ń yàl Zhiifu da mɔ́; ǹdə́ Marəsha, ń yàl Ebərɔ̃ da mɔ́, byǎ bɛ́. ⁴³ Ebərɔ̃ byǎ bɛ́ yàl: Kɔra ǹdə́ Tapɔwa ǹdə́ Erəkɛm e súlí Shəma. ⁴⁴ Shəma lùl Araam, Yɔrəkɔwam da mɔ́, Erəkɛm zɛ̃̀ n lù Shəmeyi. ⁴⁵ Shəmeyi byǐ mú yàl: Mawɔ̃, Mawɔ̃ zɛ̃̀ n lù Bɛtɛ-Suur. ⁴⁶ Kalɛɛbɛ kɛ̃-dõ Efa lùl Arã ǹdə́ Mɔsa e súlí Gazɛɛzɛ. Arã lù byǐ n ce ńmyɛ yil bə̀ Gazɛɛzɛ. ⁴⁷ Yədəyi byǎ bɛ́ yàl: Erəgwɛm ǹdə́ Yɔtam ǹdə́ Gəshã ǹdə́ Pəlɛɛtɛ ǹdə́ Efa e súlí Shaafɛ. ⁴⁸ Kalɛɛbɛ kɛ̃-dõ Maaka lùl Shəbɛɛrɛ ǹdə́ Tərana. ⁴⁹ Dɔnɔ kwã nɛ́, ń lùl Madəmana da Shaafɛ ǹdə́ Shəva ń yàl Makəbəna ǹdə́ Jəbəya da mɔ́. Kalɛɛbɛ yà ń súlí n lù bə̀kɔ́ ń yà ń yíl Akəsa. ⁵⁰ Nyǐ Kalɛɛbɛ byǎ bɛ́ dwã bɛ́ yilə né: ń kɛ̃ Efərata byì-cɛ Uuri lùl byǎ bə̀tɔ̀: Shɔbaal, ń yàl Cərəyaatɛ-Yəyərim da, ⁵¹ ǹdə́ Saləma, ń yàl Bɛtələyɛm da; ǹdə́ Arɛɛfɛ, ń yàl Bɛtɛ-Gədɛɛrɛ da mɔ́. 52 Shɔbaal ń yàl Cərəyaatɛ-Yəyərim da mɔ́ lùl byǎ bə̀tɔ̀: Arowe lyì bí ǹdə́ Mənəwɔɔtɛ lyì bí kə̀kàlà y ⁵² Shɔbaal ń yàl Cərəyaatɛ-Yəyərim da mɔ́ lùl byǎ bə̀tɔ̀: Arowe lyì bí ǹdə́ Mənəwɔɔtɛ lyì bí kə̀kàlà y ⁵³ ǹdə́ Cərəyaatɛ-Yəyərim jìsí, è n'ê yǎl e wɔ̀ Yətəritəbá ǹdə́ Putitəbá ǹdə́ Shumətitəbá e súlí Myəshərəyitəbá. Wɔ́ bə̀myɛ́ bə̀ lùl Sɔra ǹdə́ Eshətawɔl lyì bí. ⁵⁴ Saləma byǎ bɛ́ yàl: Bɛtələyɛm ǹdə́ Nətɔfa lyì bí ǹdə́ Atərɔtɛ-Bɛtɛ-Yɔwaabɛ ǹdə́ Manaatɛ lyì bí kə̀kàlà y ǹdə́ Sɔra lyì bí ⁵⁵ ǹdə́ lyì bí byɛ̀bɛ́ bə̀ y'à yě sɛ́bɛ́ jìsí Yabɛɛsɛ nɛ́ mɔ́, è n'ê yàl e wɔ̀ Tərətitəbá ǹdə́ Shəmətitəbá ǹdə́ Sukətitəbá. Bə̀myɛ́ mɔ́ wɔ́ Kənitəbá, Erəkaabɛ dwí rí nàmbal Amaatɛ nɛ̀mɛ́.