¹ Ayiwa sisa, ne balimanw, aa, ɲnishɔn ja kɛ mtgi la. Ka wo kuow sɛbɛ ka ce aa man, wo man gwrɛ nɛ man, e ce ka aa banman. ² Aa yɛɛ kɔshi wruw la, k'aa yɛɛ kɔɔhi kuodgukɛ la, k'aa yɛɛ kɔɔshi bookuo gwansan nan. ³ Un tɛɛ an ne min bookuola ɲumanw ye an ne minnu Ala bato ɲnisenuman baka la, ka an yɛɛ boɲan krista Yesu la, nka mɛn an t'a dgi da piisgo kuow ka. ⁴ Wo biɛɛ nan ta dgi da ja min ne fɛ piisgo kuow la .Ni mgɔ jɔ ka kɛ mirila ko dgi da ja man a ye fɛ piisgo kuow la, a min ne fɛ ka tɛnmɛn wo ka. ⁵ Ne boo kuo la ne woni tee sigi nan.Ne min israɛl shiya jɔ lee, bɛnjamɛn nantaw lo. Ne min heburu yɛɛ yɛɛ lee ⁶ Sariya ka pha fɛ, ne tun min egilisi tɔrɔ la .Teeniya min sɔɔ sariya la, ne yaaki bii tun no wo pha fɛ. ⁷ Nka mɛn ne tun tɔɔn sɔɔ kuo minnu na, ne wuu jate bɔɔn lee Krista kanman ⁸ Ska la, ne fɛ biɛɛ jate bɔɔn lee ɲii nafaba kanman, Yesu Krista ne mtgi dɔniya kwiin.Wee kanman ne fwɔ fɛɛ biɛɛ la ka wuu biɛɛ jate sɛbɛ man ye, yaako ne la krista sɔɔ. ⁹ Ani ne la sɔɔ wo la. Ne ye kun ka teeniya min sɔɔ sariya la, wo nɔn tɛ, fwɔ teeniya min sɔɔ dananya fɛ krista la. wo teeniya ye bɔ Ala le la, a dananya baaka la. ¹⁰ Ne min min fɛ, wo fɛɛ ɲi ye, ka krista ni a krun tgo dɔ, ka ɲiyrɔ ta a ka tɔɔrɔ kuow la ka kɛ a ŋɔnkuo ye a saya la. ¹¹ Yaako yaako ne fannan la she ka kru ka bɔ shuw shɛman. ¹² A ma kɛ na fwɔ ne la sɔɔ ka ba, waman ko ne dapani mu.Nka mɛn ne min bira a nɔnŋa ne, yaako ne la un jela ja ka wo sɔɔ, ka sɔɔ krista Yesu ne mlan wo kanma ka ba. ¹³ Balimanw, ne ta jate ko ne la sɔɔ ka ba, nka mɛn ne fɛ kee ne kɛ. nka mɛn ne ni hakri bɔ kɔfɛ fɛw ka, k'a yɛɛ mɔnnɛnbɔ ɲatena fɛw nɔnŋa. ¹⁴ Ne bii ka she wo bii danan yaako ne la wo she sɔɔ yaa sɔɔ, wee Ala ka yaatgannan krili lee Krista Yesu la. ¹⁵ An ne minu dapala ɲi na, an biɛɛ la miri ti. Ni mirili gwɛma mi aaye jɔɔw la, Ala nan wo fran yra aa la . ¹⁶ Tgo wo tgo, an shera dan man min man aan tgɔnman, ka kanɲan ni wee. ¹⁷ Balimanw, aa biɛɛ la kɛ ne ladgebgaye. An wo tgo yra a ye laa .Miinu tgɔnman ka kanɲan ni wee, a wuu fɛɛ. ¹⁸ Ne la fwɔ aa ye shian shaa man, ne komo shɔ nan siki aka sisa kun, ko mgɔ shanman tgo ya la yra ko a min krista gwegweyiri dguw ye. ¹⁹ Aa laba min halakili lee. Aa la yɛɛw boɲan aa muɲan kuow lee la, aa miri diɲan kuo lee drɔw nan. ²⁰ An ne gwiin, an fasho min sankoo la. An min krishibga mtgi Yesu Krista mankɔnnan ka bɔ wo jaa la. ²¹ A nan an ka mandginiya piisgo yɛɛma ka kɛ a yɛɛ piisgo nɔrɔman bɔŋɔnkuo ye, ka kanɲan ni a ka shebaya baarakɛ tgo ye, ee she ka fɛ biɛɛ koo a yɛɛ ye wo shebgya min nan .