¹ Kuntkiw, aa ka baarakɛdinw mna ka ɲa ni tenniya ye, ka dɔn ko kuntki fana min a kunna sakoo ra ² Aye ra sinsin Ala daara la, ka ta to, a ɲana daara kɔɔna ani baakadariw la. ³ A Ala daare ke kenye ani aan ne fran ya, yaako Ala ra daa jɔ yɛɛ, a ka koma ye. sanko krista ka gundo fwɔ. nne min kasha ra sisa wo gundow re kɔsɔko. ⁴ A Ala daara ko ne ra o koma fɔ ka piɛɛ. ⁵ Minnin ti danabgaw ye, aa tŋɔma ni hakritkiya ye uu ka pafɛ. aa waati kunmabɔ ⁶ aa ka koma ra kɛ ni nɛɛmaye sŋan biɛɛ, kɔkɔra kɛ a ra, yaako aa she ka mŋɔw jaabi tko ɲuman dɔn. ⁷ Kwo minnun mi nne kundara, Tychique na o fwo a fɛ. barenman kannun ne mun, baarakɛla kantki, ani baarakɛdin no, na fwo nne Matki ra. ⁸ Nne ra ce aye fɛ, yako aa kunnafoninw sɔɔ anne ka ani k'an yarakweya. ⁹ Nne r'ani Onésime ce, barenma kantki kannunni ni O m'aye jɔɔ ye. Kwo minnun biɛ kɛra yan, aa na wuw biɛ ɲafwɔ a fɛ. ¹⁰ Nna kasho blanŋan Aristarque ra fwo. Barnabas barenmaandincɛ Marka fran r'a fwo. (aye anne kaceraw sɔɔ ka bɔ o fɛɛ; ni a ka na, a fɛ mna ka ɲan) ¹¹ Ani fran yesu min kri ra ka Justus, a fana r'a fwo. Yahutu minnun kɛra danabgaw ye, o mŋɔ saba dɛnmɛn kɛra nne baara kɛnŋɔnw ye, Ala ka masaya kwo ra. Wuw kɛra nne dososaaro bgaba ye ¹² Epaphras r'a fwo. O min aye jɔye, ani Yesu krista ka baarakɛdin, e kɛɛkɛ Ala daare ra aa ye yaako aye sinsin nato ni dgiyadapanin ye Ala ka Sakoya biɛɛ ye. ¹³ Nne mi Epaphras shɛɛrɛ ye ka aa hannin min a ra kwosɛbɛ, aye ni Laodicée danabgaw ni Héerapolis danabgaw. ¹⁴ Luka dgɔtrɔcɛ kannunninw, ani Démas r'a fwo ¹⁵ Barenman minnun mi Laodicée an'a fwo, ni Nympras, ni nne ka shora Egilizi biɛ fwo. ¹⁶ N'aa ka sɛbɛ ɲiin kran, are ka to Laodicée Egilizi r'a kran. sɛbɛ min na ka bɔ Laodicée, aye fran ra o kran. ¹⁷ aa fwɔ Archipe fɛ, Matki ka baara min karifa min mun e ma, k'ari janto, o ra. ko ar'a kɛ ka dapa. ¹⁸ Nne Paul fwori ɲiin koma sɛbɛ nin yɛɛrabo ye. aye yrii ka bɔ ko nne min kasho ra. Ala ka nɛɛma ra to n'an ya