¹ Ne kɛɛba mii kɛ aa kaman, ani Laodisekaw, ani minun biɛ ma ne ŋada je ban. ² ne m'afɛ aa ra wo dɔn yako wu doso marada, aa re ka kɛ keen ye kannunyara, yako aa ra she ka faanmuyari piɛnin dapanin shaanma sɔɔ, yako aa ra Yaamasa ka bunde dɔn, wo miin mu Krista ye. ³ Hakritgiya ni dɔninw nafamanbaw biɛ dgonni mu aye ra. ⁴ Ne wo fwɔ yako mŋɔ chi ka na aa lafri ni koma nŋuniw ye. ⁵ Ari ni ne ti aa fɛ piisgo ra, nmi nɑa ye nɲii na. Ne ni yrilaja k'a je ko aa mifɛn biɛ kɛra a tgo bɛnni na ani aa ka danaya sinsin ni wee Krista ra ⁶ Aa sɔnna mantgi yesu krista ma tgo min na, aa tgɔnma ara tin. ⁷ Aa kɛ yesu ra e ko yri dri dunni, ka jiidi a ra, ka sabaati dananya ra ka kanɲan ni aa ka kran sɔɔnin wee. Aa baaka dari kɛ ka shiya. ⁸ A' yɛɛ kɔɔshi, yaako mgɔ ski kaana aa mnan ni mgɔw ka akritgiya kran ni lafrili koma fu ye, ka kanɲan ni mgɔw ka landaw ni diɲan ɲin kwow ye, wuu ti kanɲan ni krista ta wee. ⁹ Alaya ka dapaniya piisgoman sgini mun a ra. ¹⁰ Aye min kuntgiya ni fgan biɛ kun na, aa kpin dapanimun aye ra. ¹¹ Aa bookwora aye la fran. wo bookwori man kɛ mgɔw boo fɛ, nga wo min piisgo kwow blari we krista ka bookwori fɛ. ¹² Aa shuw ni krista shu dun nan ngɔn fɛ batiseri la, aa ni aye krunnan ngɔn fɛ batiseri la fran, katgu aa dara Ala ka shebgaya ra, wo min na lakrun ka bɔ shuw shɛma. ¹³ Aa sanin tin mun aa ka yacɛw ni aa piisgo bookwobiiya ra sgan min na, Ala lee aa ni krista ɲranmanya ngɔn fɛ, ka sɔɔ a raan ka yacɛw biɛ yafa aan maan. ¹⁴ Sɛbɛ min tin mun aan kama aan ka sariya shɛnri kɔsɔɲi a tun n'an kɛɛ, Ala wo bɔ ɲin, k'a kpenŋen yri la. ¹⁵ Ala fɛ min mnan kuntgiw ni fgantgiw ra ka aa kɛ mafiyɛyari fɛnw ye fɛɛn biɛ ɲan nan, bari ee she sɔɔ aa kan krista kpenŋen yri baaka ra. ¹⁶ Wo tgo ra mgɔ shi kaa aan yaaki dunnin kwo ra, waaman myinni kwo ra, waama sii dun waama kalo klua ani manshɔn dunw kwo ra. ¹⁷ Wo kwo biɛ mi fɛn nantaw yaa we ye, nga wo fɛn yɛɛ sɔɔ krista le ra. ¹⁸ Aa kaa to mgɔ shi ra aa bari ka aa ka shesɔɔ jara sɔɔ ni a ka yɛɛmandginiya flankafwɔma we wala a ka mɛɛkɛw batori. Wo mgɔ shifa ri dgi da a ka jeri fɛw kan ka a yɛɛ boɲan fu a ka adamadinya myiririw ra. ¹⁹ A ti ɲɔɔrɔ piikoo kuntgi krista ra. piikoo biɛ baro ka ngɔn mnan kootgu jaw ni pasaw fɛ aye ra. Een boɲan ni Ala boɲanri we. ²⁰ Ni aa ni krista sara ngɔn fɛ dinɲan ɲin na kwow ka pan fɛ, mɔn na aa ren sɔn cefwɔni ɲinnun ma, e na fwɔ aa mi dinɲan ɲin taw ye? ²¹ Ko: "E kaa ɲin mnan. E kaa ɲin nɛnɛ. E kaa mgan ɲin na". ²² Wo fɛw biɛ ban e makwo ɲanri ra. Wuu mi Adamadinw ka ce fɔninw nu aa ka kran we. ²³ Wo ce fwɔnin we akritgiya re mgɔw ɲan na, aa ka batori tgo kɔsɔ min bɔ mgɔ ra, ani aa ka yɛɛmadginiya ni aa yɛɛ piikoo tɔɔrɔ kwow, nga nafa ti aa shi ra. Aa ka ji piikoo we drɔhun.