¹ Kemudian, YEsus cawa guk tian, "Nyak ngumungko se sebenorni guk niku, wat pira jelma se lagi tegak didija se at akan mati hantok tian ngenah kerajaan Allah ratong dengan kuasa." Yesus Barong Musa hik Elia ² Hik, enom hari kemudian, Yesus ngunggor Petrus, Yakobus, hik Yohanes, lalu ngusung tian menyendiri guk gunung se langgar. Lalu, Yesus berubah rupa di hadopan tian. ³ Hik, pulungan-Ni menjadi cemerlang hik handak benor. Atmik tukang pemutih kain didunia pandai ngehandakko nawak hena. ⁴ Lalu, muncul dihadopan tian, Elia barong kantok Musa, hik tian lagi ngumung kantik Yesus. ⁵ Kemudian, petrus cawa guk Yesus, Rabi, helau benor bagi hikam wat didija. Marido ram ngeguai telu kemah, sai untuk niku, sai untuk Musa, hik sai untuk Elia." ⁶ Sebab, Petrus at pandai harus ngejawab lani karena tian kerabain unyin. ⁷ Lalu, munculdo awan menaungi tian, hik ketengisan suatu suara se ratong jak awan, cawa-Ni," Henjido Anak-Nyak se Terkasih. Tengiskedo Ia!" ⁸ Seketika hena juga, seradu tian ngenah guk sekitar, tian at lagi ngenah sapapun barong tian kecuali Yesus. ⁹ Hik, sementara tian debah jak gunung, Yesus ngejuki perintah guk tian untuk at cawa guk sapa pun lani se kok tian enah, hantok Anak Manusia bangkit jak antara jelma mati. ¹⁰ Karena hena, tian ngating umungan hena untuk tian diwik sambil ngulih-ngulih lani artini kebangkitan jak kematian hena. ¹¹ Lalu, tian ngulih guk Yesus, " ngapi para ahli Taurat cawa bahwa Elia harus ratong mena?" ¹² Lalu, Yesus cawa guk tian," Elia memang ratong lebih mena untuk memulihko segala hal. Hik, jikpa dengan se tertulis tentang Sanak Manusia bahwa Ia harus menderita lok hal hik dihina? ¹³ Namun, Nyak cawa guk niku bahwa Elia memang kong ratong, hik tian memperlakuko sesuai kantik lani se tian inginko , nawak se tertulis tentang Ia." Para Murid At sanggup Ngelepasko Roh Jahat jak Seseorang ¹⁴ Kemudian, Ketika Yesus, Petrus, Yakobus, hik Yohanes muloh guk murid-murid, tian ngenah kerumunan jelma lok di sekeliling murid-murid hena, hik para ahli Taurat lagi berdebat kantik tian. ¹⁵ Hik, segera seradu unyin kerumunan jelma hena ngenah Yesus, tian menjadi tekanjat hik junglijung untuk nyambut-Ni. ¹⁶ Lalu, Yesus ngulih guk tian," Lani se lagi niku perdebatko kantik ahli-ahli Taurat hena?" ¹⁷ Sai jelma jak kerumunan hena ngejawab Ia, "Guru, nyak ngusung sanak bakasku guk Niku karena ia kerasukan roh se ngeguai ia uba. ¹⁸ Setiap kali roh hena menguasaini, ia ngebantingkeni guk tanoh hik ia ngeluahko busa jak bangukni, hik mengertako iponni, lalu ia jadi kejang. Nyak meminta murid-murid-Mu mengusir roh hena, tetapi tian at sanggup." ¹⁹ Hik, Yesus ngejawab tian hik cawa," Hai, generasi se at beriman! pira uni lagi Nyak harus barong niku? Pira uni lagi Nyak harus bertahan kantik niku? Usung anak hena guk-Nyak!" ²⁰ Lalu, tian ngusung sanak hena guk Yesus. Hik, ketika roh hena ngenah Yesus, ia langsung mengguncang-guncangko sanak hena. Sanak hena tiak guk tanoh hik terguling-guling dengan banguk se ngeluahko busa. ²¹ Kemudian, Yesus ngulih guk bak ni sanak hena," radu pira uni hal henji terjadi guk ia?" jawab-ni, "Jak ia renik. ²² Hik, roh hena kok galak ngebetakkeni guk lom apui hik guk lom wai untuk ngehancurkeni. Akan tetapi, aman Niku pandai berbuat sesuatu, kasihani hikam hik tolong hikam." ²³ Yesus cawa guk ia," Aman Niku pandai? Unyin hal mungkin untuk se percaya." ²⁴ Segera bak sanak hena miwang hik berseru, "Nyak percaya! Tolongdo ketidakpercayaan nyak!" ²⁵ Ketika Yesus ngenah bahwa jelma lok ratong berkerumun dengan gancang. Ia membentak roh hena sambil cawa guk-ia, "Niku roh uba hik tulok, Nyak perintahko niku luwah jak sanak hena hik ikin nguruki ia lagi!" ²⁶ Seradu menjerit hik mengguncang-guncangko sanak hena dengan hebat, mari roh hena luah. Sanak hena menjadi nawak jelma mati sehingga jelma lok hena cawa,"Ia mati!" ²⁷ Akan tetapi, Yesus ngating culuk sana hena hik ngegurahni mari sanak hena tegak. ²⁸ Hik, ketika Yesus kuruk guk lom mahan, murid-murid-Ni ngulih guk-Ia secara pribadi, " Ngapi hikam at pandai mengusirni?" ²⁹ HIk, Ia cawa guk tian," Jenis henji at pandai luah kecuali kah pakai doa." Yesus ngumung Lagi tentang Kematian-Ni ³⁰ Jak disan, Yesus hik murid-murid-Ni lapah hik ngeliui wilayah Galilea. Hik, Ia at haga wat jelma se pandai. ³¹ Sebab, Ia lagi ngajar murid-murid-Ni hik cawa guk tian," Sanak Manusia akan diejukko guk culuk manusia, hik tian akan ngebunuh-Ni. Hik, seradu Ia dibunuh telu hari kemudian Ia akan bangkit." ³² Akan tetapi, murid-murid at memahami umungan hena hik rabai ngulih guk-Ia. Perdebatan tentang Sapa se Pling balak ³³ Kemudian, Yesus hik murid-murid-Ni hantok di Kapernaum. HIk, seradu Yesus berada di lom mahan, Ia ngulih guk tian, 'Lani se kuti umungko lom perjalanan?" ³⁴ Akan tetapi, tian rekop karena lom ngeraya tian berdebat sai kantik se barih tentang sapa se paling balak. ³⁵ Lalu, Yesus mejing hik ngeharuh ke hua belas murid. Hik, Ia cawa guk tian,"Aman sai jelma haga jadi paling pertamo, ia harus jadi paling terakhir jak unyinni hik pelayan bagi unyinni." ³⁶ Kemudian, Yesus ngakuk sai sanak renik hik menempatkeni tegak diantara tian, Hik, sambil nekop sanak hena, Ia cawa guk tian, ³⁷ " Sapa pun se menyambut sai sanak renik nawak henji lom gelak-Nyak, ia nyambut Nyak. HIk, sapa pun se menyambut Nyak, ayin nyambut Nyak, melainko Ia se ngutus Nyak." Jelma se Ngusir Sebelis lom Gelar Yesus ³⁸ Yohanes cawa guk Yesus. "guru hikam ngenah jelma ngusir sebelis-sebelis lom gelar-Niku, hik hikam menghalangini karna ia at sok ram." ³⁹ Akan tetapi, Yesus cawa," Ikin ngehalangini karna at mik jelma se ngelakuko perbuatan ajaib lom gelar-Nyak pandai saat hena juga ngehujat Nyak. ⁴⁰ Sebab, sapa se at ngelawan ram, wat dipihak ram. ⁴¹ Sebab, Nyak nyawako se sebenorni guk niku, sapa pun se ngejuki segelas wai karena niku pengikut Kristus, at akan kelebonan upahni." Tentang Penyebab Dosa ⁴² Hik sapa pun se menyebabko salah sai jak sanak-sanak renik se percaya guk-Nyak hena ngeguai dosa, lebih helau bagi dirini aman sai batu kilangan sebalak digantungko di galahni hik ia diembanko guk lom laut. ⁴³ Hik, aman culukmu menyebabko niku berdosa, toktokdo culuk culukmu hena. Lebih helau bagi niku kuruk guk lom kehidupan dengan culuk buntung, daripada dengan culuk hua kuruk guk neraka, guk lom apui se at pernah padom, ⁴⁴ jengan se hulorni at akan mati hik apuini at akan padom ⁴⁵ Hik, aman cukutmu menyebabko niku berdosa, toktokdo cukutmu hena. Lebih helau bagi niku kuruk guk lom hurik dengan kaki buntung, daripada dengan hua cukut dibetakko guk neraka, ⁴⁶ jengan se hulorni at akan mati hik apui at akan padom. ⁴⁷ Hik, aman matamu menyebabko niku berdosa, cungkildo matamu hena, Lebih helau bagi niku kuruk guk Kerajaan Allah dengan sai mata daripada dengan hua mata dibetakko guk lom neraka, ⁴⁸ jengan se hulorni at akan mati hik apuini at akan padam. ⁴⁹ Sebab, setiap jelma akan disiai dengan apui ⁵⁰ Sia hena helau, tetapi aman sia hena kelebonan keasinanni, jikpa niku akan ngeguaini asin lagi? Milikido sia lom dirimu diwik hik berdamaido sai terhadap se barih."