¹ Ketika ngenah jelma lok hena, Yesus cakak guk lambung bukit. Hik, seradu Ia mejong, murid-murid-NI ratong guk-Ia. ² Hik, Ia ngebuka banguk-Ni hik mengajar tian, cawa-Ni, ³ "Diberkatido jelma miskin lom roh sebab tian se wat Kerajaan Surga. ⁴ Diberkatido tian se berdukacita sebab tian akan dihibur. ⁵ Diberkatido jelma se lemoh hatini sebab tian akan mewarisi bumi. ⁶ Diberkatido tian se betoh hik mahu akan kebenoran sebab tian akan dibetongko. ⁷ Diberkatido tian se berbelas kasihan sebab tian akan memperoleh belas kasihan. ⁸ Diberkatido tian se kecah dilom hati sebab tian akan ngenah Allah. ⁹ Diberkatido tian se ngusung damai sebab tian akan disebut sanak-sanak Allah. ¹⁰ Diberkatido tian se dianiaya demi kebenoran sebab tian se memiliki Kerajaan Surga. ¹¹ Diberkatido niku apabila jelma mencela niku hik menganiaya niku, hik ngumungko unyin macam umungan se jahat terhadap niku kantik fitnah karena Nyak. ¹² Bersukacitado hik bergembirado karena upahmu disurga karena juknado tian menganiaya para nabi sebelum niku." Sia hik Terang Dunia ¹³ "Niku jadodo sia dunia, tetapi aman sia hena menjadi hambar, makai lani ia akan diasinko? Ia at berguna sama sekali selain untuk diijak-ijak oleh manusia." ¹⁴ "Niku jadodo terang dunia. Kota se terletak dilambung bukit at pandai disembunyiko. ¹⁵ Jelma-jelma se at menyalako pelita munih hik meletakkoni dibah gantang, melainko dilambung cukut pelita, hik ia nerangi unyin se wat dilom mahan. ¹⁶ Gandodo terangmu juga bercahaya dengan cara se gohgoh supaya tian pandai ngenah perbuatan-perbuatanmu se helau hik memuliako Bapamu se disurga." Penggenapan Hukum Taurat hik Kitab Para Nabi ¹⁷ "ikin berpikir bahwa Nyak ratong untuk mentiadako Hukum Taurat atau kitab para nabi. Nyak ratong ayin untuk mentiadakoni melainko untuk mrnggenapini. ¹⁸ Nyak nyawako se sebenorni guk niku, hantok langit hik bumi berlalu, atmik sai iota atau coretan pun se lebon jak Hukum Taurat hantok unyinni digenapi. ¹⁹ Karena hena, sapa se meniadako salah sai jak perintah-perintah terenik henji hik mengajar jelma barih untuk ngelakuko hal se gohgoh, ia akan disebut se terenik lom kerajaan Surga. Namun, sapa se ngelakuko perintah-perintah hena hik mengajarkeni akan disebut balak lom kerajaan Surga. ²⁰ Sebab, nyak ngumungko guk niku bahwa aman kebenoranmu at lebih helau daripada kebenoran ahli-ahli Taurat hik jelma-jelma Farisi, niku sama sekali at akan kuruk guk lom Kerajaan Surga. Mengenal Jelma se Mabuk guk Puarini ²¹ Niku kok nengis se dicawako guk nenek moyang ram,'iokin membunuh,' hik "Sapa se membunuh pantas diusung guk pengadilan.' ²² Akan tetapi, Nyak ngumungko guk niku bahwa sapa pun se mabuk guk puarini pantas berada lom hukuman, hik sapa pun se cawa guk puarini, 'Niku bugu,' pantas berada dihadapan Mahkamah Agama, hik sapa pun se cawa,'Niku bugu,' pamtas berada lom neraka apui. ²³ Karena hena, aman niku mempersembahko persembahanmu dilambung altar, hik didisan niku igok bahwa puarimu mempunyai sesuatu terhadap niku, ²⁴ tinggalkedo persembanmu hena di hadapan altar hik lijungdo untuk lebih dahulu didamaiko kantik puarimu, seradu hena muluhdo hik persembahko persemahan niku. ²⁵ Segancang mungkin, berdamaido kantik jelma se menuduhmu selagi niku lom perjalanan barong ia supaya ikin penuduhmu hena menyerahko niku guk hakim, hik hakim hena menyerahko niku guk pegawaini, hik niku dijeblosko guk lom penjara. ²⁶ Nyak ngumungko se sebenorni guk niku, niku at akan pernah luah jak disan hantok niku radu bayar sen se terakhir." Jelma se Berzinah ²⁷ "Niku radu nengis bahwa dicawako, 'ikin berzinah.' ²⁸ Akan tetapi, Nyak ngumungko guk niku bahwa setiap jelma se memandangi sai bai hik menginginkeni, ia radu berzina kantik bai hena dilom hatini. ²⁹ Aman mata kanamu ngeguai niku berdosa, cungkildo matamu hena hik umbankedo. Sebab, lebih helau niku kelebonan salah sai anggota badanmu daripada unyin badanmu diunbanko guk lom neraka. ³⁰ Hik, aman culuk kananmu ngeguai niku berdosa, toktok hik umbanko culukmu hena karena lebih helau niku kelebonan sai anggota badanmu daripada unyin badanmu diumbanko guk lom neraka. Aturan tentang Perceraian ³¹ Radu dicawako: Sapa se menceraiko kahjongni harus ngejuki surat cerai guk kahjongni hena. ³² Akan tetapi, Nyak ngumungko guk niku bahwa sapa se menceraiko kahjongni, kecuali karena berzinah, ia ngeguai kahjongni berzinah. Hik, sapa se ngahjong kantik bai se kok diceraiko hena, ia berzinah munih. Mengenai Sumpah ³³ Sekali lagi, niku kok nengis se dicawako guk nenek moyang ram, 'ikin bersumpah palsu, tetapi penihido sumpahmu hena dihadapan Tuhan.' ³⁴ Namun, Nyak cawa guk niku: ikin sekali-kali niku bersumpah, baik demi surga karena surga jadodo takhta Allah, ³⁵ ataupun demi bumi karena bumi jadodo tumpuan cukut-Ni, ataupun demi Yerusalem karena hena jadodo kota Sang Raja Balak. ³⁶ IKin munih niku bersumpah demi hulumu karena niku at pandai ngeguai sehelai buok pun, handak atau halom. ³⁷ Namun, hendakni umunganmu, yu aman yu, at aman at, karena se selebihni jak hena berasal jak se jahat. Mengenai Pembalosan ³⁸ Niku kok nengis lani se kok dicawako, 'mata balin mata, hik ipon ganti ipon.' ³⁹ Namun, nyak nyawako guk niku ikin ngelawan se jahat, melainko sapa se nampar niku di bihgom kanan, ejukko huk ia bihgommu se barih munih. ⁴⁰ Hik, aman sai jelma haga menuntut niku hik ngakuk bajumu, ejukko munih jubahmu guk ia. ⁴¹ Hik, sapa se memaksa niku lapah 1 mil, lapahdo barong ia sejawoh 2 mil. ⁴² Ejukko guk jelma se kulu guk niku hik ikinm nolak jelma se haga nginjam jak niku." Kasihido Musuhmu ⁴³ "Niku kok nengis se difirmanko,'Kasihido sesamamu,' hik 'nyuwohido musuhmu.' ⁴⁴ Namun, Nyak cawa guk niku, kasihido musuh-musuhmu hik berdoado untuk jelma-jelma se menganiaya niku, ⁴⁵ dengan jukna niku pandai menjadi sanak-sanak Bapamu se disurga karena Ia menerbitko matahari-Ni bagi se jahat hik si helau, hik nebahko terai bagi se benor hik se at benor. ⁴⁶ Sebab, aman noku kah mengasihi jelma-jelma se mengasihi niku, upah lani se niku mangsa? Ayinni pengumpul pajak ngelakuko hal se gohgoh munih? ⁴⁷ Hik, aman niku ngejuki salam kah guk puari-puarimu, lani lebihni perbuatanmu? Ayinni jelma-jelma se at mengenal Allah ngelakuko jukna munih? ⁴⁸ Karena hena, niku harus jadi sempurna, nawak Bapamu di surga jadodo sempurna."