¹ Pada hari-hari hena, munculdo Yohanes Pembaptis, berkotbah di padang belantara Yudea. ² Ia berkata, "Bertobatdo karena Kerajaan Surga kok rikdik." ³ Sebab, ianado se diucapko Nabi Yesaya ketika cawa," Suara sai jelma se berseru-seru dipadang belantara, 'Persiapko ngeraya untuk Tuhan, guaido ngeraya-Ni lurus."' ⁴ Hik, Yohanes diwik mengenako pulunganni jak bulu unta hik sabuk kulit di sekeliling pinggangni. Kanianni jadodo belalang-belalang pulan. ⁵ Kemudian, jelma-jelma Yerusalem ratong guk ia, hik unyin Yudea, hik unyin wilayah disekitar Yordan. ⁶ Lalu, tian dibaptisko oleh Yohanes Pembaptis di Yordan, sambil mengakui dosa-dosa tian. ⁷ Namun, ketika Yohanes ngenah lok jelma Farisi hik Saduki ratong di baptisanni, ia cawa ditian," Niku, keturunan ulay beludak, sapa se memperingatko niku untuk lijung jak murka se haga ratong ? ⁸ Karena hena, hasilkedo buah-buah se sebanding kantik pertobatan, ⁹ hik ikin berpikir untuk cawa guk dirimu diwik,' Hikam wat Abraham ,bapak leluhur hikam ,'karena nyak ngumungko guk niku bahwa jak batu-batu henji Allah sanggup membangkitko sanak-sanak untuk Abraham! ¹⁰ Bahkan, ganta, kapak diletakko di akar batang-batang, hik setiap batang se at menghasilko buah se helau ditebang hik dibetakko guk lom apui. ¹¹ Nyak sesungguhni membaptis niku makai wai untuk pertobatan, tetapi Ia se ratong seradu nyak jadodo lebih berkuasa daripada nyak, se sandal-Ni pun nyak at layak ngusungni. Ia akan membaptis niku makai roh Kudus hik makai apui. ¹² Alat penampi wat diculuk-Ni, hik Ia akan ngecahhi jengan pengirikan-Ni, hik akan ngumpulko gandum guk lom lumbung. Namun, ia akan nyundut sekamni makai apui se at pandai dipadomko." Yesus Dibaptis oleh Yohanes Pembaptis ¹³ Kemudian, Yesus ratong jak Galilea guk Yordan guk Yohanes untuk dibaptis oleh Yohanes. ¹⁴ Namun, Yohanes berusaha mencegah-Ni hik cawa," Nyakhado seperlu dibaptis oleh-niku, tetapi justru Niku se ratong guk nyak?" ¹⁵ Lalu, Yesus ngejawab hik cawa guk ia, " Ganta, agankedo karena jukjido se seharusni terjadi pada ram untuk menggenapi unyin kebenoran." Hik, Yohanes pun ngaganko Ia. ¹⁶ Seradu dibaptis, Yesus langsung luah jak wai, hik enahdo, surga kebukan hik Ia ngenah Roh Allah debah nawak manuk merpati ratong guk lambung-Ni. ¹⁷ Hik, tengiskedo suara jak surga se cawa," Henjido Anak-Ku se kukasihi, guk-Iado Nyak berkenan."