¹ Ketika tian kok rikdik dengan Yerusalem hik kok hantok di Betfage, dibukut Zaitun, Yesus mengutus hua jelma murid-Ni; ² Cawa-Ni guk tian, "Lijungdo guk tiuh se wat dihadapanmu, hik niku akan tegah sai keledai se tekaruk hik sai anak keledai barong ia. Paculkodo usungdo hua-huani guk-Nyak. ³ Aman wat jelma se ngumungko guk niku, niku harus cawa, 'Tuhan memerlukeni.' ⁴ Hal henji terjadi supaya tergenapi lani se di cawako oleh nabi: ⁵ "Cawako guk putri Sion, 'Enahdo, Rajamu ratong guk niku, rendah hati, hik menunggang sai keledai, kantik sai keledai ngura, anak jak keledai beban. ⁶ Murid-murid lijung hik ngelakuko nawak se radu Yesus perintahko guk tian. ⁷ Tian ngusung keledai kantik anak keledai hena, hik ngepikko jubah-jubah tian dilambung keledai-keledai hena, hik Yesus mejong dilambungni. ⁸ Sebagian balak jak jelma lok hena membentangko jubah-jubah tian di ngeraya, hik se barihni niktoki ranting-ranting batang, lalu menyebarkeni di ngeraya. ⁹ Lok jelma lapah di hadapan-Ni hik tian tian se ngesoki-Ia berseru, "Hosana bagi Anak Daud! 'Diberkatido Ia se ratong lom gelar Tuhan.' Hosana di jengan se paling langgar!" ¹⁰ Ketika Yesus nguruki Yerusalem, unyin kota digemparko. TIan ngulih, "Sapakah Ia sa?" ¹¹ Hik, jelma lok hena ngejawab, "Ia jadodo Nabi Yesus, jak Nazaret di Galilea." Yesus Menyuciko Bait Allah ¹² Lalu, Yesus kuruk guk lom Bait Allah hik mengusir jelma-jelma se lagi jual beli di Bait Allah, lalu ngejungkil balikko meja-meja penukoran duit hik bangku-bangku tian se ngejual manuk-manuk merpati. ¹³ Ia cawa guk tian, " Kok tertulis, ' Mahan-Ku akan disebut mahan doa.' tetapi niku menjadikeni sebagai sarang para perampok."' ¹⁴ Hik, jelma se buta kantik se lumpuh ratong guk-Ia di Bait Allah, lalu Ia nyenangko tian. ¹⁵ Namun, ketika para imam kepala hik ahli-ahli Taurat ngenah mukjizat-mukjizat se radu dilakuko YEsus hik nghenah sanak-sanak se berseru lom Bait Allah, "Hosana bagi Anak Daud." tian jadi mabuk. ¹⁶ Lalu, tian ngulih guk Yesus, "Apikah Gusi nengis se dicawako sanak-sanak henji?" Hik, Yesus ngejawab tian, "Yu, Kung pernah niku ngebaca, 'Jak banguk bayi-bayi hik sanak-sanak se nyusu, NIku radu menyiapko pujian untuk diri-MU diwik. '?" ¹⁷ Kemudian, Yesus meninggalko tian hik luah jak kota hena guk Betania hik minggi di disan. Yesus Menunjukko Kuasa Iman ¹⁸ Ganta, pagi hari, ketika Yesus muloh guk kota, Ia jadi betoh. ¹⁹ Hik, ketika ngenah batang ara di pingger ngeraya, Ia ngeratongini hik at mangsa lani-lani, kecualu bulung-bulung gawoh. Hik, Ia cawa guk batang hena, "At akan pernag wat buah lagi jak niku hantok seuni-unini!" Saat hena juga, batang ara hena dijadiko ngeluh. ²⁰ Ketika murid-murid ngenah hal henji, para murid terheran-heran hik ngulih, "Jikpa batang ara hena ngeluh seketika hena munih?" ²¹ Hik, Yesus ngejawab tian, "Sesungguhni nyak ngumung guk niku, aman niku wat iman hik at bimbang, niku ayin kah akan ngelakuko lani se dilakuko terhadap batang ara hena, bahkan aman niku cawa guk gunung henji, 'Terangkatdo hik teumbando guk lom laut,' hal hena akan terjadi. ²² Hik, segala sesuatu se niku kilu lom doa, percayado, niku akan menerimani." Pemimpin Yahudi Meraguko Kuasa Yesus ²³ Ketika Yesus nguruki Bait Allah, para imam kepala hik para tua-tua bangsa Yahudi ratong guk-Ia sementara Ia lagi ngajar hik ngulih, "Dengan kuasa lanikah Niku ngelakuko hal-hal henji?" ²⁴ Yesus ngejawab tian, "Nyak juga kan ngulih sai hal guk niku, se aman niku pandai ngejawabni, Nyak akan nyawako munih dengan kuasa lani Nyak ngelakuko unyin hal henji. ²⁵ Jak dipakah baptisan Yohanes? Jak surga atau jak manusia?' Hik, tian mulai ngumungkoni diantara tian diwik, cawani, "aman ram cawa, 'Jak Surga,' Ia akan cawa, 'Aman jukna, ngapi at percaya di Yohanes?' ²⁶ Akan tetapi, aman at ngejawab, 'Berasal jak manusia.' ram rabai guk jelma lok karena tian unyinni nganggap bahwa Yohanes jadodo nabi." ²⁷ Maka tian ngejawab Yesus, "Hikam at pandai." Hik, Yesus cawa, "Aman jukna, Nyak haga nyawakoni munih dengan kuasa lani Nyak ngelakuko hal-hal henji." Perumpamaan tentang Dua Orang Anak ²⁸ "Namun, lani pendapatmu? Wat jelma se wat hua anak bakas, hik ia ratong guk se pertamo hik cawa, 'Anakku, lijung hik begawido bian sa di kebun anggur.' ²⁹ Hik, ia ngejawab, 'Yu, Bapa,' tetapi seradu hena ia at lijung. ³⁰ Kemudian bak hena lijung guk anak se kehua hik ngumungko hal se gohgoh. Sanak hena ngejawab, 'ngok,' tetapi ia nyolsol hik lijung. ³¹ Sapakah jak ke hua sanak hena se nuruti bakni?" Tian cawa, "Se terakhir." Yesus cawa guk tian, "Sesungguhni, nyak ngumungko guk niku bahwa para pengumpul pajak hik pelacur-pelacur akan kuruk guk lom kerajaan Allah menai niku. ³² Sebab, Yohanes ratong guk niku lom ngeraya kebenoran hik niku at mempercayaini, tetapi para pengumpul pajak hik pelacur-pelacur mempercayaini. Hik, niku, ketika ngenah hal henji bahkan at nyolsol seraduni sehingga niku pandai mempercayaini." Perumpamaan tentang Pemilik hik Penyewa Kebun Anggur ³³ "Tengisdo perumpamaan se barih. Wat jelma kedau kebun se nanom anggur, hik masang pagar dikelilingni, hik ngali jengan pemeras anggur, hik negakko menara. Kemudian, ia nyewako kebun anggurni guk para petani, hik ia berangkat guk luah negeri. ³⁴ Ketika musim buah hampir hantok, ia mengutus hamba-hambani guk petani-petani hena untuk nerima buahni. ³⁵ Hik, para petani ngedacokko para pelayan hena hik memukul se sai jelma, hik se barihni dibetaki batu. ³⁶ Sekali lagi, jelma kedau kebun hena mahitko hamba-hamba se barih, se lebih lok jak sebelumni. Hik, para petani hena ngelakuko hal se gohgoh terhadap tian. ³⁷ Akhirni, pemilik kebun hena ngutus anakni guk tian, cawani, 'Tian akan ngehormati anakku.' ³⁸ Akan tetapi, ketika para petani hena ngenah anakni, tian cawa diantara tian diwik, 'Ia jadodo ahli waris, ho ram bunuh ia hik rampok warisanni.' ³⁹ Lalu, tian ngedacokko anak jelma kedau kebun hena, mbetakkoni guk luah kebun anggur, hik ngebunuhni. ⁴⁰ Karena hena, ketika pemilik anggur hena ratong, lani se akan dilakuko guk petani-petani hena?" ⁴¹ Tian cawa guk-Ia, "Ia akan membinasako jelma-jelma jahat hena dengan jahat benor, hik akan nyewako kebun anggurni guk petani-petani barih, se akan nyerahko guk ia buah-buah pas musimni." ⁴² Yesus cawa guk tian, "Apikah niku at pernah ngebaca lom Kitab Suci: 'Batu se ditolak oleh tukang-tukang bangunan kok menjadi batu penjuru. Hal henji terjadi jak pihak Tuhan, hik hal henji ajaib di mata ram'? ⁴³ Karena hena, Nyak ngumung guk niku, Kerajaan Allah akan diakuk jak niku hik akan diejukko guk jelma-jelma se menghasilko buah jak ia. ⁴⁴ Hik, sapa se tiak guk lambung batu henji akan dipecohko berkeping-keping; hik sapa pun se ditimpa batu henji akan remuk." ⁴⁵ Ketika imam-imam kepala hik jelma-jelma Farisi nengis perumpamaan-perumpamaan-Ni, tian mengerti bahwa Yesus lagi ngumung tentang tian. ⁴⁶ Akan tetapi, ketika tian berusaha untuk ngedacokko Yesus, tian rabai guk jelma lok karena jelma lok hena menganggap bahwa Yesus jadodo nabi.