¹ Ketika Yesus ngeraduko umungan-umungan henji, Ia berangkat jak Galilea hik hantok di wilayah Yudea, di seberang sungai Yordan. ² Hik, kerumunan balak jelma lok ngesoki-Ia, hik Ia nyenangko tian di disan. ³ Pira jelma Farisi ratong guk Yesus untuk mencobai Ia hik ngulih, "Apikah dibenorko bagi bakas untuk menceraiko kahjongni dengan berbagai alasan?" ⁴ Lalu, Yesus ngejawab hik cawa, "Atkah niku ngebaca bahwa Ia, se menciptako tian sejak awal, menjadiko tian bakas hik bai, ⁵ hik Ia berfirman, 'Karena hena, bakas harus ninggalko bak kantik umakni, hik jadi sai kantik kahjongni, hik tian hua akan jadi sai badan'? ⁶ Jadi, tian ayin lagu hua, melainko sai badan. Karena hena, lani se kok dipersatuko Allah, manusia at hiju memisahkoni." ⁷ Tian cawa guk Yesus, "Lalu, ngapi Musa memerintahko untuk ngejuki surat cerai hik menceraiko kahjong? ⁸ Yesus cawa guk tian, "Karena kekerasan hatimu, Musa mengizinko niku menceraiko kahjongmu. Akan tetapi, pada awalni atdo jukna. ⁹ Hik, Nyak ngumungko guk niku bahwa sapa se menceraiko kahjongni, kecuali karena zina, lalu ngahjong kantik bai barih, ia berzina." ¹⁰ Murid-murid cawa guk-Ia, "Aman nawak henji halni ragah kantik bai-baini, lebih helau at ngahjong." ¹¹ Namun, Yesus cawa guk tian, "At unyin jelma pandai menerima umungan henji, kecuali tian se dikaruniai. ¹² Sebab, wat jelma se at ngahjong karena memang lahir jukna jak rahim umakni, hik wat jelma se at ngahjong karna dimandulko oleh jelma barih, hik wat minih jelmabarih se memandulko dirini diwik demi Kerajaan Surga. Barangsiapa pandai menerima hal henji, gandodo ia menerimani." Yesus hik Sanak-Sanak Renik ¹³ Kemudian, pira sanak renik diusung guk-Ia supaya Ia pandai ngepikko culuk-Ni lambung sanak-sanak hena hik ngedoako tian. Akan tetapi, murid-murid menegur jelma-jelma hena. ¹⁴ Namun, Yesus cawa, "Gandodo sanak-sanak renik hena. Ikindo menghalangi tian ratong guk-Nyak sebab kerajaan Surga jadodo duni jelma-jelma se nawak sanak-sanak renik henji." ¹⁵ Seradu Yesus ngepikko culuk-Ni lambung sanak-sanak hena, Ia lijung jak disan. Jikpa ngedaccoko Hurik Kekal? ¹⁶ Kemudian, ratongdo sai jelma guk YEsus hik ngulih, "Guru, hal helau lani se harus nyak lakuko supaya ngedacokko hurik se kekal?" ¹⁷ Hik, Yesus cawa guk jelma hena, "Ngapi niku ngulih guk-Nyak tentang lani se helau? Kah wat Sai se helau. Namun, aman niku kuruk guk lom hurik, taatido perintah-perintah hena." ¹⁸ Jelma hena ngulih guk Yesus, "Perintah se hipa?" 'Jawab yesus, "IKin membunuh, ikin berzinah, ikin maling, ikin ngejuki kesaksian palsu, ¹⁹ hormatido bakmu hik umakmu, hik kasihido sesamamu manusia nawak dirimu diwik." ²⁰ Jelma ngura hena cawa guk-Ia, "Unyin hal hena radu kutaati, lani lagi se masih kurang?" ²¹ Yesus cawa guk ia,"Aman niku haga sempurna, lijung hik jualdo unyin se niku miliki. Lalu, ejukkedo guk jelma miskin, hik niku akan miliki harta di surga, hik ho sokdo Nyak." ²² Namun, ketika jelma ngura hena nengis pernyataan henji, ia lijung dengan sedih sebab ia kaya benor. ²³ Lalu, Yesus cawa guj murid-murid-Ni, "NYak ngumungko se sebenorni guk niku, sara bagi jelma kayo untuk kuruk guk lom Kerajaan Surga. ²⁴ Sekali lagi, Nyak ngumungko guk niku bahwa lebih mudah bagi sai unta untuk ngeliui lubang jarum daripada jelma kayo kuruk guk lom Kerajaan Allah." ²⁵ Ketika para murid nengis umungan hena, tian menjadi terheran-heran benor, hik cawa "Aman jukna, sapa se pandai diselamatko?" ²⁶ Sambil ngenah tian, Yesus cawa, "Barong manusia, hal henji mustahil, tetapi barong Allah, unyin hal hena mungkin." ²⁷ Kemudian, Petrus cawa guk-Ia, "Enah, hikam radu ninggalko unyinni hik ngesoki Gusi. Jadi, lani se akan hikam terima?" ²⁸ Hik, Yesus cawa guk tian, "Nyak ngumungko se sebenorni guk niku bahwa niku, se ngesoki Nyak lom dunia bahyu, ketika Anak Manusia mejong di tahta kebalakan-Ni, niku akan mejong munih dilambung hua belas takhta untuk ngirim kehua belas suku Israel. ²⁹ Hik, setiap jelma se radu ninggalko mahan, puari bakas, puari bai, bak, umak, sanak-sanak, atau humani karena gelar-Ku akan nerima seratus kali lipat hik akan mewarisi hurik se kekal. ³⁰ Akan tetapi, lok jelma se pertamo akan menjadi se terakhir, hik se terakhir akan menjadi se pertamo."