¹ Kemudian, jelma-jelma Farisi hik Saduki ratong untuk mencobai Yesus. Tian kilu agar Yesus memperhatiko guk tian suatu tanda jak surga. ² Akan tetapi, jawab Yesus, "Saat menjelang manom, niku cawa, 'Cuaca cerah karena langit abang.' ³ Hik, pas pagi hari, 'Biansa akan wat angin kencang karena langit abang hik manom.' Niku pandai jikpa membedako rupa langit, tetapi at mampu ngebedako tanda-tanda zaman. ⁴ Suatu generasi se jahat hik pezina henji menuntut sai tanda, tetapi sai tanda pun at akan di ejukko guk ia, kecuali tanda Nabi Yunus. "Lalu, Ia ninggalko tian hik lijung. Penjelasan tentang Ragi Jelma Farisi hik Saduki ⁵ Ketika murid-murid hantok di seberang danau, tian lupa ngusung roti. ⁶ Hik, Yesus cawa guk tian, "Perhatikedo hik waspadado terhadap ragi jelma-jelma Farisi hik para Saduki." ⁷ Hik, tian mulai ngumungko hal hena diantara tian diwik hik cawa, "Henji karena ram at ngusung roti." ⁸ Akan tetapi, Yesus pandai hal henji hik cawa, "Hai, jelma se kurang iman, ngapi niku ngumungko diantaramu diwik tentang atmik roti? ⁹ Apikah niku masing kung ngerti hik at ingok munih akan lima roti untuk lima ribu jelma, hik pira lok keranjang sisa se niku kumpulko? ¹⁰ Atau, tujuh roti untuk epak ribu jelma, hik pira lok keranjang sisani se niku kumpulko? ¹¹ Jikpakah niku at neduh bahwa Nyak at lagi ngumung guk niku tentang roti? Akan tetapi, waspadado ragi jelma-jelma Farisi hik para Saduki." ¹² Kemudian, tian mengerti bahwa Ia at ngumungko untuk waspada terhadap ragi roti, tetapi terhadap ajaran jelma-jelma Farisi hik para Saduki. Yesus jadodo Mesias ¹³ Ketika Yesus hantok di daerah Kaisarea Filipi, Ia ngulih guk murid-murid-Ni, "Menurut umungan jelma, siapakah Anak Manusia hena?" ¹⁴ Tian ngejawab, "Pira jelma ngumungko Yohanes Pembaptis, se barih ngumungko Elia, hik se barih ngumungko Yeremia, atau salah sai jak para nabi." ¹⁵ Lalu, Yesus ngulih guk tian, "Akan tetapi, menurutmu, sapakah Nyak sa?" ¹⁶ Simon Petrus ngejawab, "Gusi jadodo Mesias, Anak Allah se hurik!" ¹⁷ Yesus cawa guk ia, "Diberkatido niku, simon anak Yunus, sebab ayin daging hik darah se menyatako henji guk niku, melainko Bapa-Ku se disurga. ¹⁸ Hik, nyak juga ngumungko guk niku bahwa niku jadodo Petrus. Hik, di lambung batu henji, Nyaj akan ngebangun jemaat-Ku hik gerbang-gerbang Hades at akan menguasaini. ¹⁹ Nyak akan ngejuki niku kunci-kunci kerajaan Surga. Hik, lani saja se niku karuk di bumi akan pacul di surga." ²⁰ Lalu, Yesus memperingatko murid-murid supaya at nyawako guk sapa-sapa bahwa Ia Mesias. Yesus Nyawako tentang Kematian-Ni ²¹ Sejak saat hena, Yesus mulai menunjukko guk murid-murid-Ni bahwa Ia harus lapah guk Yerusalem hik menderita lok hal jak para tua-tua, imam-imam kepala, maupun ahli-ahli Taurat, lalau dibunuh hik dibangkitko pada hari ketelu. ²² Kemudian, Petrus menarik Yesus guk samping, menegur-Ni, hik cawa, "Tuhan, kirani Allah ngejauhko hal hena jak Gusi! Hal henji at akan pernah terjadi pada-Mu." ²³ Akan tetapi, Yesus berbalik hik cawa guk Petrus, "Enyahdo jak hadapan-Ku, hai Iblis! Niku jadodo batu sandungan bagI-Nyak sebab niku at menetapko pikiranmu pada hal-hal jak Allah, melainko hal jak manusia." ²⁴ Kemudian Yesus cawa guk murid-murid-Ni, "Aman wat se haga ngesoki Nyak, ia harus menyangkal dirini diwik, memikul salibni, hik ngesoki Nyak. ²⁵ Karena sapa se haga menyelamatko nyawani akan kelebonan nyawani. Akan tetapi, sapa se kelebonan nyawani karena Nyak, ia akan ngedacokkeni. ²⁶ Lani untungni aman sai jelma ngedacokko unyin dunia, tetapi kelebonan nyawani? Atau, lani se pandai sai jelma ejukko sebagai balin nyawani? ²⁷ Sebab, Anak Manusia akan ratong lom kemuliaan Bapa-Ni barong kantik para malaikat-Ni hik kemuliaan akan ngebalos setiap jelma menurut perbuatanni. ²⁸ Nyak ngumungko se sebenorni guk niku, wat pira jelma se tegak di dija se at akan mengalami kematian hantok tian ngenah Anak Manusia ratong lom kerajaan-Ni."