¹ Hik, Yesus ngeharuh kehua belas murid-Ni hik ngejuki tian kuasa atas roh-roh najis untuk mengusir roh-roh hena hik untuk nyenangko unyin macam penyakik maupun unyin macam kesakikan. ² Henjido gelar-gelar kehua belas rasul hena: se pertamo, Simon se disebut Petrus, hik Andreas puarini, hik Yakobus anak Zebedeus, hik YOhanes puarini, ³ Filipus, hik Bartolomeus, Tomas, hik Matius si pengumpul pajak, Yakobus anak Alfeus, hik Tadeus, ⁴ Simon jelma Zelot, hik Yudas Iskariot se menghianati Yesus. ⁵ Yesus mengutus kehua belas rasul hena hik memerintahko tian, "Ikin lapah guk ngeraya bangsa-bangsa barih atau kuruk guk lom kota jelma Samaria, ⁶ melainko lapahdo guk domba-domba se tersesat jak antara umat Israel. ⁷ Hik, selamo niku lapah, beritakedo dengan cawa,'Kerajaan Surga kok rikdik.' ⁸ Senangkedo se sakik, hurikkedo se mati, tahirkedo se kusta, hik usirdo roh-roh jahat. Niku nerima dengan cuma-cuma, ejukido dengan cuma-cuma. ⁹ Ikin niku ngusung emas, atau perak, atau tembaga lom ikat pinggangmu, ¹⁰ atau tas untuk perjalanan, atau hua helai baju, atau sandal, atau tongkat sebab sai pekerja pantas untuk nganikni. ¹¹ Hik, dikota atau ditiuh dipa pun se niku kuruki, selidikido sapa se layak di lomni hik lekokdo didisan hantok niku berangkat. ¹² Ketika niku nguruki mahan hena, ejukido salam. ¹³ Hik, aman mahan hena layak, gandodo damai sejahteramu debah dilambungni, gandodo damaimu muloh luwot guk niku. ¹⁴ Hik, sapa pun se at nerima niku atau at haga nengis umunganmu, ketika niku luah jak mahan atau kota hena, kebaskedo debu cukutmu. ¹⁵ Nyak ngumungko se sebenorni guk niku bahwa pas hari penghakiman, tanoh Sodom hik Gomora akan lebih pandai menanggungni daripada kota hena." Kesulitan-Kesulitan se akan dihadapi para Murid ¹⁶ "Enah, Nyak mengutus nuku nawak domba guk tengah-tengah serigala. Karena hena, jadido cerdik nawak ulai hik tulus nawak merpati. ¹⁷ Akan tetapi, berhati-hatido terhadap jelma karena tian akan menyerahko niku guk Sanhedrin hik akan mencambukmu di sinagoge-sinagoge tian. ¹⁸ Hik, niku akan diusung guk hadapan para penguasa hik para raja demi Nyak, sebagai kesaksian untuk tian hik untuk bangsa-bangsa barih. ¹⁹ Namun, ketika tian menyerahko niku, ikin khawatir tentang jikpa atau lani se niku cawako karena saat hena juga akan diejukko guk niku lani se harus niku cawako. ²⁰ Sebab, ayin niku se ngumung, tetapi hena jadodo Roh Bapamu se ngumung di lom niku. ²¹ Puari akan nyerahko puarini guk kematian, hik bak terhadap anakni. Hik, sanak-sanak akan ngelawan para jelma taha hik ngebunuh tian. ²² Niku akan dibenci oleh unyinni karena gelar-Ku, tetapi jelma se bertahan hantok akhir akan diselamatko. ²³ Ketika tian menganiaya niku lom sai kota, lijungdo guk kota se barih. Nyak ngumungko se sebenorni guk niku bahwa niku at akan radu ngeliui kota-kota Israel hantik Anak Manusia ratong. ²⁴ Murid at melebihi guruni, demikian munih hamba at melebihi tuanni. ²⁵ Genokdo aman murid jadi nawak guruni, hik hamba jadi nawak tuanni. aman tian nyebut tuan mahan hena Beelzebul, lebih buruk lagi guk anggota keluargani." Rabaido guk Allah Ayin guk Manusia ²⁶ "Karena hena, ikin niku rabai terhadap tian sebab atmik lani pun se at akan diungkap, atau se tersembunyi se at akan diketahui. ²⁷ Lani se Nyak cawako guk niku lom kemanoman, cawakedo hena lom terang. Hik, lani se niku tengis dibisikko di cupingmu, beritakedo di lambung hatok mahan. ²⁸ Ikin rabai guk tian se matiko badan, tetapi at pandai matiko jiwa, melainko terlebih rabaido guk Ia se pandai memusnako jiwa maupun badan di neraka. ²⁹ Ayinni hua manuk pipit dijual untuk sai duit? Hik, atmik sai pun jak tian akan tiak guk tanoh diluah kehendak Bapamu. ³⁰ Bahkan, buok di hulumu unyinni tehitung. ³¹ Karena hena, ikin rabai, niku lebih bernilai daripada lok manuk pipit." Mengaku Yesus di hadopan Jelma Barih ³² "Jadi, setiap jelma se mengaku Nyak di hadopan manusia, Nyak akan mengakuini munih dihadopan Bapa-ku se wat disurga. ³³ Akan tetapi, sapa se menyangkal Nyak di hadopan manusia, Nyak akan menyangkalni munih di hadopan Bapa-ku se wat disurga." Tujuan Keratongan Yesus ³⁴ "Ikin berpikir bahwa Nyak ratong untuk ngusung perdamaian di bumi. Nyak ratong ayin untuk ngusung perdamain, melainko pedang. ³⁵ Sebab, Nyak ratong untuk memisahko bakas-bakas jak bakni, anak bai jak umakni, menantu bai jak umak mentahani, ³⁶ hik musuh sai jelma jadodo anggota keluargani. ³⁷ Sapa se lebih mengasihi bak atau umakni daripada Nyak, at layak bahi-Ku. Hik, sapa se lebih mengasihi anak bakas atau anak bai ni daripada Nyak, at layak bagi-Nyak. ³⁸ Hik, sapa se at memikul salibni hik ngesoki Nyak, at layak bagi-Ku. ³⁹ Sapa se mempertahanko nyawani akan kelebonan nyawani, hik sapa se kelebonan nyawani demi Nyak akan ngedacokkeni." Upah jak Allah ⁴⁰ "Sapa se menerima niku, nerima nyak. Hik, sapa se menerima Nyak, menerima Ia se mengutus Nyak. ⁴¹ Sapa se menerima nabi lom gelar nabi akan nerima upah nabi. Hik, sapa se menerima jelma benor lom gelar jelma benor akan nerima upah jelma benor. ⁴² Hik, sapa se ngejuki nginum guk salah sai jak jelma-jelma se renik henji meskipun kah secangkir wai ngison lom gelar sai murid, Nyak ngumungko se sebenorni guk niku, ia at akan kelebonan upahni."