¹ A Yesu kiyaddi i ki ’bo kata, a laŋaddi i nu pele na tör na Galilaya, a ’dure kanyit köji. ² Nyena a kulye ŋutu jakiŋdye lepeŋ ŋuto lo bata logon mugun a twan lo rogga kak kanyit i dotoet, a na meddi Yesu yupet nase nu, a nye kulyani ko ŋuto lo bata lo adi, ŋuro liŋ, togo ’yi toili, toronjin kunok aje pitöki. ³ Mete, a kulye katodinok ti Saresi ti Mose tokulyaki ko ’borik adi, Lo ŋuto lauŋdya Ŋun. ⁴ A Yesu iŋge den yeyeesi kase, a pije adi, Nyo ta yeyeju ŋo narok kasu i töilyet? ⁵ Kogwon nan nagon pölilyö, i takiŋdya adi, Toronjin kunok aje pitöki, kode i takiŋdya adi, ŋine ki ko woroni wörö? ⁶ Ama anyen ta böŋo deden adi nan ŋuro lo ŋuto gwon ko riŋit i kak ni i pitokiŋdyö na toronjin nyena a nye takiŋdye ŋuto logon a bata lo adi ŋine ki, ’dumuŋdye dotoet inot, ko iti mede. ⁷ nye ŋine ki, a iti mede. ⁸ A na meddi lodir lo ŋutu nu, a se iŋge kujono, a se pupurje Ŋun logon aje tiŋdu ŋina kido i ŋutu lo. ⁹ A na Iwoŋoddi Yesu ŋerot nu. a nye meddi lele ŋuto luŋu a Matayo, si ’da i kadi ropet na usur, a nye takiŋdye lepeŋ adi, Kipuŋdye nan. A lepeŋ ŋine ki a kepoddi Yesu. ¹⁰ A nagon Yesu gwon kadi i nyesu nu, mete, a ŋutu jore logon a kapepenak ti usur se ko ŋutu katoronyak lo poŋdi, a si ’dakine kak i pirit na geleŋ ko Yesu se ko ŋutu kanyit kajujumuk. ¹¹ A Parusijin ko meddi, a se pije ŋutu kanyit kajujumuk adi, Ko nyo katodinonit losu nyesu i pirit na geleŋ ko kapepenak ti usur se ko katoronyak? ¹² Ama a na yiŋge Yesu kine kulya nu, a nye kulyani adi, Ŋutu logon mugunya kase a na ’but ti ’dekan katoruonit, ama ŋutu lo ŋilo lo ’dekan katoruonit. ¹³ Iti ta, ko denuŋdye ta kaŋoko kilo kulyaesi kweja nyo, adi, Ŋun ’de ’dekan won na konyen ti gwon i tiŋdu na rubaŋgajin. Kogwon nan a ko po i luŋgu na ŋutu logon ko Loti lo rigwo, ama i luŋgu na katoronyak. ¹⁴ Nyena a ŋutu ti Yoane kajujumuk poŋdi ko Yesu ni, a pije adi, Ko nyo nagon yi ko Parusijin mimiŋdya daŋin jore, ama kulok kulo kajujumuk ti miŋdya? ¹⁵ A Yesu pije lepeŋat adi, Julin ti kayemanit bubulo delya i diŋit nagon kayemanit gwon ko lepeŋat i pirit na geleŋ nu le? Ama diŋit mo popo nagon kayemanit mo joŋari kaŋo kase kiden, a kirut a lepeŋat mo miŋdye miŋdya. ¹⁶ Lele ŋuto ’bayin logon ripakiŋdya boŋgo ludukotyo i boŋgo na ’beron, kogwon rugga ludukotyo nagon a ripaki i boŋgo na ’beron na kerenyuŋdya kaŋo, a kolokiŋdye ret a nagalaŋ Iwolwoŋ na kokwe nu. ¹⁷ Koti binyo luduko na yuyu ti turaki i jurakan logon a gobero ŋoroko; ko a kona sona, a jurakan gobero mo pu ’doni pu ’do adi tu, a binyo ’buköjine kak, a jurakon kakaŋi kakaŋu; ama binyo luduko kodyö turaki i jurakan ludukö, a se murek liŋ gwe ’bura. ¹⁸ A nagon Yesu nyuŋ jamakiŋdya lepeŋat kine kulya nu, mete, a lele duma lo kadi momoret lo poŋdi, a rugwuŋokine kak ko lepeŋ i komor, a kulyani adi, ŋuro nio pete twan; böŋö poŋdi ko sopakiŋdye konisi kulok ko lepeŋ loki, a nye de rune ru. ¹⁹ Nyena a Yesu ŋine ŋien, a kepoddi lepeŋ i pirit na geleŋ ko ŋutu kanyit kajujumuk kulo. ²⁰ Mete, a nene ŋuto nagon a ŋöŋga kowon na rima kanyit i mugun ko kiŋajin puök wot murek poŋdi kanyit i mukok, a ’bo ’yi kume lo boŋgo nanyit; ²¹ kogwon nye a kulya kanyit i töili adi, Ko nan tuŋ a ’bo ’yu boŋgo na lepeŋ. A nan de tokelani tokela. ²² a Yesu woriŋoni woriŋo, a meddi lepeŋ, a nye kulyani adi, Ŋuro nio, togo ’yi toili! Yupet inot aje tiŋdu do i kelan. A ŋuto na iŋge tokela i ŋinu diŋit gwak. ²³ A Yesu ko luponi ko ŋilo duma kadi, a nye meddi kakutak ti kili ’bajin se ko ŋutu jore wowoŋon, ²⁴ a nye kulyani adi, Iŋgo ta, luponi ta kaŋo, kogwon ŋuro na a ko twan, ama dodoto. A se kweni ’e kwenie lepeŋ ’do ’doju. ²⁵ Ama a nagon ŋutu liŋ aje riköji kaŋo nu, a nye luponi lukata a morgi ŋuro na i konin, a ŋuro ŋine ki. ²⁶ A lore lo kine kulya reara i lu Jur liŋ. ²⁷ A na Iwoŋoddi Yesu kaŋo nu, a ŋutu murek logon a mo ’dokeno kepoddi lepeŋ, luluŋgu parik adi, Do ŋuro lo Dawidi, wone konyen koyi. ²⁸ A nye ko luponi kadi, a ŋutu logon a mo ’dokeno kulo poŋdi kanyit ni, a Yesu pije se adi, Ta a yuŋ adi nan bubulo koŋdya na ŋo? A se waddi adi, Jye, pon matat. ²⁹ a kirut nye ’bo ’yi konyen kase, a kulyani adi, Ti konakine ta gwoso na yubbe ta na. ³⁰ a konyen kase ŋaji ŋaju. A Yesu iŋge kukuju se parik adi, Meddi ta ’bura an lele ŋuto deden kine kulya. ³¹ Ama a se iti tu, a kölumbö torekiŋdye lore i lu jur liŋ i kulya ti lepeŋ. ³² A na tiri se kaŋo nu, mete, a ŋuto logon ko mulökötyo loron logon tiŋdu lepeŋ gwon a mumut lo jakine lepeŋ. ³³ A nagon mulökötyo loron aje riköji kaŋo nu, a ŋuto logon a mumut lo jambi jambu. A lodir lo ŋutu soŋi soŋu kulya adi, Nene ŋo gwoso na koju a ko meta i Yisaraele kwoŋ. ³⁴ Ama a Parusijin kulyani adi, Lepeŋ rikoddu mulökö lorok kaŋo ko riŋit na duma lo muloko lorok. ³⁵ A Yesu worojine i köjino liŋ ko i turon liŋ, totodinoddu kase i kadijik momoresi. ko totokuoddu Loŋe Lo ’but lo Tumatyan, ko totokeladdu ŋutu i twana liŋ ka ’de ka ’de ko i gilosi liŋ. ³⁶ A Yesu ko meddi lodir lo ŋutu a nye wone konyen ko se, kogwon se gwon gwosoyidin nagon ’bak kayukunit, a iŋge yo yoŋo a reki abur. ³⁷ a kirut nye kulyani ko ŋutu kanyit kajujumuk kulo adi, Kinyojin aje yoŋe parik, ama kaŋerak ku ’dik, ³⁸ Nyena mo ’yi ta Monye melesen anyen soŋdu kulye kaŋerak kanyit i melesen.