¹ A Yesu kö ’yi Kadi na Ŋun, a nagon nye suluje tu nu, a ŋutu kanyit kajujumuk poŋdi po a kwekiŋdye lepeŋ kadijik ti Kadi na Ŋun. ² A nye waddi pija adi, Ta memet kine ŋo liŋ le? ’Diri nan takiŋdya ta adi, ŋurupit nene geleŋ molu ti kölöki ni i nene loki nagon mo ti gubaki kak. ³ A na si ’dari Yesu i Mere lo Jeitun nu, a ŋutu kanyit kajujumuk poŋdi i pija na lepeŋ na gwoŋdi se ka ’de nu, adi. Taki yi diŋit nagon kine po mo kokonari, köti kweyet mo a nyo i po inot ko i ’dutet na na kak? ⁴ A Yesu waddi lepeŋat adi, Kunyar ta, an lele ŋuto tugir ta. ⁵ Kogwon ŋutu jore mo popo geleŋ geleŋ i karin kwe, a kulyani adi, Nan a Masia, a se mo tugiŋe ŋutu jore. ⁶ A ta molu yidgi kulya moro, ko lodokonti moro, nyena meddi ta bure ban ta ko kuyono ta kogwon kine do agu kodo kokona, ama dutet ny bak. ⁷ kogwon jur molu momoro ko lele jur a tumatyan molu moroni ko ne tumatyan a dyada se ko rigigilon molu gwe I piriton kade kade. ⁸ kado lid a konesi suluesi ⁹ A ŋutu mo tiŋdi ta i topopa ko i tatua, a ŋutu ti jurön liŋ mo mane man ta kogwon karin kwe. ¹⁰ A ŋutu jore mo kukutörö bot, a mo tupöki ko ’börik anyen tatatua, ko a tumane tuman ko ’börik. ¹¹ A nebijin ’burönök mo puku pukun a mo togiŋe ŋutu jore. ¹² A nyaŋu na ŋutu lojore mo worani pötö kogwon toronjin a ŋdi. ¹³ Ama ŋuto logon a poŋga tojo ko ’dutet lo mo lwölwökö. ¹⁴ A lo Loŋe Lo ’but lo Tumatyan mo totokuöjine i kak ’bukuluŋ anyen tokurukiŋdyö kine kulya i ŋutu liŋ ti jurön, a kirut ’dutet mo na poŋdi. ¹⁵ Nyenagon ko ta a met po na mamana parik nagon köŋu keri, nagon nebi Daniele köju a jambu kulya kanyit, gwogwo ’dan i pirit nake na rurwan nu (ti ŋuto logon kekeŋdya lo kuru kurun), ¹⁶ a kirut ti ŋutu lo gwon Yudaya kulo wöki i merya; ¹⁷ ti ŋuto lo gwon i lo ’dek lo kadi lo gwe ti kiyuŋdya kak i ’dumaddu na po nagon kanyit kadi kune; ¹⁸ ko ti ŋuto lo gwon i melesen lo gwe ti yitwe i ’dumaddu na boŋgo nanyit. ¹⁹ Ama gwon a delya i ŋutu na gwon ko pelela, ko i se na tutunöggu i kilu perok! ²⁰ Momo ’yi ta anyen wökön nasu böŋö gwon ti gwon i diŋit na katirut kode i Sabata. ²¹ Kogwon mo gwon a poŋga duma parik, gwoso nagon ’beron a ko gwoŋdi na suluja i suluwa na kak tojo ko na diŋit, a molu tine pokin köti kwöŋ. ²² a ko ködyö kilu perok a ko nyökwe kak, a ŋuto ködyö gwe ’bayin lo lwölwökö, ama kilu perok nyökwe kak kogwon kulya ti ŋutu kanyit lo wulwe. ²³ Nyana a ko lele duto kulya ko ta I nu didit adi Nyena a ko lele ŋuto kulya ko ta i ŋinu diŋit adi, Meddi ta, Masia malo! kode adi, Nye malu! an ta ko yuŋ ta po na jam lepeŋ kine. ²⁴ Kogwon Masiajin ’burönök ko nebijin ’burönök mo pupukun, a mo kweji kweyesi temejik ko po sörösi, anyen tugiŋa ma ’di ŋutu lo wulwe, ko bubulö. ²⁵ Mete ta, nan aje tukökin ta a kokwe nagon kine po a ko nyuŋ pokin nu. ²⁶ Nyenagon ko ŋutu mo kulya ko ta adi, Mete ta, lepeŋ lu mu ’diŋ, an ta ko tu ta kaŋo; a ko se mo kulya adi, Mete ta, lepeŋ lu i toŋkwet, an ta ko yuŋ ta. ²⁷ Kogwon gwoso na meme ’dekuŋdye kipya lo ki suluja i swöt lo ’yure a meme ’dekara i swöt lo tokotyaŋ nu, a po nio na Ŋuro lo ŋuto mo gwe sona. ²⁸ Ko ’burwo mo gwon ya, a logulusen mo momoraddi nyu. ²⁹ A dede I mukok na kulu perok dodesi a ko molu musoni musa a yop molu gwe a pararaju a kaser kiyu molu dodone a ri diton ti ki molu yeyeti yeyeta ³⁰ A kirut kweyet nio na Ŋuro lo ŋuto mo na puku ki yu, a kötumitön liŋ ti kak mo gwine gwien jojogga kidoni kase, a se mo meddi nan Ŋuro lo ŋuto popo i ’dikolo ko riŋit se ko minyo duma parik. ³¹ A nan mo soŋdi malaikajin kwe i kuddya na tore parik, a se mo momoruŋdye ŋutu kwe lo wulwe i swötön iŋwan ti kak, suluja i ’dutet na kak tojo i nene ’dutet. ³² Denuŋdye ta lilim lo ködini lo ki ’bi adi, ’de ’de nagon kenia kanyit wile wilan a koropo nu, a ta dene den adi kiser gwe nyona. ³³ Nyena köti, na meddi ta kine ŋo liŋ nu, a ta deŋdi adi nan gwe nyona ko po, ’diri nan gwe i kötumit. ³⁴ Diri nan takiŋdya ta adi, ŋutu ti na toberon mo ti ’duddyö tojo ko kine ŋo liŋ mo a kona. ³⁵ Ki ko kak mo ’du ’duddyö, ama kulyaesi kwe mo ti ’duddyö kwöŋ. ³⁶ Lele duto a denda lu lor ko nu didit madi malaikajin ti ki ,bak ko den a kade Baba lo deneda ³⁷ Nyena po nio na Ŋuro lo ŋuto mo gwon gwoso perok ti Noa köju kulu. ³⁸ Kogwon i kulu perok i ŋerot nagon bar a ko nyuŋ po nu, ŋutu nyenyesu ko mömoju, lepeŋat yeyemba ko yeyema, tojo ko lor logon Nija lupöri i ki ’bo kata lu, ³⁹ ama a lepeŋat gwe a ko den tojo bar a po a iŋge ’dokoro se liŋ, köti a po nio na Ŋuro lo ŋuto mo gwe sona. ⁴⁰ I nu didit a dutu mure molu gwe I melesin lele molu dudumaji, a lele molu kolokini koloki. ⁴¹ dutu wate murek molu gwe I jijo I kijo nene molu dudumaji a nene molu kolokini koloki. ⁴² Nyenaagon gwe ta ko kuwen da kogwon taa denda le logon nan matat losu popondi ⁴³ Ta deden ’bura adi, ko monye kadi ködyö a den i nan diŋit na tukwaje kolanit pöpö, a nye ködyö aje tiju, a nye ködyö tine kölökin kadi nanyit i turöji lukata. ⁴⁴ Nyenagön ta köti ködyö gwon ajo, kogwon nan ŋuro lo ŋuto mo popo i diŋit nagon ta a ko yeŋdi nan i po nu. ⁴⁵ Taki ta nan, köliŋönit lo yiyiniki i kita ko a lokoŋ a ŋa, logon duma lonyit a sarakiŋdya i meddya na mede nanyit, i korakiŋdya na köliŋönök kinyo i diŋitan na ’but? ⁴⁶ Köliŋönit gwoso ŋilo a kalyoŋi, logon ko duma lonyit a ’dur a ko ryeji nye i koŋdya na kita nanyit. ⁴⁷ ’Diri nan takiŋdya ta adi, nye mo sarakiŋdya lepeŋ i meddya na ŋo kanyit liŋ. ⁴⁸ Ama ko ŋilo köliŋönit loron a kulya kanyit i töili adi, Duma liŋ a karakin diŋit a najo, ⁴⁹ a nye suluje ’biddyö köliŋönök logön kita ko lepeŋ i pirit na geleŋ kulo, a nyesi nyesu, a möji möju i pirit na geleŋ ko kamerak, ⁵⁰ a duma lo ŋilu köliŋönit mo ’dure i lor logon nye a ko yinikin lepeŋ i po lu, ko i diŋit nagon nye a ko denun, ⁵¹ a mo totoggi lepeŋ ka ’de ka ’de, a mo tiŋdi lepeŋ i parundya na pirit na ŋutu kamumulukak. A ŋutu mo gwine gwien a mo pije kala nyu.