¹ Nan yuda kalipuonit lo yesu kristo ko a luŋaser yakobo, nan roman ko ŋutu logon a luŋu logon ŋun monye nyanyar kilo a gaju se ko yesu kristo i mugun. ² Nan roman ko ta adi, ti yatet, ko taliŋ, se ko nyarju gwe ko ta parik. ³ Julin kuwe lo nyanyara, nan gwon kata ko pusok i wurokindo na ta kulya ti lwoko nikaŋ nagon yi a ŋor na. ama nan a ryo adi nan kodo nyoŋa ‘de’de i wurokindo na ta anyen jujukinda ta i woro i jundo na kulya na yub yi kune, nagon ŋun a wukin ŋutu kayit daŋ geleŋ a’duret. ⁴ Kogwon kule ŋutu kata logon a’dumaddu ‘borik a lwon. Kilo ŋutu logon a twoju ŋun, ama a lopuggi tolien nikaŋ nagon ŋun logon ŋun a tikin yi kana na anyen se konda toron ka nagon a matat yesu kristo. Koju ‘beron se a wulokin i ‘duŋoki na yilo putet. ⁵ Ta koju a den kine kulya liŋ’bura ama tiyanana nan mindi toyiyikindo ta; matat aje lwokundo ŋutu ti yisaraele kaŋo i jur lo Ejipeto, ama i mukok a nye ke tukarju ŋutu logon ‘bak ko yubbo kulo. ⁶ Koti yeyeji ta malaikajin logon ‘bak yeŋon sida i tumatyan nagon a tiki se na, ama se a kolokin pirit gwiliŋit nase, ŋun a’delakin se i mude logon adi ‘dii a rereggi se ko toŋot lo yeŋ nyin, mondu lor duma logon ‘duŋokini se putet lu. ⁷ Koti yeyeji ta sodoma ko gomora se ko kojino na diŋo ko se kunu, nagon ŋutu kase a kita gwoso na kondi malaikajin na, a kondi tolup ko i kepoddu na ‘dekesi legelok nagon ‘bayin a ti mugunya, a se ŋoŋgi riŋet i kimaŋ na yeŋ nyin. Kulya kase a tiki a miret. ⁸ Nyena kilo ŋutu koyi gwon ko rudoyesi nagon tikinda se i toludda na ‘borik, ko a’bon sara, ko i launda na teŋ na malaikajin lo bubula. ⁹ Ma’di maikolo duma lo malaikajin ‘bak ko momoroju. I diŋit na moroni nye ko kaŋoonit, na rerenyani se i kulya ti opu na mose nu, lepeŋ ‘bak ko buya mugun i riŋga na kaŋoonit ko kulyaesi momoresi, kulumbo lepeŋ tuŋ kulya adi, ti matat riŋgi do. ¹⁰ Ama kilo ŋutu momoroju ŋo nagon se ‘bak ko kurun kune, ama tuŋ denda nase na ŋo gwon gwoso na gwoloŋgi kijakwa nagon ‘bak ko den kulya, a kine ŋo na tukarji se. ¹¹ Woidio koko! Se kepoddu kiko lo kaina, a kolokindi ‘borik i lyaŋan kogwon se mindi gurut gwoso na lyuŋgi Balam koju nu, a se renyani gwoso na renyani kora nu, a molu tatuani gwoso lepeŋ. ¹² Kilo ŋutu gwon gwoso lut nagon ‘yoyodda tan a gwondi ta i nyesu i pirit na geleŋ ko tojulin nasu nag won ko yesu i mugun na, se nyesu ko moju ko tuboŋon rurugga ‘borik geleŋ. Koko gwoso ‘dikolo na wukoji ko kobuŋot a kenye jonda kudu; koko gwoso kaden ti ‘butun logon a radan ludweki, koko a kaden logon a ‘dute kaŋo ko kukuri a twatwane twatwa. ¹³ Koko gwoso yulajin ti tor logon yayu ko riŋit anyen muggo yu na kuwe ko konesi kase narok. Koko gwoso kaser nagon woro abulondi nagon pirit nase gwon mude adi ‘dii a wuloki koko ŋupi ŋupi. ¹⁴ Kilo ŋutu a se logon Enoka toburyo lo nyakwerat ti Adama a keju koju i kulya kase adi, mete, matat molu popo ko malaikajin kayit loke alipan ti alipan. ¹⁵ Nye po i jonda na ŋutu liŋ i putet, ko i ‘duŋokindo na ŋutu liŋ logon a twoju lepeŋ kilo, kogwon konesi liŋ nagon ‘bayin a twoyesi nagon se a kon kune, se ko kulyaesi logon kilo ŋutu katoronyak logon a twoju lepeŋ kilo a jam arabat i kulya kayit kulo. ¹⁶ Kilo ŋutu a kiwiwinyak a lyoŋon i nene ŋo, koko woro i ‘dekesi kase narok, a jambi kulyaesi lobot logon a ŋo kana, a tobuddi kule ŋutu anyen se ryeju nene vo. ¹⁷ Ama ta julin kuwe lo nyanyara, yeyeji ta ŋo nagon lukekie ti matat likaŋ yesu kristo koju a jam kune. ¹⁸ Koko koju takinda ta adi, kule ŋutu logon a ka’da’datak molu pupunun i perok ti ‘dutet logon woro i ‘dekesi kase narok nagon ‘buyin a twoyesi ti ŋun. ¹⁹ Kilo a ŋutu logon jonda kulya ti korja. Koko gwon a ti mugun a gwe ‘bakan na mulokotyo loke. ²⁰ Ama ta julin kuwe lo nyanyara, gweyundi ta ‘borik ki i pipilet na yupet nasu nake parik; kwakwaddi ta i riŋit na mulokotyo loke. ²¹ Yeŋe ta i nyaret na ŋun, ko mondi ta yatet na matat likaŋ yesu kristo i tinda na ta tu na yeŋ nyin. ²² Wone ta kuwen ko ŋutu logon didiyayu i yupet kilo; ²³ Lwoki ta kule i jekunda na se kaŋo i kimaŋ; wone ta kuwen ko kule, ama kunyar ta, mane ta man madi boŋgo nagon a’yoyota ko lut nagon a ‘dekesi ti mugun. ²⁴ Ti bullet gwe ko ŋun geleŋ kalwokonit likaŋ, logon bubulo gaju ta i doro, a bubulo bulo tinda ta i gwodan ‘bakan na korit ko lyoŋon a duma i komoŋ nayit nagon a minyo. ²⁵ Ti bulet, ko tomoran, ko saret, ko kido, gwe ko lepeŋ kogwon kulya ti yesu kristo matat likaŋ, suluja akokuwe i diŋitan liŋ, ko i na diŋit, se ko i diŋit na popo ŋupi ŋupi, Amin.