¹ Ta ngwojik, twojji ta kongote kasu, kodo a na'but i konda tina ko Matat likang i mugun. ² Saret togeleng logwong rukoki ngiro ngo na'but i pirit nageleng lo kulya adi bule bu munyi se ko nguti, ³ anyen kulya konuk molu gwong 'bura a do molu si'dani si'da i na kak ko dingit najo. ⁴ Ta ko monye, ko'ben ta tomijo ngojik kasu ko'ben koko woworan. Ama wowji ta se ko jujuwesi na ponda ko Matat likang. ⁵ Ta 'dupi twojji ta ko monye kasu ti na kak ko kujon a ko bobondu. Kitakindi se ko toili geleng gwoso nagwon ta kodo kitakinda Kristo na. ⁶ Ko'ben ta kita anyen ko monye kasu memet anyen lelyengon. Ama kitani ta gwoso 'dupi ti Kristo i konda na 'deket na Ngun ko toiliyot kase ling. ⁷ Kitani ta ko lyongon gwoso nagwong ta kitakindi Matat likang , 'ban ngutu, ⁸ ta deden adi Matat molu ropakinda ngutu ling ngo na'but nagwong se a kon kune. ko'de se a 'dupi ko ngona a lui. ⁹ Ta ko monye kita, konakindi kakitak kasu gwoso nagwon ta kondiri 'borik. Koloki ta wongon se ko kulyaesi tokujonosi. Dene ta den adi ta ko se duma losu lo lu ki yu i kak na a meta. Lepeng a gwong a kanyunyumunit lo ngutu. ¹⁰ Kune gwe a kulya ti 'dutet adi gwe ta a loggo ko Matat likang i mugun. Togo'yi ta 'borik ko ringit nayit. ¹¹ Rokonita toro'bo ling ti Ngun logwon a moroyesi anyen ta bubulo gwo'dan go i mamalugga na ilo kangoonit. ¹² Kogwon yi 'ban moro ko merok logwong a ngutu, ama yi moro ko merok logwong a tengon ti muloko ti toron logwong ki yu i jur logwong meta. Kilo merok logwong a mataki ko a kasarak ko a ringiton lo jonda mudde i na kak kilo. ¹³ Nyena gwong moggi ta toro'bo ti Ngun ling logwong a moroyesi anyen ta bubulo ten'gu merok i lor loron lu a nagwon ta kere moro i ngo ling lu a ta gwede go. ¹⁴ Nyena gwong ta kodo gwodan go i torja na mukoko kasu ko kulya ti to'diri, ko a rukukindo loti lo gwogwo, a witi ga'yit lo kiddo ¹⁵ ko a sukindo longe lo'but ko taling a kamuka. ¹⁶ I kine ngo ling moggi ta yupet a 'bukku anyen ta bubulo gajju 'borik i te'ya na loya logwon a kimang ti ilo loron. ¹⁷ Moggi ta lwokit a ga'yit na kuwe, moggi ta kulyaet lo Ngun a bandu moriyet logwong mulokotyo a tikin ta lo. ¹⁸ Kwakwadi ta i dingitan ling, momo'yi ta momo'yu i ringit na mulokotyo lokye. Gwe ta ko kwen nga Ko'ben ta dadara kwakwasakinda na ngutu ling ti Ngun ¹⁹ 'Dok kwakwadu ta i kulya kuwe, anyen Ngun bongo tindu nan i jambu na kulyaesi na to'diri anyen nan pupuru i tinda na lwono ti longe lo'but i dena. ²⁰ Nan a luyokie lo ilo longe lo'but, ma'di nagwon a rereka ko tongot. Kwakwadi to anyen nan bongo tokujjo longe lo'but gwoso nagwong nan kodo totokujji na. ²¹ Tukiko, lungaser lo nyanyara ko a kakitaniti lo yiyiniki ko Matat likang i mugun lepeng molu tatakin ta kulya kuwe ling anyen t bongo deden ko nan gwong a da. ²² Ko ina kuwe nan aje sonyoro lepeng kasu ini, anyen ta bongo deden ko yi gwong a da ko anyen lepeng bong togo'yu toiliyot kasu. ²³ Ti Ngun Monye se ko Matat Yesu Kristo tindi lungasirik ling lo yubbo kilo taling ko nyarju se ko yuppet. ²⁴ Ti 'busan gwe ko ngutu ling logwong nyanyar Matat likang Yesu Kristo ko nyarju nagwong a 'dutdo na.