¹ Paulo, a luyokie lo Kristo Yesu kogwon mindu lo Ngun, i se ngutulu lokye ti Epeso, lo gwon ko yupet Kristo Yesu. ² Ti 'busan lo pwo ko Ngun Monye likang a ko i Matat Yesu Kristo gwe ko ta. ³ T Ngun nye lo gwon a Monye lo Matat likang Yesu Kristo purani pura, nye lo aje 'borija yi ko boriyesi ling ti mulokotyo i priritan ti ki ko Kristo mugun. ⁴ I dingit na gweya na kak na, Ngun a wolundo yi i komong na Kristo anyen yi gwon lokye, 'bakan na yuyuket kauit metet a koti ko nyaret. ⁵ Mini 'beron, Ngun a gelunda yi anyen yi towora a ngwajik kayit gwoso Yesu Kristo, ina gwoso mindi nanyit. ⁶ Lepeng a konda tina anyen yi purja tokelan na 'busan lo gwon lepeng a tinda yi lo nyanyara ko kana. ⁷ I rima ti Yesu Kristo yi pujo daka a ko pitot na torojin kang, gwoso ti tukworon na 'busan nanyit. ⁸ Lepeng a tomorakinda yi 'busan nanyit a ko tukwongon ling a ko denda. ⁹ Ko mindi nanyit Ngun a kwekinda yi ngo na lwongu, gwoso na tulyen'gu lepeng, a gwoso lepeng a konda i Kristo, ¹⁰ ko yeyet na adi i dingit na po pwo, lepeng midi tomorja ngo ling i prirt na geleng, ngo ling ti ki ko ti kak, i mukok na kwe geneng, ma'di Kristo. ¹¹ Yi aje wule ko aje gele 'beron a ngutu kayit ko Kristo i mugun kogwon yina a yeyet nayit na Ngun nagwon tokitaju ngo ling gwoso na mindi nye na. ¹² Lepeng mimindi adi ti yi logwon a ti kokuwe i yendu na Kristo i lwoggu na yi kulo kodo tinda minyo loyit i parara. ¹³ I Kristo, a ko do koti, i dingit do koju yin'ga kulyaet na to'diri, a ko longe na tulwokko, do yupp lepeng a do li lipuwo ko mulokotyo lokye, ¹⁴ nye lo gwon a ¹⁵ Ko yina kuwe, na yin'gi nan yubbo nasu na Matat Yesu se ko nyarju nasu na ngutu ling ti ngun nu, ¹⁶ Nan 'ba ko jaran tikinda Ngun tinate kogwon kulya kasu i 'dinda na ta kuwe i kwasesi. ¹⁷ Nan kwaddu Monye lo bubula logon a Ngun lo Matat likang Yesu Kristo, anyen nye tikinda ta kwongon na pwo ki nagwon pekinda ta i denda na lepeng. ¹⁸ I kwakwadu adi ti toilyet kasu gwe ko parara anyen to bongo deden ko lepeng lu'ngu ta i yendu na nyo 'dok a ta bongo deden ko tukworon na ngo na bubula nagon nye titin ta i ngarju se ko ngutu kanyit kune a nyo. ¹⁹ Anyen ta bongo deden todumala na ringit nanyit nagon kikita kang i mugunya yi logwon lo yubbo kilo, ngina ringit duma jojo ko ringit duma parik. ²⁰ nagon nye a tongiji Kristo i twan na a tosi'dakindi kayit i konin lutaten ki yu i kak nagon a meta. ²¹ anyen gwon a duma lo kasarak ling ko lkidojin ling, ko lo ringiton ling, ko lo tumatian ling. karen kanyit a duma lwlwong karen ling logwon a 'dinya a gwon i na dingit ka'de ama i dingit na popwo molulu ²² Ngun a tikinda lepeng i rokakinda ngo ling kak a nye tikindi lepeng a kuwe lo kenisa i ngo ling. ²³ Kenisa a mugun na Kristo na pekinda lepeng ling, nye logwon tojore'yu ngo ling ti ki ko kak ko mugun nayit ling.