¹ A i mukök na perok mukanat, a Anania koane duma ko kulye temejik se ko lele kajamanit karin kanyit a Tertulo ko ’duje yu, a se jamakiŋdye putet lose i kulya ti Paulo ko mödir i komor. ² A Paulo ko luŋuni, a Tertulo suluje pökiŋdyö lepeŋ adi, Pon Pelise lo kukuka, tumatyan inot a tiŋdu yi si ’da ko taliŋ diŋit a najo, köti do a tiŋdu kulya ririki gwogwo i lo jur ³ i kikolin ka ’de ka ’de ko i piritön liŋ. Nyena yi a lyöŋön parik kogwon kine kulya. ⁴ Ama ti nan gwe ti tudaraju do, nyena nan mo ’yu do anyen do won konyen koyi i yiŋga na kulyaesi kaŋ ku ’dik. ⁵ Kogwon yi a ryö ŋilo ŋuto a twanti loron ko a katopiyunit lo kulya i kiden na Yudayaki liŋ i kak ’bukuluŋ, ko a kwe na kulya lo lapet na ŋutu ti Najareta. ⁶ Lepeŋ köti ’dek toluddya Kadi na Ŋun, ama yi a mok lepeŋ, anyen yi ködyö ’dupökiŋdyö kulya kanyit gwoso i saresi kaŋ. ⁷ Ama a Lusia liwa lo kamörök lo ’dure, a riŋuŋdye lepeŋ kaŋo kayaŋ i könisi ko riŋit a duma, ⁸ a saŋi adi ti ŋutu lo gwon ko kulya ko lepeŋ kulo poŋdi konut i komor. Ko do a pi ŋilo ŋuto, do ko mugun de bubulö denuŋdya kanyit po liŋ nagon yi gwon ko putet ko lepeŋ kune. ⁹ a Yudayaki köti juŋdye ŋilo putet a ruŋge adi kine kulya a gwak. ¹⁰ A mödir kirut kwetuŋdye Paulo anyen jajambu. A Paulo waddi adi, Nan deden adi do a gwon a ka ’duponit lo putet i lo jur ko kiŋajin jore, nyena nan gwon ko lyöpön i ruggö na kulya kwe. ¹¹ Ko ködyö do a pi ŋutu, do bubulö deŋdya adi ti gwon lwölwöŋ perok puök wot murek lo tiri nan Yerusalema i kwakwaddu nu. ¹² Kulo ŋutu a ko ryö nan i rerenya ko lele ŋuto, a gwe a ko ryö nan i topiju na lodir lo ŋutu i Kadi na Ŋun, kode i kadijik momoresi kase, kode i köji kata. ¹³ Köti se ti bulö kwekiŋdya do a gwak po nagon se soŋinana pökiŋdye nan kune. ¹⁴ Ama nan rurukökin do adi nan twötwö Ŋun lo merenyejin kaŋ i kebbu nio na lo Kiko logon se luŋ a koret lo, yuyuŋ po liŋ nagon kata i Saresi ti Mose se ko po liŋ na wur Nebijin kune. ¹⁵ Nan yeŋdu Ŋun adi ŋutu liŋ lo ’but ko lorok mo piŋien i twan; kilo ŋutu köti yubbo sona. ¹⁶ Nyena nan ŋupi mömöŋu ’bura anyen gwon ko töili lo ’but logon toyiyikiŋdyö nan adi nan a ko konakiŋdya Ŋun arabat kode ŋutu. ¹⁷ Nyena i mukök na kulye kiŋajin logon nan gwon kaŋo nu, nan a yitwe Yerusalema jakiŋdya jur likaŋ ’dokesi na paraki ’e ŋutu ko i wukiŋdya na Ŋun rubaŋgajin. ¹⁸ Nyena na koŋdi nan kine po nu, a kilo ŋutu ryeji nan aje tokela i Kadi na Ŋun lukata, a lodir lo ŋutu gwe ’bayin, köti a wopon gwe ’bayin. Ama a kulye Yudayaki lo po Asia gwe kata; ¹⁹ lepeŋat ko ’börik agu ködyö gwon ni konut i komor, anyen ko tökoŋu kulya kase i kulya kwe ko ködyö nene toron kata. ²⁰ A ko sona, ti kilo ŋutu lo gwon ni kulo tuke ko toron a nyo nagon se a ryö köyö, na gwo ’di ’e nan i pipiya i ŋinu diŋit kase i momoret na temejik nu, ²¹ ake ŋo geleŋ nagon nan a kulyaji ki na gwo ’di ’e nan kase i komor nu adi, Kwe nagon nan gwon i pipiya kasu i komor i lo lor na kogwon kulya ti ŋien na lo twatwa i twan. ²² Ama a Pelise logon deden kulya ti lo Kiko ’bura lo togwo ’yi ŋilo putet, a kulyani adi, Nan mo ’du ’duŋ putet losu ko Lusia liwa lo kamörök a ’durökin. ²³ a nye saŋi duma lo kamörök mia geleŋ adi ti Paulo tiyuni tiyu, ama ti gwe ti tiyu go, a ti lele lo julin kanyit gwe ti teŋo i parakiŋdya na lepeŋ. ²⁴ A i mukök na kulye perok, a Pelise lo ’dure se ko Durusila narakwan nanyit nagon a Yudayakityo. A lepeŋ luŋgi Paulo anyen nye ko yiŋga Paulo i jambu na kulya ti yubbö na ŋutu na Kristo Yesu. ²⁵ Ama a na jambi Paulo kulya ti löti lo rigwo, ko ti teŋgu na mugun, se ko ti lor lo popo lo Ŋun duŋet lo putet nu, a Pelise rigwököni rigwökö, a kulyani adi, Iti soŋinana; nan mo köti luluŋ do, ko nan kata ko diŋit. ²⁶ A nye köti yeŋdi adi Paulo ŋona titiŋdu nye gurut. Ko ŋina kwe a nye luŋgi Paulo diŋitan jore i jambu ko nye. ²⁷ kiŋajin murek aje lwöŋgu nu, a Porkio Peseto lo ruddye Pelise. Nyena a Pelise kölökiŋdye Paulo i rereka kogwon nye ’de ’dekan nyara ko Yudayaki.