¹ Ana bi kelim al hagiga fi al Mesih, ana ma bi kabasu, wa demir tai shuhud tai be Roho al kudus. ² Inu fi huzun fi juwa ana shedid, wa bi zidu waja fi geliba tai. ³ Ana kan bi itmanna inu ana bi kun moloun wa mahrum min ajil akwana tai, al umon min usura tai hasab al jesed. ⁴ umon Israelin. umon indu tebeni al mejid, hadiya ta namus, ibada ta Allah, wa almawaid. ⁵ Le umon judud aw aba al Yesua ja min fogo be ihteram le jesed. Al huwo Allah le kulu, kede shukuru huwo lel abad. ⁶ Lakin ma kelimu zede ashan mawaid ta Allah ma bi naja, ashan ma kulu nas fi Israel umon kulu Israelin. ⁷ Wala ashan umon kulu usura ta Ibrahim al iyal al hagiga, lakin huwo be wasat Ishak yau usura taki bi nadi. ⁸ Iyal ta jesed umon ma iyal ta Allah, lakin iyal ta waad yau bi hasibu umon usura. ⁹ Ashan kida he yau kelima a waad, fi zaman de ana bi ja, wa jena al weled bi wodi le Sarah. ¹⁰ wa ma kida bes, lakin kaman Rebekah kan hamil ma rajil wahid, al huwo abu ta nina Is-hak. ¹¹ Ashan iyal lisa ma weledu, wa umon ma amulu ai haja al kwes wele al batal, ashan kida waad ta Allah hasab al ikhtiyar bi kun sabit, ma ashan amail, lakin ashan huwo al bi nadi. Ze ¹² ma kan kelimu le huwo, al kebir bi akhdim al suker. ¹³ Ze ma huwo moktub, ana bi hibu Yakub, wa ana bi akrahu Isu. ¹⁴ Biga nina bi kelimu shunu? sei Allah bi zulumu? La. ¹⁵ Ashan huwo kelimu le Musa, "Ana bi rahamu zol al ana deir rahamu. ana bi amulu maruf le zol al ana deir amulu maruf le huwo. ¹⁶ Lakin ma ashan zol de deiru, wele ashan zol de bi fetishu, lakin ashan Allah, al huwo bi rahamu. ¹⁷ Ashan kitab bi kelim le Faraun, ashan saba de yau ana gumu inta, ashan ana bi beinu guwa tai fi inta, ashan isim tai bi nadi fi duniya kulu. ¹⁸ Ashan kida Allah bi rahamu zol al huwo deir wa kaman bi kun saab le zol al giladab. ¹⁹ Yala inta bi kelimu le ana, leh huwo lisa bi loumu? le zol al bi wogifu did irada tou? ²⁰ Lakin inta yau yatu zol al bi juwabu did Allah? Sei haja al bi resimu bi agder kelimu le zol bi resimu huwo de, le inta bi resimu ana zede? ²¹ Sei zol al bi resimu de ma indu sulta ala tiin ashan bi sala min fogo sahan al le istimal al kwes, wa tani le istimal ta kulu yom? ²² Teib bi kun kef kan Allah deir beinu zalan tou, wa deir wori guwa tou, wa huwo bi ithamal sobur tou al shedid wa al containers ta zalan al jahis le karabu? ²³ Bi kun kef kan huwo amulu de, ashan huwo bi wori mejid tou al ganiyan ma maun ta rahma, al huwo kan kalas jahisu le mejid? ²⁴ Bi kun kef kan huwo kaman amulu de la nina, al huwo kaman nadi? ma bes min nus ta Yahudinlakin kaman min nus ta Umam? ²⁵ Ze ma huwo kaman kelimu fi Hosea; "Ana bi nadi nas al kan umon ma nas tai, nas tai. wa al kan ma bi hibu umon, biga bi hibu umon. ²⁶ Wa fi mahal al kan kelimu le umon, intum ma nas tai. Hinak bi nadi umon awlad ta Allah al hai. ²⁷ Isaiah bi kore ashan kalam ta Israel, hata ada ta iyal ta Israel kan ze turab ta bahar, lazim kede kun fi bagin al bi ligo kulasa. ²⁸ Ashan rabuna bi jibu hukum tou fi duniya kamil. wa bidun takiir. ²⁹ Ze ma kan Isaiah kelimu beriri; "Kan rabuna ta junud ma sibu le nina usura, kan nina bi kun ze Sodoma, wa kan nina bi kun ze Gomora." ³⁰ Biga nina bi kelimu shunu? Nas umam del al kan ma douru fi sika ta amulu adil, umon ligo shokol adil, wa shokol adil de be iman . ³¹ Lakin Israel al umon douru wara namus ta shokol adil, ma ligo shokol adil. ³² Lee? leanu umon amulu bidun iman, lakin be amail, sedimu umon hajer ta sedimu. ³³ Ze ma kan katibu. Aiynu, ana bi kutu fi Sahyun hajer ta sedimu, wa hajer ta katiya, ai zol al amin fi huwo, ma bi kun indu fadiya.