¹ Weled tai, hafisu kalam tai wa kazinu awamir tai fi nefsa taki. ² Hafisu nefsa taki wa ish wa hafisu towjihad tai ze tufa ta ena taki. ³ Robutu umon fi hasba taki; katibu umon fi geliba taki. ⁴ Kelimu le hikma, "Inta ukut tai," wa nadi ilim geribak, ⁵ Ashan bi hafisu nefsak min mara ta zina, min mara ta zina ma kalam tou al seme. ⁶ Ana bi suf be wasat subak ta bet tai. ⁷ Ana bi suf nas deifin, wa ana lahizu beinu shabab shab al ma indu ihsas. ⁸ Shab dak bi ruwa tehet sika gerib marukun ta hiya, wa huwo ruwa le bet tou. ⁹ Huwo kan fi nur ta misa ta yom dak, fi wokit ta lel wa duluma. ¹⁰ Mara gabilu huwo hinak, hiya libisu ze mara ta zina, ma geliba ta kidib. ¹¹ Sot ta hiya fok wa bi mulu ze huwo deiru; kura tou bi geni fi bet. ¹² Hasa fi sikat, tani fi mahalat tasuk, wa fi ai rukun hiya bi istene ashan amulu kemin. ¹³ Yala hiya bi amsuku huwo wa amulu gubla, huwo bi kelim le huwo be wusa al saab, ¹⁴ Ana amulu hadaya ta salam tai alela, Ana dafa ahad tai, ¹⁵ yala ana ja ashan bi gabilu inta, ashan bi fetisu wusa taki, wa ana ligo inta. ¹⁶ Ana kutu milayat firas ta sheriri tai, milayat al naim min Masir. ¹⁷ Ana kubu riha fi sherir tai, aluwan ta nabatwa lon ta juwa; ¹⁸ Taali, kede nina itamata be ai terigat ta muhaba. ¹⁹ Rajil tai mafi bet, Huwo safarfi beid. ²⁰ Huwo shilu santa ta gurus ma huwo; huwo bi rija baad shahar." ²¹ Be kalamat ketir huwo agnau huwo; be safaten tou al seme hiya shilu huwo fi sika kaab. ²² Mufaja huwo ruwa wara huwo ze tor al bi ruwa dabau, wa ze zol belit bi akhibu be sherek, ²³ lahadi nisab bi atanu kibda tou. Huwo ze ter al bi jere le khatar. Huwo ma arufu bi shilu haya tou. ²⁴ Hasa weled tai, asuma leana; kutu balak taki fi kalam ta kasuma tai. ²⁵ Kede geliba taki ma aglibu fi sika ta hiya; kede ma shilu inta fi sika tou. ²⁶ Hiya kutu nas kutar ashan bi waga wa atanu; nas tou al meitin kutar. ²⁷ Bet.tou fi sika le Sheol; Umon bi ruwa tehet le odad al duluma ta mutu