1 Weled al negit bi asuma le amuri ta abu , lakin al hagar mabi asuma le toubik. 2 leanu min samar ta kasmu zol bi istamta haja kwes, lakin niya ta kaiin yau fi unf. 3 wahid al bi hafizu kasuma bi hami haya tou, lakin le wahid al bi fata kasumu bi demiru nefsu. 4 Niya ta nas al kaslaniin deiru lakin mabi ligo haja. Lakin niya ta nas al ta shokol bi kun ma ganiyan wa shabaan. 5 Nas al bar bi kerehu akazip, lakin zol al sherir bi amulu nefsu bi kerehu, wa huwo bi amulu shunu al ta fadiha 6 Al bir bi hami del al ma waga fi sika tomon, lakin shar bi geiru bara del al amulu katiya. 7 Hinak fi zol al bi kutu nefsu ganiyan, lakin ma indu haja kulu- kulu, wa fi zol al bi wodi ai bara, lisa ganiyan hagiga. 8 tamana ta haya ta rajil al ganiyan yau maal tou, lakin zol al miskin mabi asuma tahdid. 9 Nur ta nas al bar bi afrah, Lakin lamba ta nas al sherir bi kutu bara. 10 Dala bi weledu muskila, lakin le del al bi asuma le irshad fi hikma. 11 Maal bi kalasu bara kan fi dala, lakin wahid al bi amulu gurush be amulu shokol ma iden tou bi amulu gurush tou rabah. 12 Wokit rajah habitu, bi kasuru gelba, lakin niya ta deiru bi kemilu yau shejera ta haya. 13 Ai wahid al bi alisu towjihat birabu damar fi nefsu, lakin ai wahid al bi hafizu wasaya bi kerimu. 14 Derasa ta zol al negit ze nafura ta haya, geiru inta bara min kemina ta mut. 15 Al kwes juwa biligo rahma, lakin sika ta kayana ma bi inta. 16 Amael ta zol al kwes ma marafa fi ai karar, lakin al belit bi taabi balada tou. 17 Murasula al sherir bi waga fi mushkila ,lakin wofdi al amin bijibu musalaha. 18 Wahid al bi alisu towjihat bi indu miskiin wa fadiha. Lakin iktiram bi ja le huwo al bi alimu teshi. 19 Al niya deiru, lakin al belit bi karehu ashan gelibu min katiya. 20 Douru ma nas al negitin wa inta bikun negit. Lakin albi gedimu al belitin bi taban. 21 Damar bi jere wara kuta, lakin nas al bar ligo hadiya al kwes. 22 Zol al kwes bi sibu warisa le iyal tou, lakin ganiyan ta kuta bi hafizu le abrar. 23 Mahal zara al ma kuruju al ta zol meskin bi antij akil , lakin bi nedifu bara be adam adala. 24 Wahid al ma bi akibu jena tou mabi hibu ,lakin wahid al bi hibu jena toui bi amiru. 25 Zol al bar bi akulu lahaidi shabaan min niya tou, lakin botun ta ashrar daiman jaan.