¹ v 1 Fi zaman dak, Kaesar Augastas rasulu juwa fogo talimat beino kede edu kulu nas al kan be geni fi alam. ² De kan awel barnamij ta edu nas wa kan hasil fi zaman Kereniyos hakim ta Suriya. ³ Kan kulu zol rua le medena tuo ashan be sejilu. ⁴ Yusif kaman kan ruwa min Jalil, min medina ta Nasir , le Yahudiya, le medina ta Dawud isim tuo Betlehem, leano huwo kan min beat wa usura ta Dawud. ⁵ Huwo kan rua ashan be sejilo ma mara ta tuo Marriam, al kan huwo katibu wa heya kan hamilan. ⁶ Wakit humon kan hinak, zaman kan timu ashan heya be weledo jena. ⁷ Heya kan weledu weled, awel jena le heya, wa heya lifu jena de ma gumash wa kutu huwo fi Mizuwad, ashan mahal kan maliyan wa mafi oda le humon. ⁸ Kan fi ruwaa fi mahal dak humon kan be geni fi gaba, be harisu haywanat ta tumon belel. ⁹ Malaik ta Rabana zahir le humon, wa mejid ta Rabana wala hawl humoan, wa huwmon kan kafu shedid. ¹⁰ Malaika kan kelim le humon, "Mata kum kafu, leanu ana jebu le itnum kabara al kuwes al be jibu farah kebir le kulu nas. ¹¹ Alela mukalis weledu le inkum fi medina ta Dawud! Huwo al Masih al Raab! ¹² De yau alama le intum: Intum bi ligo jena lifu ma gumash wa gi num fi Sunduk ¹³ v 13 Fajaa jash min malikat kan zahir, humon kan bi mejedo Allah wa be kelim, ¹⁴ " Mejid le Allah al fok, wa kede salam kun fi arid fi nus ta nas al huwo murta ma humon.'' ¹⁵ Zaman malikat futu min humun le sama, rowaa del kan wonosu le badun tumon, " kede anina ruwa le Betlehem, wa ayinu hajat deal al hasil, al Rabuna weri le nina." ¹⁶ Huwomon jere hinak wa ligu Marriam wa Yusif, wa ligo jena de num fi sunduk ¹⁷ Baad humon ayino huwo, humon kan weri kalam al kan kelimo le humon ann jena de. ¹⁸ Del al kan asuma kan istagarab be kalam al kan wonusu be ruwaa. ¹⁹ Laken Maryam kan geni fekeri ann hajat al wonusu, wa hafizu fi gelib ta heya. ²⁰ Rowaa del kan rija, mejidu wa abidu Allah ashan kulu hajat al humon asuma wa ayino, ze ma kan wonusu le humon. ²¹ Fi nihaya ta yom nimra temeniya, zaman tahiru huwo, kutu le huwo isim Yesua, isim al kan wede be malika gubal ma hamilu huwo fi batna ²² Zaman adad ta ayam al be hasibu Maryam nediffutu, hasab ganun ta Musa, Yosif wa Maryam jebu huwo le haikel fi Oruselim ashan be gedemu huwo le Rabuna. ²³ Ze ma ktibu fi ganunta Rabana," kulu rajil bekir al yau fata rihim be kasisu le Rabuna." ²⁴ ashan keda humon kan gedemu zabeha ze ma ka kelim fi ganun ta Rabana," ²⁵ Kan fi zol fi Urshelim, isim tuo Samaan, wa huwo kan nedef wa bi kafu Rabuna. Huwo kan gi isteno.. intezer taezeya ta Israel, wa Roho al Kudus kan fuggo huwo. ²⁶ Kan wori le huwo bewasat ta Roho al Kudus gali huwo ma be ayino mutu gabel ma huwo be ayino Masih al Rab. ²⁷ Huwo kan ja fi haikel, bewasat ta Roho al Kudus. Fi zaman Mariam wa Yusif jebu jena Yesua, ashan be gedemu ann jena de hasab ganun ta Musa, ²⁸ huwo kan shelu jena de fi iden tuo wa mejedu Allah wa kelim, ²⁹ " Hasa sibu kadam taki kede ruwa be salam, Rabuna, ze ma ita kelim. ³⁰ Ashan ena tai ayenu khalas, ³¹ al ita jahizu fi gedam ta kulu nas: ³² Nur le khalas le Umam wa mejid le iyal taki Israel". ³³ Abu wa uma ta jena de kan istagrab min hajat al kan wonuso an huwo. ³⁴ Samaan kan bariko humon wa kelim le Mariam uma tuo," Aynu, jena de kutu ashan nas ketir be waga wa be gum fi Israel wa ze alama al abau - ³⁵ wa huzun taki be waja ze safe al bi dakalu fi gelba taki- ashan afkar ta golub ketir bi zahir ³⁶ Wa nebi isim tuo Hnna kan jaa kaman henak, Heya kan jena ta Fanuel min gebela ta Asher. Heya kan kebir shedid fi umur, heya kan geni ma rajel ta tuo saba sena baad ma kan heya azra..., ³⁷ wa kan armala le fatra ta tameniya wa arbaen sena. Heya ma sibu haikel wa heya kan be seli wa sum, belel wa nahar. ³⁸ Fi zaman dak heya gum ja gereb min humon wa bada wede shokuran le Allah wa heya kan kelim an jena Yesua le del al kan bi istena khalas ta Urshelim. ³⁹ Zaman humon kalasu kulu hajat al asalu humon ashan be amulu ze ganun ta Rabuna kelimu, humon reja le Jelel, le medina tomon Nasira. ⁴⁰ Jena de kan raba wa bega gowi , maliyan be hikma, wa neima ta Allah kan fugu huwo. ⁴¹ Abu tuo kan be ruwa le Urshelim kulu sena ashan haderu eid Paska, ⁴² Wokit hwuo bega itnasher sena , humon kan rua le Urshelim fi zaman ta eid. ⁴³ Bad ma humon geni wa timu ayamat at ihtefala ta eid , humon bada reja le bead. Laken Yesua kan akir wara fi Urshelim bedo marafa ta abu wa umma ta tuo. ⁴⁴ Humon fekir gali huwo ma dufaat ta tuo al kan be safir ma humon, humon kan daoru fatra ta yom wahed. Bad daak humon bada fetisu huwo fi nus ta ahal wa asdeka. ⁴⁵ Zaman humon ma ligo huwo, humon reja le Urshelim ashan be fetisu huwo henak. ⁴⁶ Bad talata yom, humon lego huwo fi haikel, ge geni fi nus ta mualimen, huwo kan ge asuma le humon wa ge asalu humon. ⁴⁷ Del kulu al asuma le huwo kan istagarab min marafa wa juwab al huwo indu. ⁴⁸ Zaman humon ayno huwo, humon kan istagarb. Uma tuo kan kelimo le huwo, "Welede, malo ita amulu enna zede? Asuma, abu taki wa ana taban min fetesu ita." ⁴⁹ Huwo kelimo le humon , "Malu intum be fetisu ana? Intum ma arufu gali ana lazem be kun fi bet ta Abu tai?" ⁵⁰ Lakin humon kan ma fahim huwo gased shunu ma kelimat de. ⁵¹ Huwo kan reja beat sawa ma humon le Nasera wa kan huwo be asuma kalam ta tuomon. Uma ta tuo kan be hafizu gi hafizu hajat de fi geliba ta heya . ⁵² Laken Yesua kan ge raba fi hikma wa jesem, wa zidu fi neima fi Allah wa nas