1
Yesua kelim le talamiz tuo, bi kun fi hajat al bi sibu insan waga fi katiya, lakin bi kun sab le zol al bi wasat tuo hajat bi hasil!
2
huwo bi kun kwes le huwo kan kutu hajer kebir fi ragabta tuo wa jadao huwo fi bahar min ma howo bi sibu iyal sokar del waga.
3
Hafizu takum nefsa takum. Kan aku taki amulu katiaya, kore kore ma huwo, wa kan huwo tub, affi huwo.
4
Kan huwo akta ded inta saba marat fi yom, wa rija saba marat tani le inta, kelimu ana tub, ita lazim bi affi huwo!''
5
AL rusol kelimu le Rabuna, ''Zidu iman tanina,''
6
Rabuna kelim, ''Kan intakum indu iman ze haba ta kardal, inta bi kelim le shejera , ' Agela, wa kun fi bahar; wa huwo bi asuma le inta.
7
Lakin munu min itakum, al indu kadam bi zara wa bi ayenu korufan, bi kelimu le huwo kan huwo ja min mahal zara, 'Bi ja tawale wa bi geni tihit ashan bi akulu'?
8
Hal huwo ma bi kelim, jahizu haja tani le ana ta akulu, wa kutu hizam hawuli gumash wa kadimu ana lahadi Ana kalasu akulu wa asorubu. Bad dak inta bi akulu wa asorubu'?
9
Huwo ma shokuru kadam la anu huwo amu lu haja al kan wori le humon, hal sei?
10
itakum kaman, zaman itakum amulu hajat kulu al wori le intum, kelim takum anina kadamin batalin. anina amulu haja al talabu min anina ashan bi amulu.'''
11
Fi ruwa tuo le Uruselim, huwo ruwa min hudud bein Samiria wa Jeiliel.
12
Ze ma huwo dakalu fi beled tani tani, inak huwo kan limu ma ashara rijal al humon indu jengeli. Humon wogif beid min huwo
13
wa humon arufa fok sout, kelimu, ''Yesua, Saeed, amulu maruf le anina.''
14
Zaman huwo ayenu humon, huwo kelim le humon, ''Ruwa wa wori nufus takum le abunat.'' Ze ma humon ruwa huwo kan bi ga nedif.
15
wokit wahid min humon ayenu inu huwo ligo ilaj, huwo rija wara, mejido Allah ma sout fok.
16
Huwo waga tihit fi kura ta Yesua, wodi le huwo shokuran. wa huwo kan min Samiria
17
Bad dak Yesua keliu, ''Kan ma ashara yau tala nedif?
18
Wenu al tisa? Ma fi tanin al rija ashan bi wodi mejid le Allah, illa de al ajnebi?''
19
Huwo kelim le huwo, ''Gum, wa ruwa iman taki sala ita kwes.''
20
Wokit asalu huwo ma Firiseen miteen malakuut ta Allah bi ja, Yesua juabu humon wa kelimu, ''Malakuut ta Allah ma bi ja ma muragaba
21
wele humon bi kelim, 'Ayenu huw inak! aw, Ayenu huwo inak, malakuut ta Allah huwo fi juwa intum.''
22
Huwo kelim le talamiz, ''Ayam jai al intum bi kun indu nia ashan bi ayenu ayam ta ibni al insan, lakin intum ma bi ayenu.
23
Bad dak humon bi kelim le intum ayenu inak!, ayenu ini!' lakin ma takum ruwa bara aw jere wara humon,
24
la anu ze bark al bi wala min tija tihit sama illa tija tani tihit sama kaman jena ta insan bi ze de fi yom tuo.
25
Lakin awel huwo lazim bi tab ma hajat ketir wa bi abao ma jeil de.
26
Ze ma hasil fi ayamat ta Noah, kaman ze de bi hasil fi ayam ta ibni al insan.
27
Humon akulu, humon bi asorubu, humon juwozu la hadi yom al Noah dakalu fi sefina__wa feidanat ja wa demiru humon kulu.
28
Ze de kaman, hasil fi ayomat ta Lot__Humon kanbi akulu wa asorubu, bi beu wa bi ishteri, zara wa abinu.
29
Lakin fi ayom al Lot ruwa bara min Sodom, nar nezil wa kebirit min sama demiru humon kulu.
30
Ze de kaman bi kun fi yom al jena ta insan zahir. fi
31
Fi yom dak ma ta sibu huwo al fi ras juwa nezil tihit ashan bi shilu afash min juwa, wa ma ta sibu huwo al fi mahal zara rija.
32
v 32 Zekir mara ta Lot.
33
Al bi fitisu ashan bi ribeho haya tuo bi wodoro, lakin al bi wodoro haya tuo bi hafizu.
34
Ana wori le inta, fi belel dak etnin bi kun fi wahid serir. Wahid bi shilu, wa tani bi sibu.
35
etnin nuswan bi
36
atanu sawa. Wahid bi shilu, wa tani bi sibu.''
37
Humon asalu huwo, ''Wenu Rabuna?'' Huwo kelimu le humon, ''kan ma fi zol, kan inak fi meit nusur bi limu.''