¹ Tani mara shaab ta Israel amulu shar fi ena ta yahwah wa huwo selimu homon fi ida ta phalastineen le mudat arbean senawat. ² Kan fi zol min zorah, min usura ta Daniteen kan isim tuo manaah mara tuo kan ma gi weledu wa hiya kan ma indu jena. ³ Malaka ta yahwah zahir le mara de wa kelim le hiya,”Ainu hasa, inta kan ma gi hamil wa inta ma weledu jena, lakin inta bi hamil wa bi weledu jena. ⁴ Hasa inta keli amulu hisab taki ashan ma bi ashrab merisa aw sharab al gowi, wa ma keli inta akulu ayi haja al ma tahir. ⁵ Biga inta bi hamil wa bi weledu jena weled. Keli muse ma lemisu ras tuo, ashan jena bi gedimu le allah min huwo fi rehim wa huwo wa huwo bi bada kalisu shaab ta Israel min ida ta phalistineen. ⁶ Biga mara jaw a kelim le rajil tuo,” Zol ta Allah jaa le ana, wa kan shekil ta tuo ze malaika ta Allah kan mukhif shedid. Ana ma asalu Huwo kan jaa min wen wa huwo ma wori le ana isim tuo. ⁷ Huwo kelim le ana,”Asuma! Inta bi hamil wa inta bi weledu jena weled ashan keda ma keli inta ashirab merisa aw shirab al gowi, wa kwli inta ma akulu ayi akil al ganon wori gal ma tahir, ashan jena de bi wodi le Allah min zaman al Huwo fi rehim taki lahadi yom ta mutu tuo”. ⁸ Biga manaoh seli le yahwah wa kelim”Ah ya rab min fadlak keli zol ta Allah al inta rasulu de jaa le nina tani mara ashan keli huwo alimu nina kef ninaa bi amulu hajat le jena al gi jaa weledu gerib de.” ⁹ Allah asuma re sut ta manoah, wa malaika ta Allah jaa le mara de tani mara zaman al hiya kan gi geni fi mahal zaraa lakin manoah rajil ta hiya kan mafi maa hiya. ¹⁰ Biga mara de jere bi sura wa kelim le rajil tuo, “ASuma rajil de zahir le ana rajil al kan zahir fi yom dak de.” ¹¹ Biga manoah gum fok wa jere wara mara tuo, zaman huwo wosulu le rajil de, huwo kelim gal”Inta yau zol al wonusu maa mara tai de?” Rajil de kelim,”Ayii de ana. ¹² Biga manoah kelim”hasa keli kalam taki kun hagiga gawaniin le jena de shunu, wa shukul ta jena de bi kun shunu?” ¹³ Malaika ta Allah kelim le manoah”Keli lazim hiya amulu ayi haja al ana kelim le hiya. ¹⁴ Keli hiya ma akulu ayi haja tala min shejarat ta karma wa ma keli inta sibu hiya asurubu merisa aw shirab al gowi aw akulu ayi haja al ma tahir. Lazim keli hiya amulu ayi haja al ana kelim le hiya keli amulu. ¹⁵ Manoah kelim le malaika ta yahwah”Min fadlak keli inta geni shuiya, keli inta wodi le nina wokit ahsan bi jahizu le intum jena ghanamayo. ¹⁶ malaika ta yahwah kelim le manoah hata ka nana gen, ana ma bi akulu akil taki, lakin kan inta jahizu zebiha al haragu keli inta gedimu huwo le yahwah. Manoah kan ma arufu gal de kan malaika ta yahwah. ¹⁷ Manoah kelim le malaika ta yahwah gal”Isim taki munu? Ashan keli nina azimu inta kan kelimat taki biga hagiga. ¹⁸ malaika ta yahwah kelim le huwo,”Malu inta bi asalu isim tai?” Isim tai Ajeeb. ¹⁹ biga manoah shilu ghanamayo al sukeir tegdima ta dura wa wodi hajat de fir as hajeer wa Huwo gedimu le yahwah. Huwo amulu haja ajeeb shedid wa kan nas manoah wa mara tuo gi ainu. ²⁰ Zaman al kan duokhan gi tala min mazbaha de zaman manoah wa mara tuo ainu manzar de wa homon bad waga tehet ma wosa tomon. ²¹ Malaika ta yahwah ma zahir le manoah aw mara tuo biga manoah arufu gal de kan malaika ta yahwah. ²² Manoah kelim le mara tuo”Nina gi ruwa bi mutu, ashan nina ainu Allah. ²³ Lakin mara tuo keli le huwo, "Iza kan yahwah deeru katulu nina, huwo kan ma bi gabilu zebiha al haragu ne nar de, wa zebiha ta dura al nina gedimu le huwo de. Huwo kan ma bi wori le nina hajat deel kulu aw kan fi de huwo ma bi sibu nina asuma hajat zed eel." ^{24 25} Baad zaman le gedam mara de weledu jena weled wa huwo wodi isim tuo Samson weled de raba wa yahwah bariku Huwo. 25. Ruhu ta yahwah bada hariku huwo fi mahaneh dan, biena zorah wa eshtaol.