¹ Fi awel sena ta Cyrus, melik ta Persia, Yahwa kamilu kelima tou al ja min kasma ta Jeremeiah. wa hariku roho ta Cyrus. Sot ta Cyrus tala bara fi ras momlaka tou kulu. De yau kalam al kan katibu wa wonusu: ² ''Cyrus, melik ta Persia, kelimu: Yahwa, Allah ta Samah, wodi le ana kulu momlaka ta al ard, wa huwo iktaru ana ashan bi abinu bet le huwo fi Urselim fi Yahudiya. ³ Kan munu yau min nas tou (kede Allah tou kun ma huwo) bi ruwa lahadi Urselim al fi Yahudiya wa abinu bet le Yahwa, Allah ta Israel, Allah al fii fi Urselim. ⁴ Nas ta ai tija ta momlaka al bagi nas ta ard gi geni ze ajanib kede wodi le umon fida wa dahab, ma hajat wa bahaim, kaman ma hadaya al inta bi wodi be huria le bet ta Allah fi Urselim.'' ⁵ Baad dak al ruaus usar ta al judud ta Yahuzah wa Benjamin, al khahana wa Lawien, wa ai wahid al roho ta Allah hariku le rua wa abinu bet tou gamu. ⁶ Delin hawuli umon saidu sokol tomon ma fida wa hajat dahab, hajat, haiwanat, gaimat, wa tekdimat hurirada. ⁷ Cyrus melik ta Persia kaman fiku al hajat tabi le bet ta Yahwa al Nebuchadnezzar kan jabu min Urselim wa kutu fi biyut ta rabanat ta nefsa tou. ⁸ Cyrus kutu umon fogo ida ta Mithredath al amin mal, al hasibu umon bara le Sheshbazzar, khaid ta Yahudiya. ⁹ De kan adad tomon: teletin basins ta dahab, wahid alf basins ta fida, tisa-isirirn basins tanin, ¹⁰ teletin kuwar ta dahab, 410 kuwar sukar ta fida, wa wahid alf hajat tanin be ziada. ¹¹ hinak kan 5,400 dahab wa ahat fida be ikmalu. Sheshbazzar jabu kulu umon zaman al muhajirin masa min Babilon le urselim.