¹ Wakid Yahuwa kelimo le Musa, "Ruwa le Faraun wa kelimo le huwo, 'Yahuw kelimo keda: "Sibo nas tai kede ruwa ashan humon bi abido ana. ² Kan ita abasibo humon rua, Ana bi durubo beled taki kulu be gounjat. ³ Nahar bi mala be gounjat. Humon bi tala wa bi ruwa le beat taki, fi oda num taki, wa fi serir taki.Humon bi rua le beiot ta kadamin taki. Humon bi rua le nas taki, fi furun taki, wa kozoronat al gi ajino aesh fugu. ⁴ Gounjat de nutu le ita, nas taki, wa kudam taki."" ⁵ Yahuwa gum wonosu le Musa," Kelimo le Haron,' Mido iden taki ma asaya fugu anhar, majari, wa ahwad, wa tala gounjat min fugu le kulu ard Masir."" ⁶ Haron kan mido iden tou fugu mahalat ta moyo al fi Masir, wa gum tala min fugu wa kati kulu ard Masir. ⁷ Lakin sahara ta Masir humon amulu kaman be sihir tumon; humon jibu gounjat fi ard ta Masir. ⁸ Baad daak melik nadi Musa wa Haron wa huow kelimo," Seli takum Yahuwa ashan kede shelo gounjat de min ana wa shaab tai. Yala ana bi sibo shaab de bi rua, ashan humon bi gedimo zabiha le Huow." ⁹ Musa kelimo le melik," Wori le ana yato zaman al ana bi seli le ita, khudam taki, wa shaab, ashan bi shelo gounjat de bara min ita wa bead taki wa bi geni bes fi bahar." ¹⁰ Faraun ka juwabo," Bukura." Musa kelimo, " Kede geni ze ma ita kelimo, ashan kede ita arufu mafi ze Yahuwa, Allah ta nina. ¹¹ Gounjat de bi rua min jambo ita, min baed taki, min khudam taki, wa shaab taki. Humon bi geni bess fi nahar." ¹² Musa wa Haron humon gum tala min melik.Yala Musa kore le Yahuwa fi kalam ta gounjat al huwo jebu fi ard ta Faraun. ¹³ Yahuwa kan amulu ze ma Musa asalo: Gounjat de mutu fi biyot, kura, wa mahalat ta zaraa. ¹⁴ Nas kan limo humon kom kom, wa wata bega riha tou afin shedid. ¹⁵ Lakin zaman Faraun aino ino gounjat de biga mafi, huwo aglibo geliba tou wa huwo abaa asuma le Musa wa Haron, ze ma Yahuwa kan kelimo ann haja al huow bi amolo. ¹⁶ Yahuwa kelimo le Musa," Wori le Haron,' Mido asaya taki wa dugu turab ta wata, bi tala bauda fi kulu mahal fi Masir."' ¹⁷ Humon kas amolo. Zaman Haron mido asaya tou wa dugu turab ta wata, bauda tala le nas wa haiwanat. Turad al fi wata aglibo le bauda fi kulu mahal fi Masir. ¹⁸ Nas ta sihir humon hawil ashan bi jibu bauda, lakin humon ma akider. Ashan keda kan fi bauda fi nas wa haiwanat. ¹⁹ Nas ta sihir kelimo le Faraun." De iden ta Allah." Lakin geliba ta melik kan gowi, fa huwo abaa asoma le humon. huwo kan ze ma Yahuwa kelimo shuno haja al Faraun bi amolo. ²⁰ Yahuwa kelimo le Musa," Gum sabah beri wa wogif fi gidam ta Faraun fi zaman al huwo gi tala min nahar. Kelimo le huwo,' Yahuwa kelimo gali:" Fiko shaab tai kede ruwa ashan abido ana. ²¹ Lakin kan ita ma sibo humon rua, Ana bi rasulu duban ketir le ita, le khudam taki, wa shaab taki, wa fi bead taki. Beyot ta Masrieen bi mala be duban, wa hata ard al humon bi wogif fugu bi kun maliyan. ²² Lakin fi yom daak ana bi ferigo ard Jasan, mahal al shaab tai bi geni fugu, duban ma bi ja le humon. Haja de bi hasil zede ashan ita bi arufu gali ana Yahuwa al gi amolo hajat de. ²³ Ana bi ferigo bein shaab tai wa taki. De alama ta guwa tai bi amolo nefsa tou bukura.""" ²⁴ Yahuwa amolo kalam de, dubam ketir kan ja fi beat ta Faraun wa beyot ta khudam tou. Masir kulu kan kati be duban, ard kan karabu be sabab ta duban al ketir. ²⁵ Faraun gum nadi Musa wa Haron wa kelimo, "ruwa takum, gedimo zabiha le Allah fi ard tai." ²⁶ Musa kelimo," Huwo ma sah le nina sahan bi amolo zede, ashan zebiha al enn bi gedimo le Yahuwa Allah ta nina huwo haja mugrif le Masrieen. Kan enna gedimo zebiha fi gedam tumon, say humon ma bi rejimo enna? ²⁷ La la, enna lazim bi tala mushwar ta talata yom fi sahra, ashan enna bi gedimo zabiha le Yahuwa Allah ta nina, ze ma huwo amiro enna." ²⁸ Faraun kelimo," Ana bi sibo itakum rua wa gedimo zebiha le Yahuwa Allah takum fi sahara. Lakin matakum rua baed shedid. Seli takum le ana." ²⁹ Musa kelimo," Kan ana tala min ita, tawali ana bi seli le Yahuwa , bukuta ta tou kede doban al ketir de sibo ita, wa khudam wa shaab taki. Lakin kede ita ma kabasu enna tani, wa abba sibo shaab tanina rua wa gedimo zebiha le Yahuwa." ³⁰ Musa tala min gidam ta Faraun wa seli le Yahuwa. ³¹ Yhauwa amolo za ma Musa asalo; wa huwo shelo dababin de min Faraun, khdamin tou, wa shaab ta tou. Wele wahid fadudlo. ³² Lakin Faraun aglibo geliba tou kaman, wa huwo abaa sibo shaab de ruwa.