¹ Yalla biga Yahwa wonusu le Musa wa gali, ² Ayenu, nadi ana bi isim Bazalel jena ta Uri jena ta Hur, min al gebila ta Yahuza. ³ Ana mala Bazalel ma Roho tai, ashan bi wodi le huwo hikma, fihim, wa ma rifa, ta amulu kulu alhiraf alyadawia ⁴ ashan bi amulu fanni tasmim wa ashan bi istakal fi dahab, fida wa bronze; ⁵ kaman ashan bi gata wa limu hujar wa ashan bi naqsh kashab---ashan bi amulu kulu ashkal ta alhiraf alyadawia. ⁶ Ziada le huwo ana azilu Oholiab jena ta Ahisamak, min gebila ta Dan. Ana kutu mahara fi gelba ta kulu del al nigiteen ashan huwomon bi amulu ma kulu awamir al ana amiru ma huwomon. De bi domu ⁷ al kaima ta ijtema, al taboot ta shehada, al kaffara fogo taboot, wa kulu athath ta kaima--- ⁸ al tarabeza wa afash, almanara al ma adawat tou, al bakuur ta mazbaha, ⁹ al mazbaha ta haragu zebeha ma kulu adawat tou, wa hwad al kebir ma asas tou. ¹⁰ De kaman bi domu malabis ta mahbuk al nayim ---al malabis al mukadas le Haron al gesis wa ta iyal tou, jahizu le ana ashan huwomon bi kadimu ana ze gusos. ¹¹ De kaman bi domu zeit ta mesha wa bakuur al helo le hahal al mukadas. al rasmin del bi amulu hajat del ze ana amiru ita. ''' ¹² Yalla Yahwa kelimu le Musa wa gal, ¹³ wori le Israelien: 'Inta lazim bi hafizu yom Sabbath ta Yahwa, leanu de yau bi kun alama bein huwo wa inta fi kulu jiel ta nas taki ashan inta bi arufu huwon Yahwa, al kasisu inta le nefsa tou. ¹⁴ Fa inta bi hafizu al Sabbath, leanu lazim kede ita amulu huwo mukadas, hafizu le ana. Aye zol al bi nejesu huwo bi hagiga bi ligo mutu. Aye zol al bi istakaal fi Sabbath, zol bi gata wo bara min nas tou. ¹⁵ Shokul bi amulu fi sita ayam, lakin yom nimara saba huwo bi kun sabit ta raha, mukadas gedam ta Yahwa. Aye zol al bi amulu shokul fi yom Sautu.bbath bi hagiga bi ligo mutu. ¹⁶ Ashan keda al Israelien bi hafizu Sabbath. Huwomon bi rufu huwo fi kulu ajiyal ta nas tou ze itifaqia. ¹⁷ Al Sabbath dayiman huwo alama bein Yahwa wa Israelien, leanu fi sita ayam Yahwa sala samawat wa ard, wa fi saba ayam huwo akudu raha wa kan hwuo jedidu. '''' ¹⁸ Wokit Allah kalasu wonusa ma Musa fok jebel Sinai, huwo wodi le huwo lawha ta itifaqia al sala wo min hujar, wa katibu fogo be wasat edan tou.