¹ Mata rasulu babara keedeb, mata douru ma zol ta keedeb. ² Mata douru ma nas al bi amulu batal. ³ Mata shilu haja ta zol meskin. ⁴ Kan inta ligo bagara au himar woduru shiulu le sidu. ⁵ Kan inta ligo himar ta adu taki waga shilu mata sibu tehet. ⁶ Mata hagiru salawat ta zol meskin. ⁷ Mata kelim kidib, mata katulu meskin wa al nedif ashan ana ma bi sibu zol al meskin. ⁸ Mata shilu rashua, ashan roshua bi gofulu ena ta zol al bi ainu, wele bi geiru kalam ta zol al nidif. ⁹ Mata amulu batal le zol garip ashan intum arufu zol al garip. Intum kan nas garibin fi Masir. ¹⁰ Seta sena inta bi zara wa inta bi hasidu. ¹¹ Fii sena nimira saba inta bi akudu raha wa masakin. Wa bagi haiwanat bi yau bi akulu, Kaman, karma wa zetun. ¹² Sita yom inta bi istakal, yom nimra saba inta bi ma bi istakal, wa bagara taki wa kulu haja taki. ¹³ Amulu kulu haja ana kelim le inta mata kum nadi Rabuna tani, ma kill asuma intakum ¹⁴ Talata mara fi sena intum bi ayed. ¹⁵ Intakum bi hafisu giyam inta bi akulu saba yom ze ma ana kelim fi zaman abib fi zaman huwo tala min Masir, humon ma bi ja fi gidam tai fadi. ¹⁶ Fii aud ta zira inta bi jibu awel hajat le ana zira de, wan as fi akir sina. ¹⁷ Talata mara fi sena inta bi limu zorah. ¹⁸ Mata gedimu le ana zebiha al fogo kemira. Mata hafisu be saham ta Dabana le iud le bokura. ¹⁹ Jibu takum awel hasat le ana, matakum Rakabu. ²⁰ Ainu takum, ana bi rasulu malaika fii gidam takum bi hafizu itakum fi sika, bi shilu itakum fii makan al ana sala le itakum. ²¹ Kutu takum bala wa asuma takum le huwo mata amulu huwo batal ashan guwa ta isim tai fogo huwo. ²² Kan itakum isuma le ana wa itakum amulu kulu kala, tai wa ana bi amulu itakum batal. ²³ Malaika bi kun fi gidam takum lehadi al Amaruin, we al hasin wa al farazin, wa al Canaaniin wa al howin, wa al bossin, ana bi turudu humon. ²⁴ Mata dengiry le Rabuna tomon wa la inta bi abidu, matakum amulu hajat al shilu humon wad emir timsal tomon. ²⁵ Abidu Rabuna Allah takum huwo bi bariku, akil wa moya taki, wa bi shilu ayam min intakum. ²⁶ Mafi balid takum bi waga wa la zol al ma bi weledu, wa umur takum bikun towil. ²⁷ Ana bi rasulu hudur tai fi gidam takum ana did kulu zol bi wogif gidam taki, wa kulu adu bi jere min intakum. ²⁸ Huwo bi rasulu zanabir fi gidam takum bi turudu al Howin wa al Canaaniin, wa al within min gidam takum. ²⁹ Lakin ana ma bi turudu humon fi sena wahid, Ashan Dunia bi karabu, ashan hajat ketir bikun batal. ^{30 33} Haba haba ana bi shilu humon min gidam takum hata itakum bi weledu wa, intakum bi shilu makan de. ³¹ Ana bi wodi le inta mahal min bahar suf le Phalastin, wa min beriya le nahar. ³² Mata amulu ahad ma humon wele ma Rabunat tomon.