¹ Hasa, akwana, seli le nina, kede kalam ta Rabana kun seri wa be mejidu, ze kaman fi ma intum. ² seli ashan bi hariru nina min shar wa nas al batalin, ma kulu nas indu iman. ³ Lakin Rabana huwo amin, huwo yau bi gowi intum wa bi hafisu intum min nas al ashrar. ⁴ Nina indu sikha fi Rabana ashan intum, inu intum gi amulu wa bi istemir amulu hajat al nina wori le intum. ⁵ Kede Rabuna gedimu gulub takum le muhaba ta Allah wa le tahamul ta al Mesih. ⁶ Akwana, nina gi wasi intum, be isim ta Rabana Yesua al Mesih, inu geni takum beid min aku al bi ish haya ta kaslan wa ma bi ish be hasab talim al intum ligo min nina. ⁷ Leanu intum be nefsa takum arufu huwo kwes le intum ashan bi mesilu nina. leanu nina ma geni sakit zaman al kan nina ma intum, ⁸ Nina ma akulu akil ta ai zol bidun nina ma dafa, lakin nina istakal bilel wa nahar fi sokol tegil wa taab, ashan nina ma bikun tegila le ai zol. ⁹ Nina amulu sokol de ma ashan nina ma indu sultat. Lakin, nina amulu sokol de ashan bi kun misal le intum, ashan intum bi istakal ze nina. ¹⁰ Zaman nina kan ma itakum, nina wasi intum, ``Zol al ma der istakal kede ma akulu. ¹¹ Ashan nina asuma be inu nas tanin fi nus takum ma der istaka, Umon ma gi istakal lakin umon fadi shokol. ¹² Hasa nas ze del nina gi wasi wa gi sheja fi Rabuna Yesua al mesih, kede umon ishtakal be sukut wa bi akulu akil tomon. ¹³ Lakin itakum, akwana, ma takum taban fi amulu sokol al kwes. ¹⁴ Wa iza Kan fi zol al ma gi asuma kalam al fi fii juwab de, kede intum arufu huwo wa kede intum ma sharik ma huwo, ashan fadiya bi amsuku huwo. ¹⁵ Lakin kede intum ma aiynu huwo ze addu, lakin anziru takun huwo ze aku. ¹⁶ Hasa keli Rabuna ta salam be nefsu wodi le intum salam fi kulu zaman wa be ai teriga. Kede Rabuna kun ma intum kulu. ¹⁷ Ana, Bulus, katibu kalam de be iden tai, al huwo yau alama fi kulu juwab al ana katibu. ¹⁸ Keli neima ta Rabana Yesua al Mesih kun ma itakum kulu.