¹ Kaulu shaab ta Yahuza shilu Uzziah, al kan umonr tuo sitashar sena, wa kutu huwo melik fa mahal ta abu tuo Amasia. ² De huwo yao kan ja abinu Aila wa rijau le Yahuza. Baat kida huwo nom ma judud tuo. ³ Uzziah kan indu sitashar sena wekit huwo bada hukum. Huwo hakimu le fetera ta itnin wa kamsin sena fi Ushelim. Isim ta uma tuo kan Yakolia; min Urshelim. ⁴ Huwo amulu haja al kan kues gidam ta Yahwah, ruwa wara misal ta abu tuo, Amasia, fi ayi haja. ⁵ Huwo kutu nefsa tuo kede fetisu Allah fi ayam ta Zeckariah, al alimu huwo kede akrimu Allah. Ze ma huwo bi fetishu Yahwah, Allah kutu huwo raba. ⁶ Uzziah ruwa wa shakila ma Falastiniin. Huwo kasuru hetta ta medina ta Jat, wa Yabna, wa Ashdod; huwo abinu mudon fi beled ta Ashdod wa fi nus ta Falastiniin. ⁷ Allah saido huwo gilibu Falastiniin, wa Arab al bi geni Jurbaal, wa Mauniin. ⁸ Ammoniin dafa deriba le Uzziah, wa isim tuo ruwa lahadi madkal ta Masir, lanu juwo bi tall guwi shedid. ⁹ Wa Uzziah abinu amarata fi Urshelim fi baba ta zawiya, fi bab ta jebel, fi lafa ta hetta ta wadi, wa abinu umon guwi. ¹⁰ Huwo abinu Abraj ta muragabafi sahara wa hafura abiar ketir lanu huwo kan indu Mawashi ketir. Houwo indu muzarrin ketir wa nas al bi ayinu jinena tuo, lanu huwo hibu zira. ¹¹ Uzziah indu rujal ta harib al bi ruwa fi harib fi mujmuwa al kan adad tumon ajib, al kan bi idu be Yaiel, al katib wa Maaseiah, al arif, tihit musulia ta Hananiah, wahid min ruwasa ta Melik. ¹² Wa kulu adad ta ruwasa ta aba min nas al guwin ta harib kan 2,600. ¹³ Tihit iden tumon kan fi 307,500 rujal al bi haribu bi guwa azim ashan bi saido melik did adu ta tuo. ¹⁴ Uzziah jahizu le jesh de kulu, Atras, wa laharba, wa tagiat ta harib, wa hadid al bi jati dus, wa hujar ta nibilat. ¹⁵ Fi Urshelim huwo amulu makanat al salahu ma rujal al indu muharat ashan bi kutu fi abraj wa fi zawaya ashan umon bi durubu beu danga wa hujar al kubar. Isim tuo ruwa le bilad bait, lanu saido shedid huwo tala guwi kalis. ¹⁶ Lakin zaman Uzziah biga guwi, geliba tuo ta kebir wa huwo amulu kiana le did Yahwah, Ilah tuo, lanu huwo ruwa fi bet ta Yahwah ashan bi aragu bakur fi mazbah ta bakur. ¹⁷ Azriah al kahin, dakalu war tuo, ma temeniya kahana ta Yahwah, al kan rujal negitin. ¹⁸ Umon Azzi Uzziah al melik, wa kelim le huwo, ''De ma musulia taki ya Uzziah, ashan bi aragu bakur le Yahwah, lakin de musulia ta kahana, iyal ta Haron, al kasisu umon ashan bi aragu bakur. Tala bara min makan al mukadas, lanu ita kan amin wa ma bi akrimu itta min Yahwah Allah.'' ¹⁹ Yala Uzziah biga zalan. Huwo kan bi amsuku fi haja ta bakur ashan bi wala nar. Zaman huwo biga zalan min kahana, Baras tala min gidam ras tuo gidam ta kahan fi bet ta Yahwah, jambu mazbah ta bakur. ²⁰ Azriah rais ta kahana ma hakana kulu ayinun le huwo, wa baras zahir fi usa tuo. Duwali guwam guwam umon tala huwo bara min hinak. Wa huwo ta guwam, lanu Yahwah drubu huwo. ²¹ Uzziah al melik, geni be baras de lahadi yom ta mutu tuo wa kutu huwo fi bet barau mi ma huwo biga indu baras, lanu tala huwo bara min bet ta Yahwah. Wa kan Yusam jena tuo yao bi hakimu shaab fi bet ta melik. ²² Bagi hajat ta Uzziah, min didaya le nihaya, katibu be nebi Ashaya jena ta Amos. ²³ Uzziah mutu wa dufunu huwo ma judud tuo fi magabir ta muluk, lanu umoin kelim,''Huwo indu baras.'' Yusam jena tuo biga melik fi mahal tuo.