¹ Bulus, ana rusul ta MesihYesua hasab wasia ta Allah mukalis tanna wa Masih Yesu raja tanna , ² le Timatayo, jena al hagiga fi iman: Neema, rahma, wa salam min Allah al ab wa Masih Yesu Rabuna tanna ³ Zema ana asalu intum zaman al kan ana be ruwa le Masidonia, istena fi Efisus ashan inta be wodi awamir le nas tanin kede ma derisu taalim al barau. ⁴ Hata kede umon ma kutu balu fi gisat wa tarik/silsila bita judut al ma indu nihaya. Hajat del be kalagu nikash/neng, neng bedal haja al be saidu kutah beta Allah, al huwa bel iman. ⁵ Hasa al hadaf beta wasia yau muhaba min gelba al nedif, min al demir alkwes, wa min iman al hagiga. ⁶ Juzu min nas sibu kalam de wara wa umon ruwa le wanasat ta kalam farik. ⁷ Umon deer yikun mualimin bita ganun, lakin umon ma faim kalam al umon wanisu au haja al umon bi asuru. ⁸ Lakin anna arufu gal ganun hu kwes kan zol istakdimu huwo ganuniyan. ⁹ Anna arufu gali, ganun ma amulu le zol al kwes, lakin le zol al gigeuru ganun wa nas al mutmeridin, le nas al ma bi aruf Allah wa al katiyin, wa le nas al ma indu Allah wa nigisin. amulu le nas al bi katulu abuhat wa umahat totom, le nas al bi katulu nas, ¹⁰ le nas ta zina, le rujal al bi num ma rujal, le del al bi yakamu nas be guwa ashan yekun abid, le kadabin, le nas ta suhuda al kidib, wa le kulu haja did dirasa bita iman. ¹¹ De yau dirasa asab mejid bita enjil ta Allah al mubarak de yau musulia al wodi le ana. ¹² Ana bi sukuru Rabuna bitana Yesua al Mesih. Huwo gowi ana, le anu huwo ekhtebiru ana muomin, wa huwo kutu ana fi kidma. ¹³ Ana kan khafir, ana did mesihin, wa zol bita masakil. Lakin ana akudu rahma le anu ana itsarafta bi dun ilim fi geir al iman. ¹⁴ Lakin be neima bita Rabuna al mala nihena be iman wa muhaba al fi Yesua al Mesih. ¹⁵ De risala sadik istehik kulu gubul, Be inu yesua ja ila dunia ashan bi ankis khatiyin. ana Zol akbar kati. ¹⁶ Lakin le sabab de wodu le rahama, ashan fi ni, ana awolan al Mesih Yesua bi zahiru kulu subur. Huwo gadir de ka misal le kulu al indu sikha fi huwo lel haya al abadia. ¹⁷ Al an melik ta kulu sinin, al ma bi mutu, wa al mabi ainu, Allah al wahid bes, yikun karama wa mejid ile abad al abaden amen. ¹⁸ Ana be kutu wasia de gidam taki, Timatayo, jena tai, fi asab al nobuat kan amulu an ita, gal inta hai shakil al shakila kwes, ¹⁹ gubudu gowi iman wa demir al kwes. ²⁰ Ze abau haja de, nas tanin karabu iman tumon. Misal yau Hymenaeus wa Alexander, ana selimu humon le Sitan ashan kede humon akudu deris ashan humon ma amulu khatiya.