¹ Farizei'ba Seduki'ba to evoki Yezu ni amare ga, aia anda ni zika nyuma edetere ga aiani rubu ge si si. ² Ki anda ai 'ai ni,"De vu undwe, anyi 'joo, 'Vu ni mi kemu kolu loso, adusiku rubu ikka. ³ De vu ini'ni,anyi'joo, vu ni mi kemu kolu injwi,adusiku rubu ik'ka ongu vu ni mi muyu.'Anyi'ni nga nge'ka rubu ni dile ga ra, ki anyi'ni nga nge'ka saa ni ovi mbwi mbwi ri ni dile ga ku. ⁴ Suru injwi pi as'sa ri pi kunduki alama ni/nyuma ni, ki nyuma zi keru aini ku, te nyuma Yona di 'i." Yezu 'ebe ai ra ongu nga 'mu pi. ⁵ De ma'ju kusa 'ado azika ri ni ga, esuki aini ta saru ''di mugati zika 'to si. ⁶ Yezu 'jo ai'ni, "Anyi'so liri pi anyolu 'takayo du ku akukwe Farizei'ba di Sedukai'ba di ni dile ga." ⁷ Ma'ju lura nga aia lele ga ongu 'joki, "Di 'ba a mugati ezika kuru si." ⁸ Yezu ni aia ra ni ra ongu 'jo,"Anyi 'ba 'ai ga to ri pi,anyulu'ra nga aynini lele ga ongu anyi'joo, di ama mugati ezika kuru si ni 'adusi? ⁹ Adi anye'ra mugati tou 'ba elifu tou a nyale ri pi lesire ri anyita evo si ya ni kpwe? ¹⁰ Kusa, mugati tuderi 'ba elifu su ni, ongu anyi'ta evo si ya ni kpwe? ¹¹ Anyeri ma'nge nga mugati a dile ga ku ni kpwe ingoni? Anyawi mi pi anyiso liri akukwe Farizei'ba di Seduki'ba di to si" ¹² Edu eriki wo ra, anda ri 'nga 'jore akukwe mugati aga ri ni dile ga ku 'i, ki 'ai kuso liri lini Farizei'ba, Seduki'ba di to a dile ga. ¹³ 13De Yezu kesa logo Kesaria Filipi di ni ga, nga 'zi anda ma'ju, "'Ba ku'joo Ago a 'Bura ni 'a'dii?" ¹⁴ Ku'joki."Zipi ku'joo Yuwani ni Batisimu lukere ri 'i, zipi ku'joo, Elia 'i,ongu zipi ku'joo, Yeremia 'i, kusa porofeta alu porofetaa aga si na 'i." ¹⁵ Anda 'jo aini,"Ki anyile, anyi'joo ma adii?" ¹⁶ Peturu 'ai,"Nyi Krito 'i, Bura Ago Rubanga lidi ri di 'i." ¹⁷ Yezu 'jo anda ni,"Nyini anda loso/odu, Simone Ori Yona, adusiku, ru pi eri to ('ba)edete nga di nyini ni ku, ki Ma'Ata ni rubu ge ri 'i. ¹⁸ Ongu ama'jo nyini sa Peturu, pi irra dini ni dige mabi ma'a Eklezia ra.Mori assi di emu zwa mori na ku. ¹⁹ Ma'ke nyini mufuta opi rubu di di ra.Nga alu alu nya ombele vudige dia cwi ri komberu rubu ge sa cwi, pi nga alu alu nya ayule vudige dia ra ri kayuru rubu aga sa ra." ²⁰ vu naniga Yezu ecara anda ma'ju ni ku'joki anda ni Kristu 'i ni ku. ²¹ Enga'zo saa na si Yezu e'do lu'joka na anda ma'ju ni duba kule anda kumu Yeruzaleme ga ra 'i, anda kecandiru nga yayadu si, amba, paderea amba, karania to a diga, addi anda ni ra, ongu edu enji anda ni da ga si ra odu ina zo ri si. ²² Disi wo Peturu ku anda ni maraga,ejja anda ni, "Nga di kole kolu nyidi si lolu, Opi;kederu kwa nyini ku." ²³ Ki Yezu lufuru edu 'jo Peturu ni,"Ki mani ogu ge , Sitani! Nyalala mani di 'i, adusiku nyita asi nga Rubanga di ni ga ku, ki nga 'ba di ni ga." ²⁴ Wo Yezu 'jo anda ma'ju ni," De mo'di 'le mani vu ekole ra, kule kuga anda ni anda'ngasi imbgwe, kungi anda kruce kwe alala, ongu keko ma'ni vu. ²⁵ Adusiku mo'di alu alu lere anda lid'di ni larire ra ri kelegwee ra, pi mo'di alu alu anda lid'di ni legwere ma'a lejo si ri kesuo ra. ²⁶ Adusiku, loso na mo'di ni 'adu de kuta nga vudige ri twadu andani ki kelegwe anda lid'di ra na 'i? Mo'di kelezi/kazi anda lidi wa ri 'adu si? ²⁷ Adusiku, Ago a Bura kemu kemu yayi/keri Ata di si malaika andadi to.Ke'du kuke dide mo'di alu alu ninga anda edele ri ni vusi. ²⁸ Bwa bwa'du ama'jo anyini, 'ba zi anyi ede'ba 'di pi ni aga a'a da'ba ku ri pi 'ii, bwi kundeki Ago a Bura 'a emure ga anda opi ni aga si."