¹ Saa nasi, Yezu mu odu Sabato di si anya ni amvu a si. ma'ju andadi a oluka 'abiri to si edoki anya ni di ongule nyale. ² Ki de Farizei kunde nga di ni, 'joki Yezu ni,"Nde, ma'ju nyidi kedeki nga cara a lele ku ri Sabato si/odu Sabato di si." ³ Ki Yezu 'jo aini,"Anyila nga Davide a edele 'ba andadi to, saa ada/anda oluzo abiri to ri si ri kuru kwa ya? ⁴ Anda kwi zo Rubanga di ni ga, ongu edu nya mugati Rubanga oluka aa ni edetere ri i, esu cara le kuru anda ni mugati na ni nyale anda 'ba to 'i, ki te paderea kunyaa wa ri ni. ⁵ Anyi'la buku cara di ni aga kuru, paderea katu cara Sabato di ni di, ki 'ala aiani dige enji ko 'i? ⁶ Ki ama'jo anyini, mo'di zo lemu/elegi di ni zware ra ri di dia aa dia di. ⁷ Kesu anyini le'jo di ni ekwi ra,'Male kiza, azi ku/male azi ku ki kiza 'i; tani di anyiwa mo'di enji ako ri ku. ⁸ Adisiku Ago a Bura ni Opi Sabato di 'i. ⁹ Yezu nga wo na a si, edu mu sinagoga/zo aidi elegi di i ni ga. ¹⁰ Nde, esu naa mo'di dyi ebwere ra ri 'i.Farizei'ba ziki Yezu ni, cara le mo'di ni ru ebweka odu Sabato di si ra ya?" 'di dudu ai kesu leti andani esiki zo enji edeka si ri 'i. ¹¹ Yezu 'jo aini,"Anyini aga adi si bilo andadi alu tende, 'dere 'bu ali ri ni aga ri ni engere ga 'bu a si odu Sabato di si ku ni? ¹² Anyini mo'di ni weli ni okpwo zwa bilo di ingoni pi! Disidu cara ai nga loso ri ni edeka odu Sabato di si ra." ¹³ Vu naniga Yezu 'jo ago na ni,"'Ejo nya dyi." edu ejo anda dyi, dyi na/e/ emu /ecoru/ loso, dyi azika ri di ani. ¹⁴ Ki Farizei'ba voki la'angwe le'jo care ga anda ru ge.Esu kunduki le'ti anda ni dizo ri 'i. ¹⁵ Yezu etiri le'jo ile iledi, edu aniru/naru/ndweru naa si pi. 'Ba yayadu ko andavu ni, ongu ebwe aini ru borodu ra. ¹⁶ Anda edu ecara ai ni, kedeteki andani ku/anda ni edeteka ku 'i, ¹⁷ du du le'jo profeta Isaia a 'jole ri kolu du anda, anda 'jore ga, ¹⁸ "Anyinde, opigo madi ma a lupele ri; ma a lele ndo ri, anda ni mani asi a ebwezo okpwosi ri.Ma'ba (ma'ku anda ni ma a endi si) endi ma'di andani dyi ge, anda kunge anda ayo pagania ni/'ba Rubanga ni ni'ba ku ri pi ni. ¹⁹ Anda emu ojware ga mori si ku; mo'di alusa uduku na ni erire le'ti aga na sa kolu iyo. ²⁰ Anda emu ngu kwe ni zu ladale ra ri ku; anda emu ezi asi kwe ni kibili ekore eko ri di sa ku, bwi kuzi anda ozare ga kpwa, ²¹ ongu 'ba Rubanga ni ni'ba ku ri kevo kesuki geni anda ru ni aga ra". ²² Mbwe ezi mo'di mi ako pi ti ako, ori injwi ri to Yezu di.Yezu ebwe ru na ra, onguru 'edo loro'joka pi kunde nga wa. ²³ Laki ruta'ba na a ri pi 'auki okpwo si ongu ku'joki,"Mo'di di bwa Davide a ngwa 'i? ²⁴ De Farizei ku'jo ai keri nga nyuma di a dile ga, 'joki,"Mo'di di kuludo ori injwi injwi ri wa ri te mori Belezebuli ni ori injwi ri pi a amba di si." ²⁵ Ki esu Yezu ni ra 'aidi ra ongu 'jo aini,"Opi alu alu laranjure anda nga si ra ri kecoru nga iyo ri 'i, pi tauni kusa zo laranjure nada nga si ra ri olu/ede ku. ²⁶ De Sitani kudo Sitani la'angwe wa, anda lanjuru anda nga si ra. Opi anda di kede/kolu ingoni? ²⁷ Ongu de maludo ori injwi ri mori Belezebuli di si, bonji anyidi kuludo wo ai adi si?Le'jo ekwi di si kevo koluki 'ba evo'ba le'jo lalire anyini dige ri pi 'i. ²⁸ Ki de maludo ori injwi ri Ori Rubanga di si, opi Rubanga di esa anyidi wo ra. ²⁹ Mo'di kukwi nga ogure ga mo'di zi okpwo ri di zuga anda ni ombeka ati kpwa kuru du ingoni? Vu na ni ga, kedu kogu nga anda di zuga ri wa. ³⁰ Mo'di edere mato ku ri le ma ku, ongu mo'di nga ni pa lutare mato aludu ku ri kare nga are. ³¹ Disidu ma'jo anyini,enji alu alu la'da to keberu 'ba ni ra, ki la'da Endi Okole ri ni ruge ri eberu ku. ³² Mo'di alu alu nga injwi 'jore Ago a Bura ruge ri ni enji ke'beru andani ra. Ki Mo'di nga injwi ri ni 'jore Endi Okole ri ni ruge ri a enji 'ebe laka vu di ni ga pi vu emure andaga ri ni ga sa ku. ³³ 'Ba kwe kolu loso, dudu oa na kolu loso, kusa 'ba kwe kolu injwi ongu 'oa na kolu injwi, adusiku ani kwe anda 'oa si. ³⁴ Anyi ini 'boro ni 'bonji, anyi le anyi injwi na, anyi'jo nga loso ri ingoni? Adusiku 'ti ku'jo nga gare asi aga 'de ri ayo. ³⁵ mo'di loso ri ke'de nga loso ri limi/nga loso anda niasi aga ri ni aga si, pi mo'di injwi ri kede nga injwi ri ra injwi injwi lurutare anda ni asidi aga ri ni aga si. ³⁶ Ma'jo anyini odu le'jo lalizo ri si, mo'di alu alu kunge anda ni 'dimba le'jo 'aia lu'jole nya nya ri si ra. ³⁷ Adusi ku le'jo nyidi kedu nyi ni/ke'bee nyolu anda ni , ongu le'jo nyidi kuwa nyi ni." ³⁸ Vu nani ga, karania zipi Farizei zipi to aiki Yezu a ti ongu 'joki,"Laponyi, amale nyuma ndele nyidi si." ³⁹ Ki Yezu ai aia ti ongu 'jo "Suru injwi asa le'ba ndo ri pi kulundu nyuma ni. Ki nyuma zi keru aini ku, rari nyuma porofeta Yona di 'i. ⁴⁰ Kalande Yona a oluzo odu ina pi ini ina 'ebi ambwugo ri ni aga ri ani, Ago a Bura sa kemu kolu odu ina pi ini ina inga aga/inga ni asidi aga. ⁴¹ 'Ba Nineve ga ri pi kevo kedeki le'jo lalika ga suru diadu 'di to ongu kuwaki ai ra. Adusiku ruki aia enji le'jo Yona a ngele ri si ra,ongu anyinde, mo'di Yona ni zware ra ri dia di. ⁴² Kerizi Vu Orule ri di kemu ke'de suru diadu di to le'jo lalire ga ra ongu kuwa ai ra.Anda emu vu ni ti a lokore ga ciri Salmone di ni erire ga, anyinde, mo'di zi Salmone ni zware ra ri dia di. ⁴³ De ori injwi ri nga mo'di ruge si pi, kalali vu iyi ako ri ni aga si, kundu lovuka, ki esu ku. ⁴⁴ Ongu ku'joo anda ngasi, 'Mangwi zo madi ma ebele ra nani ga.' Anda engwire ga, kesuo e'we zo nani a ra pelere ong u 'oba re. ⁴⁵ Vu naniga, kumu kezi ori zipi tuderi anda ni zwaka injwi si ra ripii.Ai borodu kevoki olure ga na'a.Disi wo lidi mo'di na di kuzwa lidi anda di ati ri injwi si ra.Alua ri ani, di nga emure redere suru di ni ri 'i." ⁴⁶ Saa Yezu a loro'jore ga laki to ri si, nde, ende pi adinji to edeki la'angwe, kunduki le'ti loro'jo zo anda to ri 'i. ⁴⁷ Mo'di zi 'jo anda ni, "Nde, nyende pi nya adinji to edeki la'angwe, leki loro'jole nyi to." ⁴⁸ Ki Yezu 'ai anda ni ti, ku'jo,"Me'nde ni adii ongu ma'adinji ni adi pi 'i?" ⁴⁹ Ongu e'jo anda a di ma'ju anda di ni ga lele ongu 'jo,"Anyi'nde,mende pi ma'adinji to 'di! ⁵⁰ Adusiku, mo'di 'le ma'ata ni rubu ge ri di ni edere ma'adozi 'i, ma'ambazi 'i, pi ma'ende ''i."