¹ O’du alu zi si de esu yesu keleni ‘ba Rubanga ni zo gakunge ofu loso keri Rubanga di di ‘i, ‘ba amba to evokii. ² Zikii andaa ni, “mori ingo ‘i ke’be nyede nga ‘di pi, kusa a’di ke nyini mori ‘di ni?” ³ Yesu longwi a’ini ku’jo, “masa mamu mazi anyi lazi alu si, anyaka mani. ⁴ Batisimu yoane dimori na enga rukuge si de enga ‘baga?” ⁵ Emukii ti a’i a’ini ku’jokii, “de ama’jo, ‘enga ru’buge, andaa kumu kuzi ama a’jo, ‘a’dusi anya’i andaa ni kuru?’ ⁶ Ti de ama’jo, ‘enga ‘ba ga si, ‘ba tuwadu vu kuwa ama onisi, a’dusiku ‘ba tuwadu a’ikii gbgbadu yoane ni nebi.” ⁷ ‘Disidu longwikii yesu ni ku’jokii a’i ni ku kare mori na enga laka si rii. ⁸ Yesu ku’jo a’ini, “masa ma’jo anyini ku ovi mori maa nga dipi ni edezo rii. ⁹ Yesu e’do le’jopakwi ‘di ni ‘bele laki ni ku’jo, “andaago zi su vino andaa di amvu aga, e’be i'bu’ba di ga, mu pi kare lolu ga alu laka para. ¹⁰ De saa kate ra, andaa gwe andaa i'bure zi losi’ba iledi dudu kekekii andaani vino ni ‘o’a zi, ti losi’ba ile mgbakii ago ile dokii pi ngwi di ni ‘asi isa. ¹¹ Ongu andaa zwe i’bure zi, andaa saa edekii andaa ani, edekii nga injwi ruaru. ¹² Ongu zwe nazo na, ladakii andaa ni, zwekii vule. ¹³ Vu na ni ga amvu ni ata ra ku’jo, “mamu mede a’du diadu? Mamu mazwe maa ngwa ni maa lele ndo rii, nosi kuvo kuru kii andaa ni ra. ¹⁴ Ti de i'bu’ba ile kunde andaa ni, la’jorukii a’i a’ini ku’jokii, ‘di mo’di limi ‘di ni ata gba rii, aku’dikii andaa ni pko, e’bedu limi andaa mule esule logo ri kolu du amani. ¹⁵ Zikii andaa ni laangwe amvu vino di ileni ga si, ‘dikii pko. Amvu ile ni ata kumu kede a’i ingoni? ¹⁶ Andaa kumu kemu, ku’di losi’ba ile tuwadu pi, kumu kuke amvu vino di ile ‘ba zi ni.” De kerikii le’jo ‘dii, ku’jokii, “ileni ku!” ¹⁷ Ti yesu nde a’i opko, ‘jo a’ini, “ti ‘di a’du anda cwile a’jo, “oni i'bu’ba a wale pi ri avo eco ani amgbugodu rii zo ni bara ga?” ¹⁸ ‘Ba tuwadu ‘de’ba oni ‘di a dige ri kuvo kongu ra, ti de oni ‘di ku’de mo’di di ge, kumu kungi mo’di ile ki’jiki’ji.” ‘Ba cara lemi’ba pi ‘ba lazi azire Rubanga ni amba ri to lekii andaa ni kole saa ile si, ti orikii laki ‘ba di ra, a’dusiku esu nikii losodu andaa ‘jo le’jo ile a’ia ruge. ¹⁹ ‘Disidu karania cara musa di ni lucwi’ba ri a’i ‘ba amba lazi aziba Rubanga ni ri pito ndukii leti yesu ni kozo saa ile si, a’dusi nikii ra a’jo andaa ‘be le’jo pakwi ‘di a’ia ru ge. Ti orikii ra ‘ba ile si. ²⁰ Ndekii saa loso ri, zwekii ‘bazi ciri si andaa di, dudu kokokii le’jo andaa ‘jole ripi e’bedu a’i kuko du andaa ni a’i kuke amba vu zwa re ri a diga. ²¹ Zikii andaa ni ku’jokii, laponyi, amani ra nyulu’jo le’jo pi nyeleni lemi anda rii, iyalanju saa ‘ba ni lele ku, ti nyeleni leti Rubanga di anda. ²² Kulee amacwa musoro sizari ni de amacwa ku?” ²³ Ti andaa ni a’ia cirri ra, zi a’i ku’jo, ²⁴ “adi anyete’de mani rubiga musoro lokwezo ri a ovi. Eno pi nga cwile ruaru ‘di a’didii? “a’ikii ku’jokii, “sizari di ‘i.” ²⁵ Yesu ku’jo, “anyike nga sizari ‘di andaa di, pi nga Rubanga di anyike Rubanga di.” ²⁶ ‘Disi du esukii le’jo zi kuru andaa tige si laki andaga, ongu a’ukii cwi ovi andaa le’jo ile ni akaka a’ini ile ani si, e’bedu dikii ciri. ²⁷ Sadukei’ba zi evokii yesu di, a’i ‘ba ‘jo’ba daka ra ri enji ku rii. ²⁸ Zikii andaa ni ku’jokii, “laponyi, musa anda cwi amani ku’jo, ‘de mo’di ago kuda ra ke’be izi ‘bonji ako, kulee adozi kungwi izi ile, e’bedu kuti ‘bonji adozi ni di du ²⁹ Andaa andi’ji tuderi aa, atizo ri ‘du izi, ti da ‘bonji ako. ³⁰ Rizo ri, pi nazo ri to ‘boro ngwikii izi ile ra, ovi alu ‘di ani a’i tuderi tuwadu ngwikii izi ile ra, adakii ‘bonji ako. ³¹ Nazo ri ngwi izi ile, pi ovi alu alu ri ani, a’i tuderi tuwadu ngwikii izi ile rat i a’i tuwadu odakii e’bekii ‘bura kuru. ³² ‘Di a vuga izi ile saa da ra. ³³ O’du ‘ba enjizo da a si ri ni nga izi ile kumu kolu a’di a izi i' a’ia lelega? A’dusiku a’i ago tuderi tuwadu olukii to dura.” ³⁴ Yesu ‘jo a’ini a’jo, “ba saa ‘disi ri ku’duru, ti ‘ba ovile sarega kare na ni ga, pi enjire ga ‘ba oda’ba ra gasi ri vo ‘duru ku, ³⁵ Ti a’i'jole atere ra o’du ile ni nga enjika da asi ri ni esre gar i vo ‘du uku ku ongu avo age a’i sa ku. ³⁶ A’dusiku vo odakii ku, vo kuvirukii vi malaika to, a’i ‘bonji Rubanga di ‘i, pi ‘ba enji’ba pi da a sir ii. ³⁷ Ti de le’jo ‘ba a enjizo da asi ri a ruge, musa ni gba ri sa e’dete ra kare rudu ekore asisi ri nig a, de andaa lungwe Rubanga ni a’jo “Rubanga Iburaimu dii, Rubanga isaka dii, pi Rubanga yakobo dii.” ³⁸ ‘Disidu Rubanga ni Rubanga ‘ba kpo rid ii ku, ti andanni Rubanga ‘ba lidi rid ii, a’dusiku ‘ba tuwadu kolu lidi andaasi. ³⁹ ‘Ba zi’ba cara leni’ba lelega akakii andaani ku’jokii, “laponyi, nyi’jo ada.” ⁴⁰ ‘De a vuga, enjarukii idisa kuru andaani zirega le’jo zi si. ⁴¹ Ti yesu zi a’iku’jo, “ba ku’joo ingoni a’jo masiya ni Rubanga ovile ri ori Daudi ‘i?” ⁴² A’dusiku daudi ni gba ri ‘jo buku jabuli di nig a a’jo, “opi ku’jo maa opi ni, ri maa di anda nig a, kare yayi di niga. ⁴³ Kusa ko saa am’ba nyide ni ecozo kolu du komi nyaa pa ni atizo.” ⁴⁴ ‘Di avi, de wo Daudi kulungwa andaani opi na, ongu kumu kecoru Daudi a ngwa ‘i ingoni?” ⁴⁵ Saa laki ‘budi tuwadu ri a le’jo andaa di ni erire risi, yesu ‘jo ‘ba andaa vu ni oke’ba ri ni, ⁴⁶ “Anyekukaru ‘ba cara lemi’ba ri a ruge, kulekii laweka bongu jelebiya si, ongu saa kulekii ‘ba kuluzi a’i lazi si soko a si, kulekii lurika komi ‘ba amba de ni ga de kurokii kare ‘ba emuree laka ri ni ga na’i, ongu saa kulekii orile komi yayi dini gal emu lonya diniga. ⁴⁷ Kepakii zo awizi de, ongu kelegikii elegi azo ‘ba lunjwazo papala. Avo ali le’jo amgbu a’ia dige kalaga pi.