¹ ‘Be a’ini le’jopakwi a’ini lenizo dudu a’i kelegi ini tuwadu e’beka na ako landeka ako. ² ‘Jo a’ini “and’ba zi ni ga mo’di le’jo lalire zi aa, andaa ori Rubanga ni ku, kesu’ba saa andaa ru ku. ‘ba ileni ga saa esu awizi zi aa kalamu andaa di o’du tuwa ku’jo laka, “lali le’jo ama lelega maa amire to. ³ Esu awizi zi aa’ba ileni aga, pi andaa kemu o’du tuwa andaa di, ku’joo laka, “Eloko ma dudu amesu maa anda mo’di mani lere ku ile si si. ⁴ Vukarako si mo’di le’jo lalire ile ga le’jo awizi ile di imgbe, “de kesu amori Rubanga ku, amaru ‘ba ku sa’i, ⁵ Ti izi ‘di kecandi ma ambamba mamu malali le’jo andaa di andaa avire to ra, kudi mani ecandi lawere ga madi ‘odu tuwa ku.” ⁶ Opi ku’jo, “anyeri le’jo mo’di le’jo lalire ovi injwi ri a’jole ri. ⁷ Rubanga mu lali le’jo ‘ba andaa di andaa ovile owu’ba andaa ni itu pi ini to ri a lele ga avi’ba a’idi to ku? Andaa kumu kekalaru ra ede nga zi a’ini ku? ⁸ Ma’joo anyini, andaa kumu kalali le’jo ezeze ‘ba andaa di a lelega avi’ba a’idi to. Ti majoo anyiru, de ori mo’di ni kumu emure, gbagbadu kumu kesu a’i ra vudige?” ⁹ Ongu andaa ‘be le’jopakwi ‘ba ‘jo’ba a’ia ovi loso kedekii ‘ba zi’ba ri a ruge Ku’jo. ¹⁰ “Ba ri anda vo elegi ga Rubanga di zo ga, mo’di alu fariseigo, zina ri mo’di musoro lutare ri’i. ¹¹ Fariseigo ile ede elegy andaa nga si ku’jo, ‘Rubanga, manjo nyi a’dusiku molu’bu azika ri pi aniku, mulumbe’ba, egenile kperi pi, asa’ba, masa ma muoro lutare diani ku ¹² Mata abiri vuri sabiti alu a ga, make alu mudi aga maa nga tuwadu maa esule ri pi ni aga si? ¹³ Ti mo’di musoro lutare ile ede lolu, le saa andaa mi ni ngika oru ku, ti andaa di andaa aga, ku’jo, ‘Rubanga, ede mani kiza, a’dusiku ma enjire? ¹⁴ Ma’joo anyini, mo’di ‘di mu andaa di zo ga zwa le’jo ra zwa ago aka na sa ra, a’dusiku mo’di andaa ni ‘bare amba a’jo andaa zwa ‘ba tuwadu ra ri avo olongwia vuru, ti mo’di ru’bare vuru andaa nga si ri kumu kolu amba ¹⁵ Ezikii ‘bonji ciri andaa di, dudu ku’ba andaa di ru na pi ni ga, de maju kunde di, lungakii a’i udi. ¹⁶ Ti yesu lungwe a’i andaa di, ku’jo, “anye’be ‘bonji kevo madi, anyuluga a’i ku; a’dusiku keri Rubanga di ‘ba a’i ani ri pi dii. ¹⁷ Gbagba du ma’joo anyini, mo’di keri Rubanga di ni a’ire kende ‘bura toro ani ku ri mu toru laka ku. ¹⁸ Mo’di amba zi zi andaa ni, loponyi loso ri, amide a’du dudu amesu lidi lokore ku rii?” ¹⁹ Yesu zi andaani ku’jo, “a’dusi nyulungwe ma a’jo ma mo’di loso? Mo’di zi iyo vu digee ‘dia loso na ‘i, te Rubanga ‘i, papala. ²⁰ Nyini cara ra, a’jo, “ede asa ku, ‘di ‘ba ku, olu sadeni enjo rii ku, ru nyende pi nyata to! ²¹ Aka ku’jo, “mako le’jo ile pi tuwadu, e’doru maa ‘bonji ni nga.” ²² De yesu keri ‘du’jo andaani, “adi nye’be nga alu, lezi nyaa nga aa ri tuwadu, lapi limi na candi’ba ni, ti nyimu nyolu karako to zule nyini rubuge rii, nyidi emu mani vu okore. ²³ Ti de andaa keri le’jo di, asidi vako icandi cwi, a’dusiku esuandaani limi amgbu to. ²⁴ Yesu kunde andaani, ‘jo laka, “opko karako koroni ni rutozo keri Rubanga di ni ga. ²⁵ A’dusiku kolu epe nakanaka ni rutozo libira ni mi ge si kuzwa, kuzwa koronigo ni rutoka keri Rubanga di nig a” ²⁶ ‘Ba tuwadu le’jo ‘di ni Erika ri kujokii andaani, “ti a’di kate lararika ni?” ²⁷ Yesu akaku’jo, “nga ‘di ateku ‘bani, ti Rubanga di si batera.” ²⁸ Petero akaku’jo, “nde ama, ‘be ama ‘ba ra ameko nyaa vu’i.” ²⁹ Andaa ‘jo a’ini, “Gbadu, ma’joo anyini, mo’di zi iyo andaa zo ni e’bere, deku izi e’bere, kusa adiinji, kusa andaani oti’ba, kusa ‘bonji andaa dii ni ebere keri Rubanga di si, kumu kesu ‘dini zware pi vu karako ri ‘i saa ‘disi pi saa emure andaga ri si andaa kumu kesu lidi lokore ku ri ‘i.”Yesu angwa le’jo andaa da ruge vu na zo ri si. ³⁰ Kesu de kumu kesu nga vu dige ‘dia ri nja ku sa’i, ti vu mure emure andaga na ni ga kumu kesu lidi likore ku ri ra.” ³¹ Yesu zi ‘ba andaa di mudi a limbi ri bara ga, ‘jo a’ini, “anyinde avokii Jerusalemu ga ‘dii, le’jo tuwadu anda nebia a cwile ori modi a ruge ri kumu ko’biru andaa kare nig a. ³² A’dusiku avo ake andaani juru diga, kuvo kengalikii andaani, kuvo kedekii nga injwi andaa ruge, kuvo kuwikii tuge andaa ruge; ³³ Kuvo kumgbakii andaa ni kuruba si, kuvo ku’dikii andaa ni ra, ti o’du nazo ri si andaa kumu kenji lidi idi.” ³⁴ Erikii le’jo ile ni ekwi alu sa kuru, pi le’jo ‘di azu a’i ni di, pi erikii le’jo ‘jole ile a pa alusa kuru. ³⁵ De kusakii ire jeriko to, ago zi mi ako esu ri leti bara ga nga a’ire. ³⁶ De andaa keri ‘ba ni laki kalaga andaa bara ga si, andaa zi a’jo, “ile a’du kederu ni?” ³⁷ ‘jokii andaa ni, “yesu ni nazareti go ri kalaga ni.” ³⁸ Ago mi ako ile ajwa ku’jo, “yesu, ori dandi, ede mani kizo ‘do!” ³⁹ ‘Ba anda laga’ba ati yesu a andaga ri lugaakii andaa ni kujokii, “egori, de ciri,” ti andaa enjaru enja ojwaka to, “ori daudi, ede mani kiza!” ⁴⁰ Yesu ede cwi ecara ajo akezi andaa di. De kesu ire, yesu zi andaa ni ku’jo. ⁴¹ “Nyile amide nyini a’du?” mo’di mi ako ile aka ku’jo, opi, male maa mi kunde nga. ⁴² “yesu ‘jo laka, nde nyanga vu, a’i nyidi adi nyi ra.” ⁴³ Mgbasa e’do nga ndeka, ko yesu a vu kumu yayi kesi Rubanga ni. De ‘ba tuwadu kundekii ‘di, ecuukii Rubanga.