¹ ‘Di a vuga, yesu ovi’ba zi mudwi tuderi, zwe a’i eri eri andaa andaga, dudu kwokii ‘ba tuwadupi kare tuwadu andaa lele murega rii. ² ‘Jo a’’ini, “anya kara lwale, ti ‘ba lwa’ba na ga, ‘disi anya’i anwu ata ni, e’bedu andaa kuzwe I’bu’ba anya lware ga. ³ Anyioo anya nga, ti nde, magwe anyi kende bilo’bonji ani moyi lele ga. ⁴ Anyizi jujulau limi di, kusa kubegu to ku, kesa nwuka saa ‘i; anyizi ‘ba leti ge si ku ⁵ Zo tuwadu anya kwire ga ri anyi’jo, “I’bwe kolu zo ‘dia” ⁶ De’bura I’bwe di aa zo ga ile’dia, anya ibwe kolu laka ile’dia, tide iyo, anya i'bwe kengwi anyidi ⁷ Anyolu zo ileni ga pi anyinya nga pi anyimeru nga kele anyini rii, a’dusiku mo’di i'bure ri dubasi akolokwe. Anyediru zo ga si zo zi ni ga ku ⁸ De anyikwi ‘ba zi ni ga pi a’iki anyi ra, anyinya nga ‘bale anya andaga ri; ⁹ Anyadi ‘ba ru injwi laka ri, anyinge a’ini a’jo “keri Rubanga di esa ititi anyito.” ¹⁰ Ti de anyikwi ‘ba zi nig a, a’ikii anyi kuru, anyivo leti ‘ba ile di ni ga, anyi’jo, ¹¹ ‘kesu rufu’du anya ‘ba di lebire ama pa ga ri sa amotuo pi anya ru ge; kesu ileni sa, kulee anyini ‘di ‘jo keni Rubanga di esa ititi anyi to. ¹² Ma’joo anyini, o’du ilesi, icandi sodoma di kumu kolu dubaduba kuzwa ‘ba iledi ra. ¹³ Nyimu nyowu opkosi, nyi korazin! Nyimu nyowa opkosi, nyi Betsaida! Adusiku kesu anda i'bu rongo opko Rubanga dini e’dete re edele anyini aga ri akede turo ga sidonato, tebe ‘di ecoki asi ra, korikii ufudo anga ki kui’i kii kapili. ¹⁴ Ti candi Turo pi di sadona to kumu kolu duba duba o’du gedia lalizo ri ni ga kuzwa nyidi ra. ¹⁵ Pi nyi kapernaum, avo angi nyi ra oru rubuge? Ileni ku, avo alongwi nyi vuru ‘bu di aga. ¹⁶ “Mo’di anyi ni erire, kesuo eri ma’i, mo’di anyi nig are ri kesuo ga ma’i, pi mo’di mani ga re ri kesuo ga mo’di mani ezwere ri ‘i" ¹⁷ Ba muudwi tuderi ile engwikii vule asi i’bwe to, ku’jookii, “opi, kesu ceni injwi rii saa kerikii ama cara nyaa ru si !” ¹⁸ Andaa aka ku’jo, “mande santani ni e’de vuru enga ru’bu ge si kende iyi lovi ani. ¹⁹ Nde, make anyini mori ini pi itoni to tuzo vuru, pi opko tuwadu avire di to; nga zi iyo mure anyini edere injwi na’i. ²⁰ De kesu ileni saa, anya asi kolu i’be ku a’jo ceni eri anya cara ra, ti anya asi kolu i’bwe a’dusi acwi anya ru ru’buge. ²¹ Saa ilesi yesu olu anjo to ole aga pi ku’jo, “manjo nyi mata, nyi opi ‘bu di pi vu di to, a’dusiku nyizu le’jo ‘dipi di ‘ba ciri pi nga ni ‘ba ri pi ni, ti nye’dete a’i ‘bonji ciri ni; gbadu, mata, a’dusiku nyile andaa ni. ²² Nya tuwadu mata eke madi pi; mo’di zi ngwa ni nire na iyo te ata’i, ongu saa mo’di zi atani nire na iyo te ngwa ‘i, pi mo’di ngwa a ovile dudu ke’dete ata ni andaa ni ri ‘i. ²³ Yesu lufuru andaa maju di’jo a’ini, “andaa ni anda loso to mo’di nga anya ndele ri ni ndere ri ‘i. ²⁴ A’dusiku ma’joo anyini, nebia pi opi karako to anda lelsi opkosi nga anya ndele ‘di ni ndeka, ti ndekii kuru, pi leki nga anya erile ‘di ni Erika, ti erikii kuru.” ²⁵ Nde, ago zi alu cara musa di ni lenire ‘ba ni ri nga oruu ama yesu a asi zi andaa ni, “Loponyi, dubasi le amide a’du lidi olure tadu ri ni esuzo? ²⁶ Yesu zi andaa ni, “acwi a’ducara ga? Nyilaa ingoni? ²⁷ Aka ku’jo “Le Rubanga nyidi nyaa asi si tuwadu, nyaa endi si tuwadu, nyaa opko si tuwadu, pi lara nyidi to tuwadu; le nyaa rezi ni saa nyaa nyini lezo ri ani.” ²⁸ Yesu aka tin a ku’jo, “nyaka anda; ede ile ani nyimu nyadi ra.” ²⁹ Ago ile le andaa kuzwa le’jo ra zi yesu ni ku’jo, “maa rezi ni a’di ‘i? ³⁰ Yesu aka laka ku’jo, “Ago zi anda nga Jerusalem ge si, kusi vuru jeriko, ti esurukii ‘ba kuraka di to, ngekii bongu run a ni ga si pi, mgbakii andaa ni, vokii pi e’bekii andaa ni ire dato. ³¹ Mo’di lazi azire Rubanga ni ri esu saa kemu leti ile si, de kunde andaa ni, ku laga bara ga si. ³² Ovi alu ri ani, levigo de kesa kare ile ni ga, nde andaani, pi ku bara ga si laga andaa nga. ³³ Ti samaria go esu kumu leti ilesi, de kesa kare ileni ga, nde mo’di ile, kiza ko andaa ni cwi. ³⁴ Mu laka, cu odu pi vinoto bi na nig a kudi ombee cwi. ‘de a vuga andaa ‘ba andaa kaino ni dige zi zoo mu di ni ga,mba andaa ta laka. ³⁵ Lovuru na si, ‘du rubiya ke mo’di zo omudi ni ata di pi’jo andanni, “lomve mo’di ‘di, nga tuwadu ngaa edele andaa ni ri mamu molokwee nyini ra maa engwi nga ³⁶ A’dini ago ‘dere ogu diga ile a rezi ‘i ‘ba ‘dipi ni lele ga? ³⁷ Aka ku’jo, “mo’di kiza edere laka ri ‘i. "yesu ku’jo laka, nyisa mu ede ile ani.” ³⁸ Lele a’ia vore leti si ri, yesu ku ‘ba zi nig a, pi izi zi run a marta ‘i a’i andaa ni anda dizoga ³⁹ Esu andaa ambazi run a maria ‘i ri ri yesu a baraga keri andaa le’jo ‘i. ⁴⁰ Ti marta ni esu kecandiru i'bu karako si; andaa mu yesu di, zi andaa ni ku’jo, “amba, nyiraku maa ambazi e’be ma i'bu ederega a’dute? “Jo laka dudu andaa kemu mani elokore.” ⁴¹ Ti opi aka ku’jo, “marta, marta, nyuluranga karako, nyingi asi oru nga karako si, ⁴² Ti nga rulere ri alu papala, maria ovi nga loso vole ‘dule andaadi si pi ku ri ‘i.