^{1 2} 1 Anye'be lale adinji di kenjaru. 2 Anyini ta kusaru ku omu ekukarega. A'dusiku nga 'dini 'dipi ni edeka si 'ba zi'a ekuka malaika ra nikii ku du. ^{3 4} 4 Anya di kusaru ku 'ba mabusu ga risi kende anyi saa mabusuge a'ito ani. Anyira 'ba ecandi a'i ripi kende anyi saa anyi a'iani ruge. 4 Kulee 'ba tuwadu kunde nga la'du dilega laru si, pi kulee akekuka lengeri la'du di kolu pelere, a'dusiku Rubanga kumu kalali le'jo 'ba mi mgba'ba pi 'ba asa ede'ba ri ni dige ra. ^{5 6} 5 kulee anya lidi niga any'ba anya asi limi ruge ayo ku. Nga aa anyidi ri kulee kate anyini ra, a'dusiku Rubanga ni Andaa ngasi ku'jo, " Mamu me'be anyi ku pi mamu maluyi anyi pi ku." 6 Kulee nga kate ama ra dudu amolu asidi ni okpo to 'jozo, " Opi ni mo'di mani elokore ri 'i,' mamu molu ori ako. Mo'di isa ri kumu kede mani a'du ?" ^{7 8} 7 Adi anyinde 'ba amba anyidi, a'i le'jo Rubanga di ni nge'ba anyini ripi, pi anyinde ovi a'ia i'bu a lokozo ri, anyoko a'ia a'i ni vu ayo. 8 Yesu Kristo ni lufu ovi ku e'doru agini, esa ko andu pi kumu kolu ileni 'bo'bodu. ^{9 10 11} 9 Anye'be lini mgbimgbi pi u'di ri kuku anyi pi ku. A'dusiku andaa ni loso kulee 'bani asidi kolu okpo kiza si, lonya si ku, a'dusi lonya ekonyi 'ba i'bu ede'ba lonya si papala ri ku. 10 Ama ki'dori to, ki'dori 'dii olu ki'dori Isaraeli 'ba di ani ku, a'ia nga azirega Rubanga ni kema ileni aga rii, a'dusi ki'dori amadi 'di niga 'ba i'bu ede'ba kema aga ri a'ini anda iyo nga nyazo. 11 A'dusiku eri anyukwa olile enji 'ba di si ri mo'di amba 'ba nga azi'ba Rubanga ni ri kuzia kare okole ri niga, kesuo iza anyukwa ile pidi adua asi si ganyi logu. ^{12 13 14} 12 Yesu 'i saa ecandiru laangwe kotumi 'ba ile di niga, dudu Andaa kelembe 'ba Andaa eri si. 13 Anye'be avokii laangwe Andaa di ganyi aga si, akungikii dinja Andaa ebile ri. 14 A'dusiku amani 'ba oluzo 'bo'bodu 'dia na iyo. Rari amandu 'ba mure emure rii. ^{15 16 17} 15 'Disi, Andaa si, kulee o'du tuwa si akazikii lazi Rubanga ni ecuzo rii, amecu Andaa ru ni ama ti si. 16 Amani nga kusaru ku nga loso ripi ni ederega pi nga lamirega 'ba zi pito, a'dusiku Rubanga ni asi i'bwe ambamba lazi ovi 'dini 'dipi si. 17 Anyiru amba anyidi pi anyoko a'ia cara ni vu ayo, a'dusiku a'i kekuka anyi ni endi ni kende 'ba tozo vo'ba ofu anyidi ni ke'ba Rubanga andaga ri ani. Anyeri a'ia le.jo 'i dudu kedekii i'bu a'idi asi i'bwe to, luzuka ako, a'dusi de kedekii i'bu luzu to, 'di ku'ba mu olu loso anyini ku. ^{18 19} 18 Anyelegi amasi, a'dusiku amani losodu ama lara anda pi amale olule anda nga tuwaduga. 19 Memba anya asi dudu anyede kalaga 'di pi e'bedu akolongwi ma anyidi eze. ^{20 21} 20 'Diadu kulee Rubanga i'bwe di bilo leyi amgbugodu ri ni enjire pi da aga si rii, Andaa ni ama Opi Yesu 'i rii, eri ra'ika 'bo'bodu ri di si rii, ko'ba anyi baba nga tuwadu loso ri ni aga, dudu anyede nga Andaa lale 'i, kedee ama 'aga dudu amede nga Andaa lele loso rii, Yesu Kristo si, Andaa ni kolu eku tadutadu, Amen. ^{22 23} 22 'Disidu memba anya asi, maa adiinji, anyepi asi le'jo asi embazo maa cwile anyini gaangwadu 'di niga. 23 Kulee anyini a'jo ama adozi Timoteo ni ayu ra, mamu mamde anyi ra andaa to kare aluga de andaa kesa eze na'i. ^{24 25} 24 Anyizi anya amba tuwadu laka, pi 'ba Rubanga di okole ripito. 'Ba Italiya ga 'dia ripi saa zi anyi laka. 25 Kiza kolu anyito