¹ Ofu ‘dii enga Simone Peturu ni opigo pi maju Yesu Kristu dii ridi, acwi ‘ba a'i ambugo alu alua ri ni esu'ba amato kare aluga ri ni, a'i andaanda ama Rubanga pi amani Larire Yesu Kristu di ni aga. ² Kulee kiza i'bwe to kenjaru Rubanga ni nizo pi ama Opi Yesu Kristu ni nizo saa. ³ Okpo Rubanga di okole ri ke ama ni nga tuwadu ama lele lidi ni pi oluzo ‘ba Rubanga di ani ri, pi Andaa ni anda amani lungwere Andaa eku pi loso lagare pi risi ri ni nizo. ⁴ Lejo 'dipi si Andaa ecara ama ni nga ambugodu pi loso rere rii, cara 'di a le'jo si anyesu du ovi Andaa di okole ri, anya efeka pi lara injwi vu enjire ri ni ga si. ⁵ 'Disidu, anyenjaru loso enjaka to anya a'i ni ga, pi loso dige anyenja ciri, ⁶ Anya ciri ni dige anyenja ru ekuka kaa, ru ekuka kaa dige anyenja nga mika, nga mika dige anyenja Rubanga ruka, ⁷ Rubanga ruka ni dige anyenja adiinji lekaa, andiinji lekaa ni dige anyenja le ‘ba tuwadu ni. ⁸ De nga 'di kolu anya asige pi kumba anya 'aga ku'baa anyede i'bu anyolu o'a ako ku lani ama Opi Yesu Kristu di ni ga. ⁹ Ti mo'di nga 'dipi ako ri kunde nga ire, kusa mi ako, nga na saru di a'jo anda ajwe andaa ni andaa enji oku ni aga si pi. ¹⁰ 'Disi du, ma adiinji, anyembaru okpo dudu Rubanga a anyini lungweka pi anyini lupeka koludu gba, a'dusiku de anyede nga dipi'i, anyivo anyi'de pi ku. ¹¹ Le'jo 'disi avo ake anyini okpo njari kwizo opi Opi amadi Yesu Kristu di olure tadu ri ni ga ra. ¹² 'Disidu o'du tuadu si saa mera anyi nga 'dipi si,, kesu de anyini a'i ra ongu kesu anyi okpo gba diadu aa anyito ri ni aga saa 'i. ¹³ Mara kolu ma ni loso ma olure adi lidi rii de emera anyi le'jo 'dipi si. ¹⁴ Mani ra kema 'di ire avo ataa pi, a'dusiku ama Opi Yesu Kristu e'dete nga 'di mani ra. ¹⁵ Memu mo'bie okposi dudu de maa olunga iyo saa anyate nga 'dipi ni erakaa wa saa tuwadu si. ¹⁶ A'dusiku amoko nga 'ba a lurale a'ia ciri si kusa o'do 'ba di ni vu ayo ku de amange anyini okpo pi emuka Opi amadi Yesu Kristu di dii na'i, ti ama sadenia Andaa eku dii.amande ama misi. ¹⁷ A'dusiku Andaa esu laru pi eku Rubanga Ata disi de u'duku kenga Eku Amgbugo disi ru'buge si ku'jo, " 'Di andaani 'bura madi maa lele ndo rii, mani asi i'bwe Andaa si." ¹⁸ Ameri amangasi u'duku engere ru''bu ge 'di ra, ama olure Andaa to 'be okole ri a di ge rii. ¹⁹ A'dusiku amani le'jo profeta a 'jole ri ani ri ecoru anda, kulee anyita asi laka kende lamba vu 'jire vu ini aga ri ani kusa ko vu a owire ga pi lelego kirijobi a efurega anya asidi niga. ²⁰ Lagare pi rii, kulee anyini a'jo le'jo profeta di cwile buku ge ri enga mo'di ni lara ga ku. ²¹ A'dusiku lejo profeta a ngole ri emu le mo'di di si ku, rari ngeki lejo engare Rubanga di si rii okpo Endi Okole ri di si.