¹ Ake'ja mo'di amba ku. Rari leni andaa ni kende mo’di ata ani. Leni yayi kende adiinji ani. ² Leni uku amba ri kende ende ani, pi uku ciri ri kende avuunji ani ovi okole ri si. ³ Ke laru awizi ni,a’I awizi gbagba du ri pi ‘i. ⁴ Ti de awizi zi aa ‘bonji to, kusa 'bonji ni 'bonji to, kulee ke’dokii laru e’deteka 'ba a’idi zo ga ri si. Kulee kolongwikii nga loso 'ba a’I ni ti’ba ri ni, a’dusika ‘di kuke anjo Rubanga ni. ⁵ Ti andaa ni awizi gba rii, e’be a’dule rii,igeni andaa di ni 'bare tuwadu Rubanga ni ruge rii, pi renzare elegi ga ini pi itu rii, ⁶ Ti izi olure te anjoanjo ru di si ri andaa ni kpo, kesu andaa ni lidi ruge sa’i. ⁷ Ke a'ini lini ‘di saa, dudu kolukii le’jo ako ruge. ⁸ Ti de mo’di kumba andaa o’di nita kpe, amba mba ri ’ba andaa di zoga rii, andaa ga a’i imgbe ongu andaa injwi zwa mo’di a’I ako rira. ⁹ Kulee awizi ru cwile vuru ri kinya na kalaga mudi aziya ni ra, esu olu ezesi izi ago alu di’i. ¹⁰ kulee ezesi akuni andaa ni ra i’bu loso ri ni edeka si, ‘di andaa mba ‘bonji ni ta ra ya, kusa mba omu ni ta ra ya, deku saa 'di jwe ‘ba okole ri a pa ra ya,diyo eloko candi’ba ra ya, deku azi ru tema i’ibu loso tuwadu ri ni ederega ra ya. ¹¹ Ti awizi ciri ri, kulee anyicwi a’i a ru vuru waraga ga ku. A’dusiku de kuvo kerikii abiri ru di 'jare Kristo to ri ra, kulekii ru’duka. ¹² Ovi ‘di si ku’ba ku’dekii enji aga ke'bekii a'ia razika ati ri ra. ¹³ Ongu saa kelenikii ovi ovudi pi kalaweki zotisi. A’i olu te ovu ku, ti a’i saa kulu’jo le’jo konyi ako ri pi ongu lulusurukii ‘bazi ni le’jo ga, kulu’joki nga ateku a’ini ‘jole ri pi 'i. ¹⁴ ‘Di si male uku ciri ri ku'duru, kutikii ‘bonji, kumbakii zo ni nga, ongu kukekii kare ku avi’ba ni ‘ba ede zo. ¹⁵ A’dusiku ‘ba zi’ba ku pi Satani a vuga ¹⁶ De izi a’ire ra di awizi aa, kulee andaa keloko a’i, dudu teri kolu nja eklezia dige ku, dudu akekonyi awizi gbagba ri ayo. ¹⁷ Anye’be amba i’bu ede'ba loso ri akuke a’ini laru vu ri, ambamba ri a’i ‘ba le’jo nge’ba pi ‘ba leni’ba ri to. ¹⁸ A’dusiku buku ku’jo, ‘’Anyombe ti anya ture ri ni ti ku’’ ongu "i’bu edere ri ni nga kele kolu aa.’’ ¹⁹ Kulee anyeri sikia amba zi ruge ri ku, de sadenia ri kusa na iyo laka na ‘i. ²⁰ Edu enji’ba ‘ba tuwa andaga si dudu ori kuko ‘ba zi’ba ri ra. ²¹ Mecara nyi okposi Rubanga ni andaga pi Yesu Kristo ni andaga pi angeli ovile ri a andaga, mba cara ‘di a nga mgbimgbi ako ’ba lelega, pi ede nga zi ku ‘ba zi evuka si. ²² Ti di ezeze ku mo’di zi dige.Emuru enji mo’di zi di ni ga ku. Olu okole. ²³ Mvu iyi ayo papala ku.Ti mvo vino ga angwadu nyaa ikwi nyini ecandire ri ni pi lajwa lajwa zi’ba nyini ecandi’ba ri ni. ²⁴ Enji ‘ba zi’ba di kelende ‘ba tuwa du andaga pi kalaga a’ia andaga le’jo lalirega.Ti enji ziba kevo kelende vule. ²⁵ Ovi alu ri ani, i’ibu loso zi’ba kelende ‘ba andaga, ti kesu zi’ba ri pi sa zuru ku.